¹ Mwami Solomo aliri mwami we Israeli yoshi. ² Aba b'abarhambo baliri oku mirimo yage: Azariya mwene Sadoki, ye waliri mujinji. ³ Eliharefu, na Ahiya, bene Shisha, babaliri bayandisi na Yosafati, mwene Ahiludi, yuwalemaga abika ebitabu by'amarhegeko. ⁴ Na Benaya, mwene Yehoyada, ye wali murhegesi w'abantu. Na sadoki, na Abiatari, bo baliri bajinji. ⁵ Na Azariya, mwene Natani, ye waliri murhambo mukulu. N'omujinji Zabudi mwene Natani, ye waliri muhanuzi wa mwami. ⁶ Na Ahishari, ye waliri oyimangire abagaragu b'omu bwami na Adoniramu, mwene Abuda, ye walemaga akolesa ebigorogo. ⁷ Solomono ajira barhegesi bakulu ekumi na babiri, abaganda omu Israeli yoshi. Balemaga bamulerher'esoko alemanga alya n'abambali b'omu burhwali boshi kurhenga emunda ngasi muguma alirhegekere, alemagalerha esoko ly'emwage liguma omu mwaka. ⁸ Agala g'omazino gabalirhegekere, ekumi na babiri: Mwene Huri alirhegekere echishagala chiba oku ntondo ye Efurahimu. ⁹ Na mwene Dekeri, ye walirhegekere echo mukazi, n'eshe Shaalibimu,n'eche Beti-Shemeshi, n'eche Eloni, n'eche Beti- hanan. ¹⁰ Na mwene Hesedi ye wali arhegeker'eche Arubati, n'eche Soko n'eche Heferi. ¹¹ Na mwene Abinadabu, ye walirhegekere orhushagala rhoshi y'e Dori, Tafali mwali Solomono ye waliri mukage. ¹² Na baana, mwene Ahiludi, ye walirhegekere eche Tanaki n'eche Megido, n'eche Beti Sheani choshi, hofi Sarita n'eshishi ye Yezereli, kurhengerera Beti- Sheani chaera e Abeli Mehola chahika e Yokieamu. ¹³ Na mwene Geberi, ye walirhegekere eche Romoti ye Galadi, n'engo zacho choshi, ali w'omu buko bwa Yairi, w'oku buko bwa Manase, alirhegekere echihugo che Arigobu omu Basani. Mwaliri bishagala bikulu makumi gali ndarhu, byalizungulukire ebyuma bikomere. ¹⁴ Aminadabu mwene Ido, ye walirhegekere echishagala che Mahanayimu. ¹⁵ Na Ahimazi, ye walirhegekere emwa Nafutali, Dahola Basemati mwa Solomono aba mukage. ¹⁶ Na Baana mwene Hushayi ye walirhegekere e Asheri necho chishagla che Bealoti. ¹⁷ Na Yozafati mwene Paruwa ye walirhegekere echishagala che Isakari. ¹⁸ Shimeyi mwene Ela, ye walirhegekere e Benjamini, ¹⁹ Na Geberi mwene Uri ye walirhegekere Galadi, n'emwa mwami Sihoni w'Abamori n'emwa mwami Ogi we Basani. Abo barhegesi boshi oku banaliri ekumi na babiri bagwerhe murhambo mukulu muguma wakazagi basima boshi. ²⁰ Abantu b'e Yudeya na ba Israeli bali banene bwenene nka muchanga g'omu nyanja, baliherhe eby'okulya n'okunywa bali binene bwenene; n'omurhula. ²¹ Solomono arhambula amami goshi kurhenga oku lwinji lunene kuhika omu chihugo che Filisitini n'okuhika oku lubibi lw'e Misiri: Boshi bamushiga balema bafurhirayo amango goshi ali zene. ²² Ngasi lusiku Solomono alemaga alya shano ezidohere oku makumi masharhu n'oku makumi gali ndarhu g'eshano esherwe bwinja, ²³ N'empanzi ekumi zi shishire, nkavu nazo makumyabiri z'omu bulambo nabibuzi egana, buzira kuganja ebindi, orhushovu, empongo, n'engoko zihimbire. ²⁴ Arhambula ebindi bihugo byali emalyo, lwinji lunene, kurhenga Tifasashi kuhika e Gaza oku bami boshi bw'olundi lunda. Haliri omurhula guzungulukire. ²⁵ Abayuda na Ba Israeli kuhika e Dani n'e Betisheba balifumamire, ngasi muntu adekerere aha mwage amango goshi ga Solomono. ²⁶ Solomono aliherhe bihumbi makumi mane bya maruli g'efarasi z'alemaga za kulula emitugari yage n'enfola miherho bihumbi ekumi na bibiri bakazagi zigendako. ²⁷ Abarhegesi ba mwami Solomono balondolaga, n'abamushegerera oku meza; ngasi muguma oku mango gage; barhakamulekere abul'ehintu. ²⁸ Balemaga balerha ebipojo n'ebirhi by'efarasi n'ebirhinda bagoli omu mwami ali omu kushimba nk'oku mwami arhegekere. ²⁹ Namahanga ahereza Solomono obwenge, n'obumenyi bunene bwenene n'obumenyi alonzeze okumanya bwa yushuka nka muchanga guli ahaburhambi bw'enyanja. ³⁰ Obwenge bwa Solomono bulushire obwenge bwa bana boshi be Israeli n'obwenge boshi bwa banya Misiri. ³¹ Solomono ali wabumenyi bwenene kulusha abantu boshi, alusha Etani, aja erenge omu bihugo bali babibikirwe n'abyo eyo munda. ³² Acha migani bihumbi bisharhu, ajira chihumbi n'erhano z'enyimpo. ³³ Ashambala oku by'emirhi, kurhenga e Cheda ye Libanoni kuhika Hisikopi erhega ebyuma, ashambala kandi ebiyerekere ebirhungano, enyunyi, ebilambagira n'enda, n'efi. ³⁴ Hayinja abantu bamashanja goshi baliyunvirhiza obumenyi bwa mwami Solomono bulushirize obw'abandi bami boshi b'omu Gulu,nk'oku bayunvirhe baderha obumenyi bwage.