¹ Nyamuzinda aderha na Musa amubwira: ² Shambala n'abana b'e Israeli nj'obabwire: Amango nji jira emirimo ya Nahano nk'eri y'oku bantu, nji bajirira Nyamuzinda binga yankafa, changwa yakagerera kubinga. ³ Engulo y'omulume wa myaka makumyabiri kuhika oku myaka makumi gali ndarhu; eri ya kugerera oku Sekeli ya furanga makumi marhano, kachiro ch'entulo ya buchese. ⁴ Nka kaba ali mukazi echi chiro chanaba cha Sekeli makumi masharhu. ⁵ Kurhenga oku myaka erhano kuhika oku makumyabiri echi chiro nji chaba Sekeli makumyabiri oku mulume, n'oku munyere nji yanaba Sekeli ekumi. ⁶ Kurhenga oku mwezi muguma kuhika oku myaka erhano, echi chiro chawe nji chaba Sekeli erhano z'efuranga oku mulume, na Sekeli esharhu z'efuranga oku munyere. ⁷ Kurhenga oku myaka makumi gali ndarhu kuhika enyanya waho, echi chiro chawe nji chaba Sekeli ekumi n'erhano oku mulume, n'ekumi che Sekeli oku mukazi. ⁸ Nk'oyula wakajira emirimo ye chiragane ali na mukene bwenene w'okugombola echi chiro, nji bana muyerekana emw'omudahwa, yi wamenya ebi amuhuna, n'omudahwa yi wajira echi chiro kugerera haguma n'ebikulo by'oyola mulume akabona. ⁹ Nka byakaba birhungano mwarhula nterekero emwa Nyamuzinda, ngasi chirhungano choshi nji waha Nyamuzinda chaba chintu chichese. ¹⁰ Nta kuhindamula, na nta kuheba ehibihire ahantu ha kwirire, changwa ehikwirire ahantu habihire, nka wakagombola echirhungano oku chindi, nji byanaba biguma oku chindi chintu chichesezwe. ¹¹ Eri akaba y'elubala birhalibwa bilerh'omuziro, birhakaba nterekero y'okurhulira Nyamuzinda, nji wanajiyerek'echo ch'elubala charhachesezwa Nyamuzinda. ¹² Nji wajira chi chiro nk'oku byakaba bikwirire changwa bibihire, nji banahekera echiro omudahwa achijire yenine. ¹³ Eri bakalonza oku chigombola, banayushula echigabi cha karhano oku chi chiro chi kwanene. ¹⁴ Eri hakajira owaguza enju yage nterekero emwa Nyamuzinda, omudahwa anagenda lola akab'ekwirire changwa abihire, kandi banashimb'engulo l'eyichi chiro omudahwa asimire. ¹⁵ Eri oyola wahanaga enju yage chiragane akalonza okuyigombola, anayushula echigabi cha karhano oku ngulo omudahwa ahanaga, lyoke yana yorha yawe. ¹⁶ Eri hakajira warhulira Nyamuzinda echi chira ch'eshwa lyage yenine, wanarhola echi chiro chawe omu kulola emburho enganagurhe warhwerera mweryo shwa: Sekeli makumi marhano z'efuranga mpu rhuhake emburho z'obugere. ¹⁷ Ery'akaba mwogola mwaka g'obushagaluke, mwo hanire eshwa lyage nterekero, wana kulikira echi chiro chage. ¹⁸ Ch'aliko eri yakaba enyuma ly'omwaka g'obushagaluke, ly'arherekera eshwa lyage, omudahwa anacha engulo omu kuganja emyaka echiyorhere, kuhika oku gundi mwaka gw'okusima, na ntyo chilala chi chiro chanashubwako. ¹⁹ Eri oyola warhekera eshwa lyage alonza okuligombola, anayushula echigabi cha karhano oku chi chiro, na ntyo eshwa lyanayorha lyage. ²⁰ Ery'akaba arhaligombwere, eshwa lyage akafunda kuliguza owundi muntu, eryo'eshwa lirhakachigombolwa. ²¹ N'amango lirhachigombwerwe n'owalirhola, oku mwaka gw'okushalula, eryol'eshwa lyanayorha lirhegekerwe emwa Nyamuzinda,likol'eshwa lyahanagwa chiragane,lyanaba ly'omudahwa. ²² Eri hakajira warhegekera Nyamuzinda eshwa ahabagwa chikinja, chilirhaali lyage loshi, ²³ Omudahwa anagenda kulola eryol'eshwa analijirira echi chiro kushimba n'amango gayorhere kuhika omu mwaka gw'okushalula, oy'omuntu anajuha olw'olusiku nk'okubinali engulo bachaga nka kantu baherera Nyamuzinda. ²⁴ Omu mwaka gw'okushagaluka, eryo shwa lyanashuba kuba ly'ola waliguzaga, ly'olala wanali ninalyo lyoshi. ²⁵ echi chiro chawe choshi wakazi chigerera oku Sekeli omu mbikiro y'omu nka Nyamuzinda: Eba Sekeli ya kagererwa oku makumyabiri. ²⁶ Chi ntaye wakajira achese echiragane ch'eburha -lubere lw'omu bishweka byage, bulala ebyola nka mburha lubere, bikola biyorhere biri birherekere Nyamuzinda, ebe nkavu, chibe chibuzi. Byoshi biyorhere biri bya Nyamuzinda. ²⁷ Eri nk'aba ch'elubala ch'omuziro, nji banachigombola oku ngulo obachirire, n'oku yushula kw'echigabi cha karhano; n'eri nk'aba chirhagombwerwe, bana chiguza oku ngulo wachichiraga. ²⁸ Ntacho oyu muntu akaderha alahiza Nyamuzinda,omu by'aherhe byoshi, arhakachiguza, arhakanachigombola, abae muntu, chibe chirhungano, changw'eshwa lyawe, ngasi choshi nji waderha walahiza. Choshi nji chaba cha Nyamuzinda, ²⁹ nta muntu wakaderha arherekerwe Nyamuzinda wakachigombola: NJi banamuyirha omu biraka byola. ³⁰ Ngasi ntulo y'omu budaka changwa y'okuhumba omu budaka changwa y'emburho y'emirhi eri ya Nyamuzinda; chiri chintu chi chesezwe emwa Nyamuzinda. ³¹ Nka hakajira omuntu walonza okugombola echintu oku ntulo yage anayushula echigabi ch'akarhano. ³² Oku biyer'ebirhungano bizibuzibu n'ebigeke-geke, ngasi hyoshi hihugwa n'akarhi k'omungere chigabi cha kali kumi chakazirherekerwa Nyamuzinda. ³³ Nji barhalondola mpu chi chirhungano chi kwirire changwa chi bihire, na nji barhahindamula; nka baka heba echirhungano aha chindi chaliri, nji chaba chiguma oku chindi chintu chi chesezwe, nji chirhagombolwa. ³⁴ Agola g'amarhegeko Nyamuzinda ahaga Musa oku ntondo ye Sinayi, eri bana b'e Israeli barhuma.