¹ Amango Ataliya nina wa mwami Ahaziya, abonaga omugala amafa, arhegeka mpu bayirhe ab'omulala gwa mwami goshi. ² Babere bakola bayirhabo, Yehosheba mwali wa mwami Yoramu we Yuda aliri mwali wabo Ahaziya orhola omwanashenge Yoasi bwibisho aji mubisha haguma n'owage mwana omu busika bw'aka Nyamuzinda, amuzimba Ataliya, oyo mwana ashugunuka arhachifaga. ³ Ajira myezi ndarhu achibishire haguma na Yehosheba omuka Nyamuzinda. Ago mango Ataliya yi waliyimir'omu chihugo. ⁴ Aliko oku mwaka gwa kali mushanvu omujinji Yehoyada arhuma mpu bajilonza abayumangir'abalanzi baka Nyamuzinda n'ezindi nfola miherho b'abalanzi b'oburhwali. bayinja bamuherhereye omu ka Nyamuzinda balagana naye, bamalire bajira echilagane, abayereka mwene mwami. ⁵ Ababwira mpu: Muchigabemo gasharhu bala bakol'olusiku lw'okuhumuka balala balang'oburhwali, ⁶ balala bandi balang'olunvi lw'e Suri, na balala balanga olunvi luba enyuma ly'abalanzi, mweshi haguma mwalang'olunvi l'oburhwali harhajirag'abajamo. ⁷ Ebyo bindi bikunjo bibiri byagombolwa olusiku l'okuhumuka bayinja balanga aka Nyamuzinda, omu mwami murho ali. ⁸ Enfola miherho zoshi zafumbarha emiherho abo, bakunjuka ku mwami ngasi ahakanaja, owakagera hofi n'olukere muna muyirhe. Mwami Yoasi akahuluka, kandi erhy'akaja omunju mwanamugendako. ⁹ Abo barhambo b'ebikunjo bajira nk'oku Yeroyada ababwiraga. Ngasi muguma arhol'abantu bage. Na ngasi boshi bakazagi kola olusiku l'okuhumuka, n'abakazagi fuluka banaja emw'omujinji Yehoyada. ¹⁰ Yehoyada agabira abarhambo amachumu n'empenzi za nagsi lubero zanaliri za mwami Daudi bakazagi bikwa omu ka Nyamuzinda. ¹¹ Enfola miherho ngasi muguma afumbarha echumu lyage, bahira mwami omu lugorhe, bazonga enju yoshi n'aho kurherekerera. ¹² Yehoyada ahira mwami Yoasi embere amuyambisa n'eshungwe ly'obwami amuhereza echitabu ch'echilagane. Amushiga n'amavurha g'oku muyimika amujira mwami. Enyuma lyaho abantu bashurh'omu fune. Baderha mpu: Mwami aganze. ¹³ Mwamikazi Ataliya ayunv'echihogero ch'enfola miherho haguma n'olubaga, aj'emunda bali ebwa ka Nyamuzinda. ¹⁴ Oyo mwamikazi alola, abona mwami ayumangir'oku lwega nka kulala abakulu banajira. Abarhambo n'abazihi b'enanga eri boshi bamuchugarhire. Ago mango eri olubaga loshi luli omu chimogomogo, na boshi bali babuha omu mishekera, honaho abera emishangi yage eri burhe burhumire ayakuza mpu: Bugomi buchi buno! ¹⁵ Ago mango omujinji Yehoyada abwira abalongozi bakulir'enfola miherho mpu: Mumukul'aho, na ngasi wakaja oku lunda lwage ayirhwe. Buno omujinji Yehoyada abaga aderhere oku Ataliya arhayirhirwaga omu ka Nyamuzinda. ¹⁶ Bamuhirika, aj'eburhwali, agera omunjira ejir'ebwa lunvi lw'efarasi, bamuyirhiraho. ¹⁷ Omujinji Yehoyada ahir'echilagane cha Nahano, oku bantu baguma na mwami Yoasi naye yenine, mpu babe lubaga lwa Nyamuzinda. ¹⁸ Oku handi lula lukunjo lw'abantu baj'omu mwa Baali, bashanda enju yage n'amahero gage goshi, bashangula n'eshushano zalirimo, bayirhira Matana embere ly'olo luhero, buno yi waliri mujinji wa Baali; Enyuma Yehoyada ajira abalanzi baka Nyamuzinda. ¹⁹ Yehoyada arhol'abayumangire abalanzi baka Nyamuzinda, ba balala nfola miherho balanzi b'omurhwali, n'abantu boshi baheka mwami waliri omu ka Nyamuzinda, bamugeza omu njira egerer'omu lunvi lunene, bamuhis'omu bwami. Ago mango, Yoasi ayima aba mwami. ²⁰ Abantu boshi bashagaluka, echishagala choshi cha dekerera. Echishagala cha dekerera, eri Ataliya amayirhwa. ²¹ Yoasi aliherhe myaka mushanvu amango arhambulaga.