¹ Budufu omu nshingo namulonzize muzigirwa omurhima gwani, Namulonza na mubula. ² Naderha, leka ngende ngeregere omu lugo, ngasi ahakaba ali erhi emwabene wabo, mulonze muzigirwa omurhima gwani. Namulonzize chitaa mubwine. ³ Abalanzi bwo olugo babwine; kamwabwine omuzigirwa omurhima gwani? ⁴ Omu kasanzi kasungunu na mabarhengaho, nabona omuzigirwa omurhima gwani; Namugwarha, buzira kumuleka. Nerhi nyishimuhisa omu nyama, Namuheba omu chumpa. ⁵ Bayingizire, mwe banyere b'e Yerusalemu. oku kashafu n'oku mwana shafu w'emuzira, Murhasangya obuzigire erhi kubugusa, kuhika yene alonze. ⁶ Yenduyu oliwasoka kurhrnga omwirhungu, ali nka mutungo gwa mugi; gwa nterekero y'obuku n'obubani n'amalashi minja? ⁷ lola, chiri cipoyi cha Salomoni; twali makumi galindarhu gamugosire, twali ze Israeli. ⁸ Boshi bagwerhe emigushu, balenga bakulwa; ngasi mtu ahebire engorho yage omu chibunu omu kuyoboha mpu bakarherwa budufu.. ⁹ Mwami balomoni abayisize entebe yage n'omurhi gw'elibanoni. ¹⁰ Emitungo yayo yali ya marhale, N'omugongo gwayo gwali gwa nono, entebe yage erinolukula, omutuga nago gwali mudukula, Nshusho ye myambalo ya banyere b'e Yerusalemu. ¹¹ Haluki, mwe banyere b'e Siyoni, Mulole mwami Salomoni, Ayambirhe echungwe ayambikagwa nanina, olusiku ajaga omubuhya; olusiku lw'obusime bw'omurhima gwage.