¹ Lero Abafarizeyi baguma n'abahya e Yerusalemu emunda Yezu Ali, banaciberulaga, ² Bulya gurhi ntumwa zawe zikavuna obworhere bw'abagula? bulya barhakalaba nfune nka balya ebiryo byabo. ³ Anacibashuza , Ninyumwe bulya gurhi muvuna amarhegeko ga Nyamuzinda lyo mukenga oborhere bwinyu? ⁴ Bulya Nyamuzinda adesire, okenge sho na nyoko, n'owaje heherere ishe erhi nnina, anahanwa ecihano c'olufu. ⁵ Cikone mwene munaderhe, owaje bwire ishe erhi nnina echankamurhabala eri nterekero emwa Nyamuzinda, ⁶ arha ci sezibi oku kenga ishe erhi nnina. Mulioko munagyaguse akanwa ka Nyamuzinda oku bunguke b'oborhere binja. ⁷ Ezi ndyalya, Isaya alebire bwinja enyanya zinyu, erhi aderha, ⁸ olu lubaga lunankenge oku nderho ci omurhima gwabo guli kuli na nani. ⁹ Bananywerhe mpu banankenge bagali kayigiriza enyigirio z'amahano ga bene bantu. ¹⁰ Eri aba ama hamagala olubaga emunda ali, alubwira mpu yunvagi munamanye. ¹¹ Arhali ehija omuntu ekanwa hyo hizinza omuntu, ci ehirhenga omukanwa hyo hizinza omuntu. ¹² Abaganda bage banamuyegera banacimubwira, k'omanyire oku wasirhazize Abafarizeyi omu myanzi bayunvirhe? ¹³ Abashuza, ngasi mburho larha w'empingu arharhweraga, yashi kûlwa. ¹⁴ Mubaleke, eri mihurha eri yalongolana eybo. Erhi omuhurha gwanka longolana omuhurha, boshi banarhogera omu mwina. ¹⁵ Petro anacimubwira erhi , rhuhugulire ogu mugani. ¹⁶ Yezu aderha, ka ninyu murhasagi gwarha bwenge? ¹⁷ Kamurhamanyiri oku ebigera omu kanwa. inaje omunda na buzinda bikabulirwe eciguzi? ¹⁸ Cikone ebihuluka omukanwa birhenga mu murhima, byo binazinza omuntu. ¹⁹ Bulya omu murhima momurhenga engererezo ngalugalu, obunizi, obuhushi, obulyalya, obushambo, obunywesi n'okukoza. ²⁰ Ebyo byo bizinza omuntu, ci okulya buzira kukalaba enfune kurhanka zinz'omuntu. ²¹ Yezu arhenga eyo munda acijira omucihugo c'Etiro n'Esidoni. ²² Anacibona omukazi w'Ekana warhengaga ezo ntambi, anacimuyakuza, omber'obonjo nnahamwirhu mugala wa Daudi, mwali wani agwasirwe n'empusi mbi. ²³ Arhamushuzagya akanwa, abanafunzi bage bamuyegera, bamubwira mugalule ali arhubera irhwe. ²⁴ Abashuza erhi, narhumirwe emw'ebibuzi byahezire by'omunyumpa ya Izreheli. ²⁵ Cikone ayishi fukama emalanga gage aderha, nahamwirhu ontabale. ²⁶ Ashuza, birhashinganini ebiryo bya'abana okubiha ebibwana. ²⁷ Neci Nahamwirhu, aderha, cikone ebibwana binarhologole emisigala erhogera idako ly'ecirhi ca nnawabo. ²⁸ Honaho Yezu amubwira, mukazi, obwemere bwawebuli bunji, ojirirwe nkoku olonsize, honho omwali afuma. ²⁹ Yezu arhenga ezo ntambi aja hofi n'enyanja y'Egalilaya asokera oku ntondo atamala. ³⁰ Lero olubaga lunji lwamuyegera, ludwirhe ebirema, emihurha, orhuduma,orhumoga n'abandi balwala banji, babalerha aha magulu ga Yezu abafumye, ³¹ nkoku ciru olubaga lwasomerwa okubonaorhuduma rhwakaderha, n'oku orhumoga rhwafuma, n'ebirema byagenda, n'oku emihurha yakabona. Lwakuza Namuzinda we Izraheli. ³² Yezu erhiaba amahamagala abaganda aderha obwonjo bw'olugaga bwapangwarha bulya zikola nsiku isharhu bali haguma na nani barhanagwerhi eby'okulya, ntalonzizi mbagalule n'ishali barhagi bula emisi omunjira. ³³ Abaganda bamubwira gurhi rhwankabona mwer'irungu emigati yankayigusa olubaga nkolu? ³⁴ Yezu abadosa migari inga mugwerhe? bashuza oku eri nda na ndugunsungunu. ³⁵ Yezu anacibwira olubaga lwadahala okw'idaho. ³⁶ Arhola emigati nda n'erya ndugu, erhi amali shenga ayibega ahereza baganda bage bayigabira olubaga. ³⁷ Boshi balya banayigurha banaheka ntanda nda ziyunjwire ebihimbi byasigalaga. ³⁸ Abalyaga bali balume bihumbi bini buzira bakazi n'abana. ³⁹ Buzzinda agalula olugaga, ashonera omu bwarho aja entambi z'emagida.