¹ Yaga mwe bashamuka, bene wirhu na balarha, munyunvereze nchihugule emalanga ginyu. ² Erhi bayumva oku chiebrania abashambazize mwo, akahwenyenye kayushuka; aderha erhi. ³ Niono ndi muyahudi , ndi muburhwa w'e tarso chishagala ch'ekilkia, chi nalerwa muli luno lugo, omu magulu ga Gamalieli, na nyigirizibwa irhrgeko lya balarha oku bishinganine, naba muntu wacikono emwa Nyamuzinda nkoku ninyu munayosire ene. ⁴ Nalibuza abantu b'eyinjira guhika n'oku baniga, nabashweka, n'okubahera omu mpamikwa, bashamuka na bazire. ⁵ Omu dahwa mu kulu ana mpamiriza, n'abagula b'endaro boshi, bobakagi hekera abo bantu, naja e Damaski, najilerha abaliyo baji shwekerhwa n'oku hanirwa e yerusalemu. ⁶ Erhi mba nkola ndi omu lugenzi nkola ndi hofi n'e damaski, mushikalengerere, hon'aho obulangashane bunene bwarhuka e mpingu, bwamoleka entambi zoshi. ⁷ Nahirma okwidaho, nayumva izu lya mbwira erhi, Sauli,sauli, chi wa ndibuza? ⁸ Nashuza nti wendi Nnawirhu? ashuza erhi chi nie Yezu munya nazareti, oliwalibuza. ⁹ Naba rhwali kuguma babwine obo bulangashane, chikone, barha yunvaga eryo izu lyowajaga aderha. ¹⁰ Na derha nti gurhigi njirage Nyakasane? Nyakasane ashuza erhi, oyimage oje omu lugo lw'e damaski, omala wabwira ebi orhegesire okujira. ¹¹ Arhola erhi ntaciri nabona okuba bulya balangashane bwa mpusize amasu, abarhwali kuguma bangwarire omu oku kuboko, naja omu damaski. ¹² Muntu muguma Anania, alimushinganyanya omu kushimbulira irhegeko, a bayahudi boshi bali mumanyire. ¹³ Ashimana, ayimanga hofi nanani, ambwira erhi, mwene wirhu Sauli , obone. honaho nagalamula amasu. ¹⁴ Aderha erhi, Nyamuzinda waba larha okondwirhe mpu omanye ubulonze bwage, obonene n'olya w'okuli, oyumvirize n'izu lyage rhenga omu kanwa kage. ¹⁵ Bulya waba muhamiriza wage emw'abantu boshi, na byoshi wabwine n'ebiwayumvire. ¹⁶ Hoshi aho na bunola, bici oliwayinda, yimanga, obatizibwe, ochese ebyaha byawe, oyemere n'izino lyage. ¹⁷ Erhi mba nashibire e yerusalemu,nkalandinashenga omukanyamuzinda,nabank'owa ma hola. ¹⁸ Nabona, ambwira erhiorhenge duba-duba muno yerusalemu,bulya barayemereobuhamiriza bwawe enyanya zani. ¹⁹ Nani namubwira nti , Nyakasane, bamanyire oku nakagi shweka omu mpamikwa n'kushura omu ndekro ngasi akagi kuemera bwoshi. ²⁰ Erhi bali babulaga omuko gwa omurhumisi wawe Stefano, nali nyimanzire hofi, nayemera, okulanga emishangi ya bakagi muyirha. ²¹ Naye ambwirha erhi, chigendere; bulya nkola nakurhuma ojekuli omu bantu b'olubaga. ²² Bamugumviriza guhika oku kanwa kazinda, bayakuza erhi, kuli oyu omu chihugo, bulya arhashinganini okulama. ²³ Erhi baba bali babanda oloho n'oku yerura emishangi bali yambire n'okutula olutulo. ²⁴ Olya mukulu wabasirika arhegeka oku bamulerhe kandalola k'akagombe, aderha oku, agera oku rukiko banali bamushurha emikolosa, lyamanya echarhumire bamuha oloho okuli nk'oko. ²⁵ Erhi bayusi mushweka n'omugozi, Paulo abwira oyo mukulu waliyimanzire eburhambi bwage, erhi ka! bishegesirwe kuli mwe okushurha omuntu odesirwe Muroma arhanacitwira olubanja? ²⁶ Oyo mwimwnzi ajibwira omukulu wabasirika, erhi bichiwajira ? kali olya kali olya muntu ali mu Roma. ²⁷ Omukulu wabasirika ayisha, amudosa erhi, ombwire, erhi, oli mu Roma? Ashuza erhi, nechi. ²⁸ Omukulu wabasirika amubwira erhi niono nahezize birhugu binji lyo mbaye Paulo naye amubwira erhi, niehe nabire omu roma omu maburhwa. ²⁹ Honaho abali bacirheganyize oku bamudosa bagenda bamusiga aho n'olya mukulu wabasirika ayoboha, erhi amanya oku ali mu roma, anana mushwesire. ³⁰ Erhi bucha alonza amanye kobinali bichi ashobekirwe n'abayahudi, bamushwekula arhegeka oku badahwa bakulu n'endaro yoshi bayishe babuganane, ajiyinamula Paulo amuhaba emalanga gabo.