¹ Erhi hagera myaka ikumi n'ini, nashubira e Yerusalemi rhwene Barnaba, naheka na Tito ago mango. ² Nayija obwo bulya Nnamahanga aliambonekire ambwira mpu nyije. Ihano lyani najiraga eyo rhwene abimangizi, nabaganulira emyanzi y'Akalembe nja nayigiriza abarhali Bayahudi. Ntalonzagya nti ebi ndinakola nisi erhi ebi nakozire bifanande. ³ Owirhu Tito ali Mugiriki, barhamusezagya mpu akembulwe ⁴ ciru akaba lirya irumbi mpu bene wirhu bali cinanisire milk rhwe, bajaga balonza mpu bamukembule. Abo bantu bajaga bacishosha omu murhwe gwirhu, zali nka ndolerezi zajaga zalola gurhi rhuba mwo bantagengwa omu bulungane haguma na Yezu Kristu, bajaga balonza barhuhindule baja. ⁵ Arhali liguma lyone rhwabalesire, nti lyo rhumuhisa kwo obushinganyanya bw'emyanzi y'Akalembe. ⁶ Cikone abali nka bo bagula babo , oku bali bayosire kurhali nyerekire,bulya Nnamahanga arhajira kabolo, abo bagula barhansezize mpu njire kulebe. ⁷ Babwine oku Nnamahanga angabire emikolo y'okuyigiriza abarhujirire Bayahudi Emyanzi y'Akalembe ,nka kulya ayigbiraga Petro mpu ayiyigirize Abayahudi. ⁸ Bulya Nnamahanga anjijire ntumwa emw'abarhali Bayahudi nka kulya ajiraga Petro ntumwa emwa barhali Bayahudi. ⁹ Yakobo na Petro na Yohana zozali nshokolezi, bânali bamanyire oku Nnâmahanga wangabiraga ogu gwani gwani mukolo, banarhuha okuboko niono na Barnaba mpu cibe cmanyiso ca cinyabuguma. Aho rhwayunvikana oku rhwehe rhwajikolera emwa barhali Bayahudi, nabo bajikolera emwa Bayahudi. ¹⁰ Kuguma kone barhuhunyire mpu rhukakengera abakenyi bali omu murhwe gwabo gw'Abakristu e Yerusalemi, kwo nakulya nashibiriraga bwenene okukujira. ¹¹ Cikone erhi Petro aja e Antyokiya, namulongoleza yo omu lubaga bulya âli ajijire kubi. ¹² Bulya embere balya bantu Yakobo arhumaga bahike, Petro akagi humira haguma n'abarhali Bayahudi. Cikwone erhi abo bantu bahika acijira walinjo, erhi ayoboha okulira haguma n'entakembulwa. ¹³ Abandi bene wirhu b'abayahudi balolera kwo Petro, ciru na Barnaba naye alinda yahukirwa n'eyo ngeso yabo. ¹⁴ Erhi mbona oku bakola balimwo kurhaciri kwinja kurhanakwanini emyanzi y'Akalembe, nabwiririra Petro omulubaga nti: We Muyahudi oli walama omu borhere bwa barhali Bayahudi, cikone orhakenziri amahano g'Abayahudi. Kurhigi ociri walonza okuseza abarhali Bayahudi mpu balame nka Bayahudi. ¹⁵ Rhono rhuli Bayaudi omu maburhwa ci rhurhali banyabyaha b'omu gandi mashanja. ¹⁶ Rhubabalira rhuyishi okw'omuntu aba mushinganyanya emalanga ya Nnâmahanga omu bwemere muli Yezu Kristu, Cikone arhalusize mpu kwenge akenga amarhegeko ga Musa. Co cirhumire nirhu rhukola rhuba bashinganyanya bulya rhwayemire Yezu Kristu, Cikone arhali mpu kwenge rhukenga amarhegeko, bulya ntaye wankaboneka mushinganyanya bulya akengenzie amarhegeko . ¹⁷ Erhi akaba rhulonza okuba bashinganyanya erhi orhuma, kwo kuderha oku nirhu rhunaciri banyabyaha aka bapagani, ka kwo kuderha oku Kristu byaha aja kolera? Kubesha la! ¹⁸ Erhi nakashubi rhondera nalungikanya obworhere bw'omu marhegeko, na niene nabushabaga erhi niene namacijira muntu orhakenga marhegeko. ¹⁹ Okuhira, oku biyerekire amarhegeko, niono nkola nfire, n'olwo lufu marhegeko galudwirhe, byabire ntyo mpu lyo ndama muli Nnamahanga,niono nafire oku musalaba haguma rhwene Kristu. ²⁰ Nka kulya ciru arhaciri niene ndi nalama, ci Kristu oli alama muli nie. Obulamu bw'obunyamuntu nciri nalama buno, ndi nabulama omu bwemere muli Mugala wa Nnamahanga, ansimire ahana obuzine bwage erhi nie ntuma. Ntâkalahira olukogo lwa Nnâmahanga. N'okuhinduka erhi ankaba obworhere bw' amarhegeko bwo burhuma omuntu ajirwa mushinganyanya, erhi Kristu busha afire.