¹ Omwazi gwa Nahano gwagerera Yona obwakabiri, gwaderha: ² Yumanga, genda e Ninawi, chizungu chinene, n'Okuderha emyazi nakurhumaga! ³ Na Yona ayumanga, n'okuja e Ninawi, nkukw'omwazi gwanahanagwaderhwaga. Ninawi chaliri chihugo chinene, chasiku esharhu okundambagirwo. ⁴ Yona arhanga mala lusiku luguma yalambagira omuchizungu; alemaga ayama n'okuderha: Enyuma ya siku makumi mane, na Ninawi ya nashandulwa! ⁵ N'abantu b'e Ninawi baliherhe obwemere oku Nyamuzinda, bayalagaza okurhalya, n'okuyambala emifuko, kurhengw'okubakulu kugerera oku badorho. ⁶ Omwazi gwagera Mwami w'e Ninawi; ayumuka okuntebe yage y'obwami, ahogola echishuli chage, ayambala omufuko, ayikala omuluvu. ⁷ N'ogo mwazi gwajirwa omu Ninawi, oku rhegeko lya mwami haguma n'abakulu: Abantu n'enyama, empanzi n'ebiganda buzi, ntakulya chiro nehityu, nantakushuka menji. ⁸ Abantu n'enyama bashukerwe emifuko, bayame bwenene emwa Nyamuzinda, n'okuleka enjra zabo zibi n'ebijiro byabo bibi by'amaboko gabo! ⁹ Nde wakamenya aka Nyamuzinda arhakayinja n'okuhungama, n'akaba arhakaleka oburhe bwage, yinjji rhuyinjaje hirima? ¹⁰ Nyamuzinda abere abona bamajira ntyo n'okuleka enjira zabo zibi. s'aliko Nyamuzinda agaya ogo mwazi mubi, arhona chijiraga ntyo.