¹ Erhi Yezu ayusi hanula abaganda bage ikumi na babirhi, agenda yalagaza omubishagala n'omu bihugo. ² Yohana erhi ali omu mpamikwa ayunva ebijiro bya kristu, amurhuma ko abaganda bage ³ erhi ka wolya wayisha, erhi rhulinge owundi? ⁴ Yezu abashuza ababwira erhi, mugende mubwire Yohana ebi mwayunvirhe n'ebi mwabwine. ⁵ Emihurha eri yabona, ebirema biri byagenda, aba shomyo bali bacesibwa, entunva ziri zayunva, emifu eri yafuka, n'omwanzi gw'akalembe guli gwayigirizibwa aba garaganda. ⁶ Iragi emolya ntayishi bere canzo cokuhirima. ⁷ Erhi ali bugenda njira, Yezu arhondera abwira olubaga enyanya za Yohana , jici mwali jiri laba omwirungu kolusheke luli lwadundwa n'empusi? ⁸ Koki jici walijiri laba embuga, ka muntu oyambirhi omulondo gwe cishingo? Neci, abayambala emilondo ye ngulo baba omunyumpa yobwami ⁹ Lero bicigi mwaciri lola embuga, ka mulebi? Neci, mbabwizire mwe, nabinji kulusha omulebi. ¹⁰ Nebi byarhumire binji byayandikwa, bulya yolwa warhumaga biyandikwa mpu narhuma omurhonyi wani akushokolera, ajirheganya enjira wageramo. ¹¹ Okuli mubwizire , omwiburha lyo mukazi harhasagiba omukulu kulusha Yohana Mubatiza. Ci koki omurho omu bwami bwe mpinguye mukulu kuli ye. ¹² Gurhondera amango ga Yohana Mubatiza kuhika ene, obwami bwe mpingu bukola bwa misi, n'abemisi bo baburhola n'emisi. ¹³ Bulya abalebi boshi n'amahano balebire kuhika ko Yohana, ¹⁴ n'akaba mwalonza oku manyusa n'okuyemera, ali Elia ye wali wayisha. ¹⁵ Ogwerhe amarhwiri gokuyunva ayunve. ¹⁶ Na ndi nakashushanya eli burha? Liri nka bana bali basharha omu chambu, batamire bali badosanya. ¹⁷ n'okuderha, rhubazihire akarhera, barhana samaga. Rhumu yimbire enyimbo z'emishibo murhana lakaga. ¹⁸ Bulya yohana ayishire akalya n'okunywa baderha erhi ali mw'omuzimu. ¹⁹ N'omwana w'omuntu ayishire alya ana nywa baderha; mpu mudambye na mulalwe, na mwira wa bavurhisa na banyabyaha ci obumanye bwage bwayishi manyikana kugerera emikolo yage. ²⁰ Yezu anacirhondera akalihira ebishagala ajiaga mwe bisomirine binene, okubona birhaciyunjuzagya. ²¹ Buhanya bwawe Korazini, buhanya bwawe Betisaida! bulya ebisomerine byajiragwa omukagarhi kawe bici jiragwa omu Tiro n'omu Sidoni, singa mira baciyunjuzagya, bayambale n'amasunzu n'okushiga oluvu. ²² Co cirhumire mubwir'oku lusiku lwoku twir'olubanja Tiro na Sidoni bahanwa hisungunu hali mwe. ²³ Nawe Kaperenaumu kawaima omu bukulu bw'empingu? Nanga wayandagazibwa kuhik'omunshinda, bulya ebisomerine byabaga muli we bicijiragwa omu Sodoma rhinga ho aciba kuhika ene. ²⁴ Cho cirhumire mbabwira oku olu siku lwokutwa olubanja, ecihugu ce Sodoma cahanwa bulembo kukulusha. ²⁵ Mwene yo nsa Yezu aderha, Larha nkuvuzire omunkwa, Larha nahano we mpingu n'igulu, bulya ebintu wabifulisire abanya bwenge n'aben'obumanye, waji bifululira abana barho. ²⁶ Neci Larha nkuvuzire omunkwa bulya kowanabwine ntyo. ²⁷ Ebintu byoshi nabihabirwe na Larha, na ntaye wankamanya omwana nkarhal'ishe; na ntaye kandi wankamanya ishe nkarhali omugala n'oyu alonzize okumufululira. ²⁸ Muyish'emundandi, mweshi mugogomirwe munabarhwire, nani namurhaula. ²⁹ Murhole omushoko gwani, muyankirire n'amahano gani, bulya mba mutudu na mwirhonzi wa murhima mwaluhuka omu mirhima yinyu. ³⁰ Buly'omushoko gwani guba mulembu, n'irhu lyani liba lyangu.