¹ Ebyola byalizibuhire bwenene oku Yona, n'oku mugayirha. ² Ahuna Nahano, n'okuderha:Ee Nahano, arhali binaderhaga amango naliri omu chihugo chani? checharhumaga nagira duba okukulibirhira e Tarasisi. Bulala naliyinji kw'oba Nyamuzinda w'obonjo n'olukogo, orhanaba nokugaya dubaduba na mugale w'obonjo bunene, n'okugaya amabi. ³ Aliko, Nahano, arhola akalamo, bulala olufu luli lwinja kulusha akalamo. ⁴ Nahano ashuza: najirire bwinja oku gaya? ⁵ Na Yona arhega omu chizungu , n'oku jiyikala ewa kujira kw'echizungu. Eyo achiyumbakira y'echirhala, n'okuyikala eshishi w'echichu, kugerera aha kabonera ebyaba omu chizungu. ⁶ Nahano Nyamuzinda ameza oloba, lwaja enyanya wa Yona, mpu yi luheba emboho oku rhelya Yona, aba n'obushagaluke bunene enyanya y'olo loba. ⁷ Aliko olusiku lwa kabiri, emiseke, Nyamuzinda alerha omunyole gwalya ololoba lwayuma. ⁸ Omukuzuka kw'ezuba, Nyamuzinda alerha omuhusi gudagarhiri gw'ewa kulama kw'ezuba, n'ezuba lya shurha erhwe lya Yona, kugerera ahukumbagala n'omurhamo. Ahuna olufu, n'okuderha: Olufu luli lwinja kulusha akalamo. ⁹ Nyamuzinda abwira Yona:Wajirire bwinja okugaya enyanya w'oloba? Amushuza: Najirire bwinja okuchigogira kugerera okufa. ¹⁰ Na Nahano aderha: wabere obonjo oloba arhahanaga chiro kw'olufuranga na ntakulukuza, olwa burhwaga omu budufu n'okuhera omu budufu buguma. ¹¹ Na nani, ntakabera e Ninawi obonjo, echizungu chikulu, chiri mu bantu bihumbi Egana na makumi mabiri barhayinji kuberhula amalyo gabo na malembe gabo, n'enyama ziri zoluganjo lunene!