¹ Olwimbo lwinja lwa Sulemani. ² Oku biyerekire oku nunu gurha nakanwa kage. Bulya amarhama gawe galushire idivai. ³ Obwehe bwawe buli bwambayira bwinja; izino lyawe lili nka malashi madubule; Muli kwo ababikira bakuzigira. ⁴ Ombulule enyuma zawe rhunalibirhe; mwami ompesire omu mwage. Rhwasima rhunashagaluke; Rhwaderha enyanya zamarhama gawe kulusha idivai; noko kushinganine bakusime. ⁵ Niono ndi mwiru mwiru cikone ndi mwinja, Mwe banyere b'eyerusalemu Nshusho ya mahema g'e kedari, Nka bihando bya Sulemani. ⁶ Murhandolerezagya kubandi mwiru mwiru, kulyakuba izuba lya mbabaga. Aana ba nyama bambera burhe, banjira mbe muzamu wamashwa g'emizabibu; chikone ishwa lyani ntalilangaga. ⁷ Omanyishe, mashi muzigirwa w'omurhima gwani, ngahi rhwalikiza obuso bwawe, Ngahi rhwadahiza bijingo. Bulya gurhi nakaba nka oshwekirwe aha masogabandi? ⁸ Orhanamanyi, w'oli mwinja omubakaz, Rhola enjira okulikire enshando zebibuzi, N'okulisa abanahene bawe eburhambibwa bugala bya gabagere. ⁹ Muzigirwa wani , nkushushan yize, n'endogomi nshwekere oku mituga ya Faraoni. ¹⁰ Amarhama gawe ahagarhi k'ebisikiyo, igosi lyawe omugarhi kamagerha. ¹¹ Rhwakujirira ebisikiyo byenono egwerhe amufundo gamarhale. ¹² Akasanzi mwami atamapaga okuntebe, obuku bwani bwakula akabayo kinja. ¹³ Muzigirwa wani alinka nshoho yabuku nko obugwishire omuchifuba chani. ¹⁴ Muzigirwa wani alinka cihando ca buku omu ishwa ly'emizabibu y'Engedi. ¹⁵ Lola nka wayinjiha, muzigirwa wani, olimwinja, amasu gawe gali nka nguku. ¹⁶ Lola nka wayinjiha, olimwinja muzigirwa wani osimisize, n'enchingo yirhu eliyabyasi. ¹⁷ Emitungo yenyumpa yirhu eri mirhi mizibu, n'oburhungiri bwirhu bulibwa mirhi ya nsindani.