¹ Paulo abomolera amasu abantu b'omu nderho, aderha erhi, bene wirhu niono oku ntimanyo zichire kobinali ndamire emalanga ga anayamuzinda guhika ene. ² Omudahwa mukuku Anania arhegeka okubamushurire oku kanwa. ³ Honaho Paulo amubwirha erhi, Nyamuzinda akushurha we, chimpapa chishige engwa. otamire mpu ontwire olubanja kugerera irhegeko, lerho oshubi rhegeka okushunshurhwe oku irhegeko lirhadesirhi? ⁴ Aamuli hofi bamubwira mpu kakobinali wajachira omu dahwa mukulu wa Nyamuzinda? ⁵ Paulo aderha erhi bene wirhu, benewirhu ndamanyire oku olimudahwa mukulu, bulya biyandisirwe oku omanye waderha kubi enyanya z'omukulu wabantu bawe. ^{6 7} Erhi ayusi derha ntyo haba akantangwe egarhi k'abafarisayo n'abasadukayo, oburhimanani bwavangana. ⁸ Bulya abasadukayo mpu harhaba buzinda, erhi malaika nisi erhi muka; abafarisayo bohi babi babiyemire byoshi. ⁹ Haba lubi lunji, abandisi b'olunda lw'abafarisayo bayimanga ba chihurhana, baderha erhi, rhurhabwini obubi boshi boshi kw'oyu muntu buli bubi buchi erhi ankaba muka erhi malaika oli wamuderhamo? ¹⁰ Erhi kaba kadali kanene, olya mukulu waba sirika agaeramwo oku Paulo agera omunsanya arhegeka abasirika bahonoke bachimukula n'emisi omu maboko gabo, bamu lerhe omu kagombe . ¹¹ Erhi buba budufu Nyakasane ayimanga eburhambi bwage, aderha, okomeze omurhima, bulya oku hamirizagya emyanzi yani e yerusalemu, k'onagwasirwe ompamirize omu roma. ¹² Erhi buchanula a bayahudi baja irhigi, bachigasha mpu barhalye guhika bayirhe Paulo. ¹³ Nabajaga muli ogo mwigasho bahika bantu makumi anni. ¹⁴ Bayimuka baja emwa abadahwa bakulu nabagula, baderha erhi rhuchigashire oku nta kantu rhwaheba ekanwa guhika rhuyire Paulo. ¹⁵ Bobwo mwe haguma n'abagula b'endaro, mujirheba omukulu wabasirika oku ayandagaza Paulo idako emunda rhuli, nka mwe mwalonza okumanyirira bwinja emyanzi ; nirhu rhwaba rhucirhegwire oku muyira arhana jihika. ¹⁶ Nalume wa Paulo ayumva emyanzi y'irigi lyobo, akanya aj'aomu kagombe abwira Paulo omwanzi. ¹⁷ Paulo abwira omwimangizi wabarugu erhi hisa ogu musole emunda omukulu wabasirika ali, bulya agwerhe omwanzi amubwira. ¹⁸ Honaho anamuheka emunda omukulu wabasirika ali, amubwira erhi, Paulo olya mushwekwa, anampamagire amambwira oku nkulerhere oyu musole, mpu agwerhe omwanzi akubwira. ¹⁹ Olya mukulu wa basirika amugwarha okuboko bombi bachiyegula eburhambi, amudosa mahwe, mwanzi munchi ogwerhe walonza okumbwira? ²⁰ Amubwira erhi, abayahudi bajire irhigi, oku irhondo bakuhana Paulo omuyandagaze emunda abali, omuhere emelanga g'endaro nk'abalonza bamanyire emyanzi yage bwenene. ²¹ Omanye wa yemera, bulya bantu barhalusire makumi anni, bamulalira, banachigashire mpu barhalye barha na nywe, guhika bamuyirhe; bana chigoshwire bwenene okuwe wabahisa kweye. ²² Omukulu wabasirika oleka olya musole gwachindera, amubwira erhi, omanye orhabwiraga muntu, yeshi yeshi oku hali oku ombwizire. ²³ Ahamagala birongozi bibirhi omu basirika, ababwira erhi, murhegule basirika magana abirhi baja, e kaisario, na basirika makumi gali nda bagenda, oku birhesi, na nfola mihero ganana abirhi, aha nsa zisharhu z'obudufu. ²⁴ Ababwira oku barheganye ebihesi bayinamukane Paulo , bamuheke n'omurhula emwa omurhambo Feleki. ²⁵ Ayandika olwandiko ludesirhe ntya: ²⁶ Klaudia Lisia emwa omukengwa Feliki, musingo. ²⁷ Oyu muntu agwarhagwa n'abayahudi, erhi balonza oku muyirha, nagenda haguma na abasirika bani bamuchiza, erhi manya oku ali mu Roma. ²⁸ Lyo manya bichi bamushobesire namuyandaza omu ndaro. ²⁹ Nashanga oku bamushobekire ebilozire irhegeko lyabo, chintabyo bamushobesire byankarhuma anigwe. ³⁰ Erhi manya oku hali irhigi enyanya lyage, honaho namarhuma emund'oli, mbwiraga na balya bamushobesire, bakubwire emyanzi yage. Ndamusize. ³¹ Honaho balya basirika baheka Paulo nkoku bana rhegekwa, bamuhisa e Antipatri budufu. ³² Erhi buchanula abasiga abagenda oku bihesi bamugendane, nabo bagaluka ebwa kagombe. ³³ Abo bandi erhi bahika e kaisaria, baha omurhambo oleandiko, bamulambula na Paulo. ³⁴ Erhi amasoma olwandiko abadosa erhi, oyu muntu ali wa lunda luhi? Erhi abwirwa oku ali muntu w'ekilkia, ³⁵ Aderha erhi nkuyumiriza we, hano abakushobesire bayisha arhegeka oku gamubezi omu burhwali bwa Herode.