¹ Bulala mukole,mwezosiku,namwago mango,amango na bagalulir'abashwekwe be Yuda na be Yerusalemu. ² Nji na hebb'olubaga lwoshi haguma, n'oku bayandagaz'omu lubanda lwa Yosafati; Eyo muda, nji naj'omu lubanja haguma nabo, enyanya w'abantu bani, be Israeli, omwandu gwani, bala barhahererag'omu bantu, n'enyanya z'e chihugo chani bagabanaga. ³ Basharhir'abantu bani emiderhe ( simbi ); bahanir'omusole w'oburhabana oku buhushi, baguz'omusole w'omunyere oku divayi, bananywa. ⁴ Bichi mwandozako, Tiro, na sidona, nenyu mweshi, ebigabi by'e Filistiya ? Mwangalulir'oluhembo ? N'akaba mwalugalula, na jira dubaduba oku barhozeza kw'oburhe bwenyu oku marhwe genyu. ⁵ Mwarholer'efuranga zani n'ehoro yani; n'ebinaliherhe bikwirire bwenene n'ebinja, mwabiheker'omu makanyamunzinda rhwenyu. ⁶ Mwaguziz'abana ba Yuda na be Yerusalemu oku bana ba Yunani, omu kubaheka hale n'echihugo chabo. ⁷ Talaga, nji naji barhol'emunda mwajaga baguza, n'oku rhozez'oburhe bwenyu oku marhwe genyu. ⁸ Nji na guz'abarhabana benyu n'abanyere benyu oku ba Yuda, naba nji bana baguz'oku bantu be seba, lubaga lwa hale; Bulala Nahano aderhere. ⁹ Mubwire abantu boshi eyo myazi ! Murhegany'entambala ! Muzus'entwali ! Bashegere, bashone, abalume boshi balw'entambala ! ¹⁰ Bamulenga byuma ba chul'engorho, n'oruhoro rhwenyu rhwa machumu ! N'rhahreh'emisi aderhe : Nani mpeher'emisi ! ¹¹ Genda duba n'oku yinja, mweshi, mwe bantu be bihugo byoshi, n'oku chigusha haguma ! Ahola, Nahano, nja yandagaz'entwali zawe ! ¹² Olubaga luzuke, n'okushon'ewa lubanda lwa Yosafati ! Bulal'eyo munda yi njina yikal'omu kuchir'obukoo boshi olubanja balamir'eburhambi. ¹³ Olerhe mundu, bulal'amalehe gahire ! Muyinje, muhule, bulal'echibuga chiyunjwire, endurhu zi bumbire ! Bulal'obubi bwabo buli bunene. ¹⁴ Chiri chigusho, chigusho, omu lubanda lw'okuch'olubanja; Bulal'olusiku lwa Nahano luli hofu, omu lubanda lw'oku ch'olubanja. ¹⁵ Ezuba n'omwezi nji byaba n'omwizimya, n'enyenyezi zirhaka koleza. ¹⁶ Oku sayuni Nahano nja nguruma, n'e Yerusalemu omulenge gwage nji gwa yunvikana; empingu n'egulu nji za dirhimana. Aliko Nahano ali ahantu h'oku chibish'oku bantu bage, chirhal'oku bana be Israeli. ¹⁷ Nji mwa meny'oku ndi Nahano, Nyamuzinda wenyu, olama e Sayuni, ntondo yani echere. Yerusalemu njaba mucheswe, n'abahisi barhakana chigeramo. ¹⁸ Mwago mango, edivayi lihyahya nji lya yandagal'oku ntondo, amarha nji ga yandagal'oku rhurhondo, nji hanab'amenji omu nyinchi zoshi z'e Yuda; Olwinchi nji lwa rheng'omu nju ya Nahano, n'oku loby'olubanda lwa Shitimu. ¹⁹ Misiri nji yaba kubi, Edomu nji yaba mpinga, enyanya y'obubi bajirirag'abana ba Yuda; bulala bashesher'eshagama erhaherhe bubi omu chihugo chabo. ²⁰ Aliko Yuda nj'aba n'abantu esiku zoshi, na Yerusalemu, chibusi oku chibusi. ²¹ Nji na kwiz'eshagama yabo elala nta shwiraga kwiza, na Nahano nja ber'omu sayuni.