¹ Niono ndi liuwa ly'eluziba. linyorosire lirha nkanayuma. ² Kwali nka lisi omu marhadu konoko muzigirwa wani omu karhi k'abanayere. ³ Nka murhi gwi pera omu muzirhu, konoko muzigirwa wani omu karhi k'emisole. Nanachitamala omu cihoho chago n'obushagaluke. ⁴ Ampeka omu nyumpa y'idinye, Ibendera lyage kuli nie buli buzigire. ⁵ Munyiguse emizabibu munanshagaluse n'amapera kulyakuba nahozire lugenda buzigire. ⁶ Nshegemire okuboko kwage kulembe, n'okulyo kunzongire. ⁷ Mbahunyire mwe banyere b'e Yerusalemu, nka mpene n'orhushafu rhwe muzirhu, murhakagizusa obuzigire, erhi kubuzusa murhanaciba haguma. ⁸ Yunvirhiza, ali muzigirwa wani! lola, ayishire, ali ahama omu ntondo. ali ashembuka shembuka orhurhondo. ⁹ Muzigirwa wani kwali nka kashafu nka mwanashafu. lola oku ayimanzire enyuma chogo cirhu. Ali ahenguza n'okulolera omu mirhule. ¹⁰ Muzigirwa adesire, ama mbbwira, huluka, muzigirwa, mwinja wani, chiyishire. ¹¹ Lola, oku emidumbi n'epondo byagezire. ¹² Ama uwa gamezire akasanzi kokuyufira kahisire, n'izu lya enguku lyayunvikire. ¹³ Emirhi ekola eriyarhoza enyaso, n'a emizabibu erhozize ebyasi, n'okukula obwehe bwinja; huluka, muzigirwa, wani, na mwinja wani, chiyishire. ¹⁴ Nguku yani, nfulike omu lukunda. Omumubuye oli hulusa izu lyawe, mbone obusu bwawe, bulya kuba izu lyawe lisomosire, n'obusu bwawe buba bwinja. ¹⁵ Rhugwarhire nyambwe, balya banyambwe barho, balya bakashereza emizabibu, kulya kuba emizabibu yirhu eriyayasa. ¹⁶ Omuzigirwa wani anali wani, nani ndi wage. ¹⁷ Chirhu izuba lyanka zima, n'ebihoho byakaba ompindukirire muzigirwa wani, nawe obe nka kashafu, nka mwanashafu o enyanya ly'entondo y'eBetheli.