² Abaja bage ba mubwira: Nahano rhukala rhwakulonzeza omunyere wachiyushuka akazikukolera, n'oku lyama omu mabere gawe y'abona echuka. ³ Bajilonza omunyere w'omusole okwirire omu Israeli yoshi babona Abishagi omu chihugo che Shunemu, bamulerhera mwami. ⁴ Oyo munyere ali mwinja bwenene, alem'alanga mwami n'oku mukolera aliko arhamujag'omu buhya. ⁵ Adoniya mwene Hagiti achibona n'oku derha oku yewe yi njiwaba mwami. Arhol'omutugari n'efarasi, n'abantu makumi marhano balemaga bamuherekeza, n'oku mukulikira embere zage. ⁶ Eshe Daudi arhamudosaga chirhumire wajira ntyo. Okuhandi Adoniya ali mwinja bwenene eri aburhagwa buzinda bwa Abusoloma. ⁷ Bashambala haguma na Yoabu mwene Zeruya, n'omujinji Abiatari, bamushiga oku lunda lwage. ⁸ Chalik'omujinji Sadoki, na Benaya mwene Yehoyada, n'omulebi Natani, Shimiyi, na Royi, n'enfola miherho zakazagi langa mwami Daudi, bowe barhamushigaga. ⁹ Adoniya abag'ebibuzi n'empanzi zichwerere, hofi n'ebale lye Zohetele, aha burhambi bwe Royele, Ahamagala bene wabo, bene Daudi boshi, n'abalume bamanyikene omu Yudea bakagi kolera mwami. ¹⁰ Aliko arhahamagalaga omulebi Natani, Benaja, na balume bamenyikene, Solomono, na mwene wabo. ¹¹ Ago mango Natani adosa Betisheba Nina wa Solomono erhi : Korhazimanya oku Adoniya mugala wa mukabalo hagiti akola ali achijira nka mwami, na Nakuno mwami Daudi arhamanyire? ¹² Jaga wayinja bo buno, njina kuhereza ehano okalishimba wanachiga, ogaze na mugala wawe Solomono, ¹³ Bono buno oje emunda mwami Daudi ali, omubwire erhi : Waliha Nakuno, karhali w'olala wacingashiraga oku mugala wani Solomono yi webe mwami, ye wayima n'omu byawe hano ofa? Gurhe Adoniya ye okola oli mwami? ¹⁴ Hano nj' omaliderha [ haguma ] na mwami, nji najamo buzinda bwawe n'okuhamiriza emyazi yawe waderhere. ¹⁵ Batisheba aja ebusika bwa mwami : Abaga akola mushaja bwenene; Abishagi w'e Shunemu eri alilyamukolera. ¹⁶ Betisheba afukama, ayunama embere za mwami. Mwami amudosa Bichi walonza? ¹⁷ Oyo mukazi amushuza ntya : Nahano wani, wachigashire emomujakazi wawe nko ku Nyamuzinda, Namahanga, wa derha : Solomono mugala wawe yi nji wayima oku chichumbi chawe cho bwami. ¹⁸ Jaga walola lero Adoniya yerhambwire orhanamenya, mwami, Nyamuzinda wani! ¹⁹ Abaga enkavu, n'empanzi zichwere, n'ebibuzi binene, ahamagala bene mwami boshi, no munjinji Abiatari na Yoabu, n'omukulu wa basirika, Aliko arhahamagalaga Solomono mwambali wawe. ²⁰ Ega mwami Nahano wani amesho ga banya Israeli gali emunda oli, obabwire nde wayima oku chichumbi chawe cho bwami. ²¹ Amango mango mwami Nahano wani nja afa na bamwishe, njihagera amango nyono na mugala wani Solomono barhuchunaguza nka rhuli bagomi. ²² Eri aba aliaderha haguma na mwami na mwami omulebi Natani ayinja. ²³ Babwira mwami, baderha : Lola omulebi Natani! Aja emalanga ga mwami, ayinama embere za mwami, amalanga gagera oku budaka. ²⁴ Natani aderha : Mwami Nahano wani, nka w'oyo wuwaderhere : Adoniya njiwayima ahali hawe nja anayikale okuchichumbi che bwami! ²⁵ Bulala bayandegere zene, babagire enkavu, empanzi zichwerire n'ebibuzi binene; anahamagala bene mwami boshi, abakulu basirika, n'omujinji Abiatari. Lola yi balya n'okunywa embere zage : N'okuderha : Ayagirwe mwami Adoniya. ²⁶ Aliko arhampagalaga nyono nka mwambali wawe, n'omujinji Sadoki, Benaya mwene Yehoyada, na mugala wawe Solomono arhamuhamagala. ²⁷ Nka kubinali oku bulonza bwa Nahano mwami wani echi chakajirika buzira w'oyo oku menya owayikala oku chichumbi cha mwami buzinda bwage. ²⁸ Mwami Daudi ashuza : Mpamagalira Betisheba. Ajamo anachiyerekana embere za mwami. ²⁹ Mwami achigusha aderha : Nyamuzinda washwekwirire ku ngasi bizibu byoshi olamire! ³⁰ Nantyo nkoku na n'achigashaga embere za Nahano Namahanga w'Israeli, na derha : Solomono, mugala wawe, njiwayima buzinda bwani, yi njiwa wanayikala oku chichumbi chobwami hano nfa, njirire zene. ³¹ Betisheba afukama, ayunama ahwerera oku daho embere za mwami. Aderha : Ayagirwe nta windi Nahano mwami wani Daudi. ³² Mwami Daudi aderha : Mumpamagalire omujinji Sadoki, omulebi Natani, Benaya mwene Yehoyada. Bayinja embere za mwami. ³³ Mwami ababwira : Murhole abambali bw'omugiriza wenyu, murheremye Solomono, mugala wani, oku punda y'obwami, muna muyandagaze Egihoni. ³⁴ Aho, omujinji Sadoki n'omulebi Natani njibamushige amavurha mwami w'Israeli. Nj'omuna bande emindende ye zenze, njimunaderhe : aya girwe mwami Solomono. ³⁵ Njimurhereme ebuzinda bwage; njanayinja ayikale okuchichumbi chani chobwami, njoanayime hano nfa. Yewe, n'okuburhegesi bwami, njiwaba murhambo w'Israeli n'e Yudeya. ³⁶ Beneya mwene Yehoyada, ashuza mwami kubinali ntyo, Nyamuzinda, Namahanga Nahano wani mwami. ³⁷ Nahano abe haguma na Solomono nko waliri haguma na Nahano wani mwami, obwami bwage buluge kulusha obwa Nahano wani mwami Daudi. ³⁸ Ago mango omujinji Sadoki ayandagala haguma n'omulebi Natani, Benaya, mwene Yehoyada, n'Abakreti, n'Ababapeleti; bashonesa Solomono oku punda ya mwami Daudi bamuheka e Gihoni, ³⁹ Omujinji Sadoki arhola ehembi lya mavurha liri omuhema, bashiga Solomono. Babuha omu mushekera, n'abantu baderha: Ayagirwe mwami Solomono. ⁴⁰ Abantu boshi abaja embere, abantu bazina na kasayo, baliherhe obushagaluke bunene; n'edaho lyadirhimana n'olwamo. ⁴¹ Adoniya haguma n'abantu ali hamagere bayunva olwamo, eri bamamala kulya. Yoabu, amango omulenge g'omushekera, aderha: Chirhumire olu lwamo lwarhubuza omurhula omu chishagala? ⁴² Oku achiri aderha Yonatani mwene omujinji Abiatari ayinja. Adoniya aderha: Oyinje munola. Bulala nyinji k'oli mukengwa, warhulerhera emyazi y'omurhula. ⁴³ Yonatani ashuza Adoniya nanga Nahano werhu mwami Daudi ayimikire Solomono oku ye mwami. ⁴⁴ Arhuma haguman'omujinji sadoki, n'omulebi Natani; Benaya mwene Yehoyada, n'abakereti, Abapeleti bamushonesa oku punda y'obwami. ⁴⁵ Omujinji Sadoki n'omulebi Natani bamushiga n'oku mugoshola kuheka e Gihoni. Eyo munda bayinja basimire, n'abantu bali omu chishagala bashagaluka. Olo lolwamo bayunvaga. ⁴⁶ Solomono yekola oherhe, anayikere oku chichumbi ch'obwami. ⁴⁷ Abagula ba mwami bayinja, balimugisha, Nahano werhu mwami Daudi, n'oku derha: Namahanga wawe oheke Solomono erenge bwenene kukulusha n'obwami bwage budukize kulusha obwawe: Mwami ayunama bwenene ahali oku Buliri bwage. ⁴⁸ Lolaga kandi mwami aderha: Aj'enyanya Nahano, Namahanga w'e Israeli, wampaga mwana muguma ayime ahali hani, anarhegeka muboneko. ⁴⁹ Abantu b'Adoniya boshi bamenya n'oburhe; bayumuka n'okugenda ngasi muguma oku lunda lwage. ⁵⁰ Adoniya Ayubaha omulumuna Solomono; naye ayumuka, agenda agwarhire ehembi lyo kuterekero. ⁵¹ Muntu muguma ajibwira Solomono: Lolaga; Adoniya ayubahire mwami Solomono andahirire zene njarhayirha omwambali wage oku kere! ⁵² Solomono aderha: akaba ali mulume w'okuderha okubinali, luguma lw'enviri zage nji lurharhoga oku daho; aliko akaba aherhe erume njafa. ⁵³ Mwami Solomono arhuma abantu, bajimukula ewa nterekero. Adoniya ayinama emebere za mwami Solomono, na Solomono amu bwira: Genda oje omu mwawe.