¹ Nantyo Entumwa n'abaguma balidamire omu yudea bayunva oku entamanywa nabo bahabirwe akanwa ka Nyamuzinda. ² N'erhi Petro asokera eyerusalemu, balya bayimanga aja kadali kuguma, ³ Baderha mpu: wajire emwibantu barhake mbwirhwi wa malya kuguma. ⁴ Cikwone Petro arhondera okuba bwira, okubwirhanzi aderha: ⁵ Nali omucishagala ca yopa, na jaga nahuna, omurhema gwani gwa mashihola, nama bonekerwa, ecintu nka mushangi munene gwama hona, guligahonesibwa kurhenga emalunga omulunda zalyo ine; vamashi mpikira. ⁶ Nalolereza bwenene, nabona ensimba zo mwigulu za magulu ani, n'ensimba ze muzirhu, nizi bululuka, n'orhunyunyi rhwe malunga. ⁷ Kandi nayunva izu lya mbwira mpu: imanga, Petro baga, lya. ⁸ Cikwoki aderha: ciri nihityu Nyakasane, bulya ntazagilya incintu cizize, erhicibi. ⁹ Cikwone izu lyanshuzabwa kaburhi kurhenga emalunga, ebinyamuzinda acesize, orhabijiraga bizinze. ¹⁰ Aka kanywa kajiri kana bwankasharhu, ahandi byashonesibwa emalunga. ¹¹ Lolaga, eyonsa yeneyo bantu basharhu emalanga ge nyumpa rhwalimo; barhumagwa emu nta ndi kurhenga ekaisari. ¹² Naye muka ambwira okurhugenda kuguma buzira boba, ciru naba benewirhu ndarhu bandusa rhwanja omunyumpa yoyo muntu. ¹³ Naye arhubwira oku ana bonaga Malaika ayimanga omunyumpa yage n'okumubwira: Rhuma abantu bage yopa bahamagale Simoni ohamagalwa Petro; ¹⁴ Yewabwira gurhi wacunguka, we na bantu bomunyumpa yawe. ¹⁵ Nani erhintangira nade, muka ocire abo, honera nkoku arhu honeraga nirhu oku murhondero. ¹⁶ Nakengera akanwa kanyakasane, oku oderhaga: Yohane abatizize okumishi, cikwo ki mwehi mwabatizibwa oku muka mwimana. ¹⁷ Nat'yo, erhi akaba Nyamuzinda abahire oluhembo nkoku arhehire erhi rhuyemera Nyakasane Yezu kristu, ndi bici, lyo ntaga Nyamuzinda? ¹⁸ Amango bayunvangya eyimyanzi bahulika, bakuza Nyamuzinda, baderha: kumbi ociru okunta manywa intyo Nyamuzinda abaha obuciyu njuze okubona akalamo. ¹⁹ Nt'yo balya bajaga eyineyi enyanya kwo Stefano, babalama kuhika efoinike, n'ekipuro n'e Antiokiya, cikwone barhayigirizagya emyanzi ya kalembe, cikwone oku bayuda banene. ²⁰ Na bandi babo bali bantu be kipuro n'ekwene; nabo erhibahika e antiokiya baderha n'abayunani, bayigiriza emyanzi ya kelembe ya Nyakasane Yezu. ²¹ N'okuboko kwa Nyakasane kwali haguma nabo, na bantu banji bayemera bahindukira Nyakasane. ²² Eyi myanzi ya hikira omumarhwirhi gwo lurhamba omu yerusalemu. Barhuma barnaba, aje e antiokiya. ²³ Naye erhi ahika n'o kubona amanemagya Nyamuzinda, aceshinga, abayinginga boshi bayinjibane Nyakasane enyanya lyo murhima. ²⁴ Bulya alimuntu mushinganyanya, ayunjwire muka mwimana n'obwemere; Bantu banji bayushuka emwa Nyakasane. ²⁵ Agenda aja e tarso ajilonza Saulo. ²⁶ Erhi amubona amulerha e antiokiya. yaba nkalugiro lya mwaka muguma bashangana n'olu rhamba, n'okuyigiriza bantu banji N'entumwa zahamagalwa ba kristu barhanzi omu antiokiya. ²⁷ Na mwako kasanze balebi banji bahonoka kurhenga eyerusalemu, kuja e Antiokiya. ²⁸ Namuguma wabo, izino lyage Agabo, ayimanga, ayerekana okumisi ya muka mwimana oku ishali linji lyaisha omugulu lyoshi: nalyo lyaisha omu mango ga klaudio. ²⁹ Nabafunzi, ngasi mentu oku emisi yage yali, barhumira benewabo oluhembo oku bali eyuda. ³⁰ Bajira n'tyo balekera abashosi oku maboko ga barnaba na Saulo.