¹ Amango abona akola ali hofi oku nfa, ahereza amarhegeko gage emwa Solomono, mugala wage, n'oku derha: ² Nagenda oku njira y'egulu lyoshi. Ochihe emisi, onachijire mulume. ³ Ololereze enderho za Nyamuzinda, Namahanga wawe, olambagire omu njira zage, okenge amarhegeko gage, amahano mage, enyigirizo zage n'oburhegesi bwage n'oborhere bwage, k'okubiyandikirwe omu rhegeko lya Musa, yogala mu ngasi yoshi nji wajira na ngasi hoshi nji wazungulukira, ⁴ oku buzinda Nyamuzinda ahikirize ogu mwazi gwa derhwe oku nyono: Nka bana bakalanga njira zabo, n'okulambangira haguma n'obushinganyanya embere zani, n'emirhima yabo yoshi n'obugumaguma bwabo boshi, njorhabula owayima oku chichumbi ch'obwami omu Israeli. ⁵ Omanyire ebi Yoabu ajiraga, mwene Zeruya, ebyajirirag'abakulu babiri b'enfola miherho omu Israeli, haliri Abuneri mwene Neri na Amasa mwene Yeteri. Abayirha; Ashesha amango g'omurhula eshagama y'entambala, anaheba eshagama y'entambala oku mukaba aliherhe emagala n'oku birato aliyambere oku magulu. ⁶ Omu burhonzi bwawe nji wayengehya njo orhanalekaga envi zage zahirima omu siku z'okufa. ⁷ Nj'ojirire bene Barizilayi, Galadi aminja. Nji bakazi lira aha mwawe; bulala oku bajirire kubajirira nani. Omu kuyumuka kwani amango nayinjaga nayaka mwene wenyu Abusalomu. ⁸ Oyu ali na Shimeyi mwene Gera, Abanya Benjamini we Bahurimu, ampehereraga kuzibu bwenene ku nyono olusiku najaga Mahanayimu. Aliko ayandagala ashigane e Yorodani, nji mulahirire emwa Nyamuzinda n'oku derha: Nji ntakuyirha oku kere. ⁹ Lero, nj'orhamulekeraga omurhula; Bulala oli mulume mwenge, onamanyere gurhe waka mujira. Nj'osheshe eshagama omu bushaja bwage omu siku z'olufu lwage. ¹⁰ Daudi abera haguma na beshe bage, bamuhamba omu chihugo cha Daudi. ¹¹ Esiku Daudi arhambwire omu Israeli myaka makumi mane, Heburoni arhambula myaka mushanvu, n'omu Yerusalemu arhambula myaka makumi masharhu n'esharhu. ¹² Solomono ayikala oku chi chumbi ch'eshe ch'obwami , n'obwami bwage bwa gendekera. ¹³ Adoniya, mwene Hagiti aja emwa Betisheba, nina wa Solomono. Amu bwira: Oyinjire n'omurhula? Amushuza: Nechi. ¹⁴ Ashubi yushula: Hali mwazi muguma na kubwira, aderha: Shambalaga! ¹⁵ Aderha kandi: Mumenyere oku obwami bwali bwani, na banya Israeli boshi nyibalihebere kwa mesho oku nyibajira mwami. Aliko obwami bwahindamukira mwene werhu, bulala Nyamuzinda yi wamuhagabo. ¹⁶ Lero, nakuhuna hintu higuma orhanalahiraga! Amushuza: Shambalaga! ¹⁷ Aderha kandi: Derha, onshigirir'emwa mwami Solomono bulala njarhakulahirira ompereze Abishagi w'e Shunemu abe mukani. ¹⁸ Batisheba aderha: Bwinja! Njina kuderhera emwa mwami. ¹⁹ Batisheba aja emwa mwami Solomono, amushambalira oku bunguke bw'Adoniya. Mwami ayumuka amushimana ahali, ayinama embere zage, ayikala oku chichumbi chage. Alerhera nina wa mwami echichumbi ayikala ekulyo kwage. ²⁰ Kandi aderha: Hali hityu nahuna wanjirira: Omenye wandahirira! Mwami aderha: Hunahyo, nyama wani, bulala njintakulahirira. ²¹ Aderha: Ohereze mwene wenyu Abishagi w'eShunemu abe mukage. ²² Mwami Solomono ashuza nina: Chirhumire wahuna Abishagi, w'e Shunemu, abe muka Adoniya? Omudoseze oku bwami bulala ye mukulu wani, okuyewe, biri by'omujinji Abitari na Yoabu mwene Teruya! ²³ Nantyo mwami Solomono ajira endahiro emwa Nyamuzinda aderha: Namahanga ampane n'obuhane budarhi; nka kurhali kuheza akalamo kage oku chisa omwazi gulintyo. ²⁴ Oku handi, nk'oku Nyamuzinda alamire, owa nyimikaga anampereza echichumbi cha Darha Daudi ch'obwami anampa enju omu ndagano zage Adoniya afa zene. ²⁵ Mwami Solomono arhuma Benaya mwene Yehoyada, omushurha; Adoniya afa. ²⁶ Enyuma zaho mwami abwira omujinji Abiatari oje emwa Anatoti, oku budaka bwage, bulala okwanene olufu; aliko ntachikuyirha zene, bulala walihekere oku Sanduku ya Nahano Nyamuzinda embere za darha Daudi, na bulala walilibukire bwenene na darha. ²⁷ Ntyo Solomono anyega Abiatari emikolo yage y'obujinji ya Nyamuzinda, mpu lya hikirira omwazi Nyamuzinda aderhaga omu nju ya Eli ahantu he Shilo. ²⁸ Eyo myazi yahika oku Yoabu eri ashigire Adoniya chi arhashigire Abusalomu . Yoabu ajichibisha omu hema lya Nyamuzinda arhola amaholere g'oku nterekero. ²⁹ Babwira mwami Solomono oku Yoabu ajire chibisha omuhema ly'okushimanana. Solomono arhuma Benaya mwene Yehoyada n'oku mubwira: Genda, ona mushurhe. ³⁰ Benaya ahika omuhema lya Nyamuzinda, amubwira: Mwami antumire mpu ohuluke. Aliko amushuza: Nanga n'afira munola. Benaya ashubanganya koshi emwa mwami, aderha: Ebi Yoabu aderhere n'ebya mushuzize. ³¹ Mwami abwira Benaya: Ojire nk'oku aderhere, omuyirhe, ona muhambe; eri wamakulira eshonyi omu nju ya darha oku shagama , Yoabu asheshaga buzira chirhumire. ³² Nyamuzinda achihesa eyo shagama oku rhwe lyage. Bulala alishurhire balume babiri bashinganyanya na birhonzi kumulusha abayirha n'echoji chage, buzira eshe Daudi: Oku menya> Abeneri mwene Neri, mukulu w'enfola miherho be Israeli, na Amasi, mwene Yeteri, mukulu w'enfola miherho be Yudeya. ³³ Eshagama yabo yaja okurhwe lya Yoabu n'oku bana bage kuhika okufa, aliko Nyamuzinda njarhuha omurhula esiku zoshi emwa Daudi, oku mulala gwage oku nju yage n'oku ntebe yage y'obwami. ³⁴ Beneya mwene Yehoyada, amushimba, ashurha Yoabu, amuyirha, amuhamba omu mwage omu mpinga. ³⁵ Mwami ayimika Benaya, mwene Yehoyada, ahali ha Yoabu, an'ayimika omujinji Sadoki ahali ha Abiatari. ³⁶ Mwami ahamagala Shimeyi amu bwira: Onyumbakire enju e Yerusalemu; njobereyo, nj'orhanarhengagayo mpu wakaja eyi n'eyi. ³⁷ Omenye bwinja oku nji wafa olusiku nji warhenga n'okugera omu kungu y'e Kiduroni; Eshagama yawe nji yaba oku rhwe lyawe. ³⁸ Shimeyi ashuza mwami: Kuli kwinja! Omwambali wawe nji ajira oku oderhere nahano wani mwami. Shimeyi alama siku zinene e Yerusalemu. ³⁹ Omu myaka esharhu, hahika bambali babiri ba Shimeyi bajichibisha emwa Akishi, mwene Maka, mwami w'e Gati. Babwira Shimiye, n'oku derha: Lola abambali bawe bali e Gati. ⁴⁰ Shimeyi ayumuka, n'epunda yage, aja e Gati emwa Akishi ajilonza abambali bage. ⁴¹ Babwira solomono oku Shimiyi alijire e Yerusalemu e Gati, anagalukire. ⁴² Mwami ahamagala Shimiyi, amubwira: K'orhachigashaga embere za Nyamuzinda, wachijirira ebyo wenine: Omenyere bwinja olusiku njiwa galuka mpu waja eyi n'eyi nji wafa? Wanashuza: Kuli kwinja! Na yunvirhe? ⁴³ Bichi byarhumaga orhakenga echilapo cha Nyamuzinda n'ebinwa na baga na kubwirire? ⁴⁴ Mwami abwira Shimiyi, omenyere mu murhima gwawe obubi wajirire darha Daudi. Darha; Nyamuzinda obubi bwawe buj'oku rhwe lyawe. ⁴⁵ Aliko mwami Solomono nji agisha, n'entebe y'obwami bwa Daudi nji bwayorha bwaba embere za Nyamuzinda. ⁴⁶ Mwami abwira Benaya mwene Yehoyada, amuhuluse, anamushurha; Shimeyi afa, obwami bwa yorha omufune za Solomono.