¹ Muli ago mango, omurhegesi Herodi w'omu Galilaya ayunva baderha ogwa Yezu. ² Abwira abambali erhi: "Yowane Mubatiza oyo anafûwire! Okwo kwo kurhumire agwerhe obuhashe bw'okujira ebirhangaza." ³ Bulya Herode arhegekaga mpu bagwarhe Yowana, muziriringa ana muhira omu mugozi. Herodi ajiraga ntyo erhi Herodiadi muka mwene wabo Filipo erhi ye rhuma. ⁴ Bulya Yowane akagibwira Herodi erhi: "Orhayemerirwi okurhôla Herodiadi mpu abe muka we!" ⁵ Herodi akag'ilonza okuyirha Yohwane, cikoneayoboha olubaga lw'Abayahudi, bulya Yowane boshi bakag'imubona nk'âli mulêbi. ⁶ Lero olusiku l'okukengera okuburhwa kwa Herodi lwahika, mwâli wa Herodiadi asamira emalanga g'abâli balâlisirwe. Asimisa Herodi bwenene ⁷ ciru Herodi alinda acigasha oku amuha ngasi ebi akanamuhuna byoshi. ⁸ Omu kushimba ihano lya nnina, oyo munyere abwirq Herodi erhi "Ompere irhwe lya Yowane Mubatiza oku cishanjo!". ⁹ Mwami agaya, cikone bulya mira anacîgashiraga emalanga g'abali balâlisirwe, arhegeka mpu bamuhe lyo. ¹⁰ Ho n'aho arhima muntu muguma mpu ajitwa irhwe lya Yowane Mubatiza omu mugozi. ¹¹ Baysha badwirhe elyo irhwe oku cishanjo, baliha oyo munyêre naye alihereza nnina. ¹² Abaganda ba Yowane bagenda barhola omurhumba gwage bagubisha, enyuma lyaho, bagenda, babwira Yezu ebyabire. ¹³ Erhi Yezu ayunva eyo myanzi, arhenga eyo munda, aja omu bwarho mpu agende hâge hâge yene. Cikone abantu bamanya okwo; barhenga omu bishagala'bayisha bamukulikire, baja bagera oku bjrhambi bw'enyanja. ¹⁴ Erhi Yezu arhenga omu nyanja, abona engabo y'abantu, ababera obwonjo bwenene, arhondera okufumya abalwala bali mwo. ¹⁵ Erhi biba bijingo, abaganda bage bamuja ho, bamubwira mpu "amango gagezire na hano erhali eka, sengeruka abantu bajigula ebi balya". ¹⁶ Yezu abashuza erhi, "kurhakwanini bagende eka, mwene mubahe ebibalya." ¹⁷ Bamubwira, "rhugvwerhe bihimbi birhanu bya migati na nfi ibirhi," ¹⁸ Yezu ababwira,"Mubinderhere." ¹⁹ Honaho Yezu abwira olubaga lutamale okwidaho. Arhola erya migati irhanu na nduguibirhi. Agalamira emalunga avug'omunkwa ayivunagula bihimbi ahereza abaganda bage, n'abaganda bage bagabira olubaga. ²⁰ Boshi balya bayigurha. Banacirhologola ebihimbi byasigalaga, ntada ikumi n'ibirhi. ²¹ Abalyaga boshi bahisire balume bihumbi birhanu buzira kuganja abakazi n'abana. ²² Ho 'aho, Yazu anacisêza abagnda bage mpu baje omu bwarho, babe bshokola banayikire enyanja, oku naye asezera abantu. ²³ Erhi aciba amalika abantu, ayinamukira oku ntondo yenene, ajishenga. Lero byaba bijingo, erhi alikwo yenene. ²⁴ Obwarho nabo erhi bwamahika omu grhi k'enyanja, erhi bunadwirhe bwahunyangwa n'omulaba, bulya empusi yahubukaga embere. ²⁵ Sezi muceracera, Yezu abaja ho, ayish'alambagira omu nyanja. ²⁶ Erhi bacimubona ayish'a!ambagira omu nyanja, abaganda bage bafuduka, baderha mpu, ''muzmu'', n'erhi oboba bubagarha, babanda orhu hababo. ²⁷ Honaho, Yezu Yezu abaderhesa, ababwira erhi, muhire omurhima omu nda, murhayobohaga nie nnene. ²⁸ Petro naye erhi acishuza, aderha, ''Nyamwagirwa, akaba we, orhegekage ndambagire oku mishi njenemunda oli''. ²⁹ NayebYezu aderha, erhi, ''Yishaga''. N'erhi Petro acirhenga omu bwarho, alambagira oku mishi mpu aje emunda Yezu ali. ³⁰ Ci erhi acibona empusinerhankalindwa, ayoboha, n'erhi arhondera okuzama aderha,'' Muciza kufa kuno nyokola''. ³¹ Honahalya Yezu almbula okuboko, amugwarha, anamubwira, erhi, ''oli puntu wa bwemere bunyi, carhumire orhindira?'' ³² Erhi bacija omu bwarhonempusi yarhûla. ³³ Nabo abalinomu bwarho baysha, baharamya, banamubwira, mpu: ''Okuli, ociberire Mwene Nyamuzinda!''. ³⁴ Erhi bayikira, bja omu cihugo c'e Jenezareti. ³⁵ N'erhi abantu babo bacimumanya, Blumiza emyanzi emw'abalungwe boshi, banmulerhera abali balwala boshi. ³⁶ Bakagi mubwira mpu ciru bahume oku cikwi c'omwambalo gwage, na ngasi bacimuhumire kwo, banacifuma.