¹ Aba Israeli boshi bali yandikirwe omu milala yabo n'omu chitabu ch'abami babo. Ago mango abantu b'e Yuda bahekwa buja e Babeli, enyanya z'amabi gabo. ² Abantu barhangaga kuyumbaka, omu bishagala byabo, Aba Israeli ba baliri barhanzi kuyumbaka omu chihugo chabo, n'oku rhola ebintu byabo n'abadahwa babo, n'Abalawi, n'abantu bakazagi kola omu ka - Nyamuzinda. ³ Omulala gwa Yuda, n'ogwa Benjamini n'ogwa Efuraimu n'ogwa Manase ba bali omu Yerusalemu. ⁴ Bene Pereti, bene Yuda: Utayi, bene Amihudi, bene Omuri, bene Yimuri, bene Bani. ⁵ Abashilo: Asaya, olubere, n'abagala. ⁶ Bene Zera: Yeweli, na bene babo, baliri magana ndarhu na makumi gali mwenda. ⁷ Bene Benjamini bali omu Yerusalemu: Salu, mwene Meshulamu, mwene Hodaviya, mwene Hasenuwa; ⁸ Yibeneya, mwene Yeroamu; Ela, mwene Uzi, mwene Mikiri; Meshulamu, mwene Shefatiya, mwene Reweli, mwene Yibiniya; ⁹ na bene babo, kukulikira ebihanda byabo, magana mwenda na makumi marhano na ndarhu. Aba boshi baliri bakulu b'omu milala y'enju za b'eshe. ¹⁰ Aba ba badahwa: Yedaya, Yehoyaribu, Yakini; ¹¹ Azariya, mwene Hilkiya, mwene Meshulamu, mwene Sadoki, mwene Merayoti, muluzi w'enju ya Nyamuzinda; ¹² Adaya, mwene Yeroamu, mwene Pashihuri, mwene Malikiya; Masayi, mwene Adieli, mwene Yazera, mwene Meshulamu, mwene Meshulami, mwene Imeri; ¹³ na bene babo, abakulu za b'eshe, chihumbi na magana mushanvu na makumi gali ndarhu, ntwali z'abalume, baliri balenga bwenene oku mulimo g'omu Ka - Nyamuzinda. ¹⁴ Abalawi: Shemaya, mwene Hashubi, mwene Azrikamu, mwene Hashabiya, baliri b'omu mulala gwa Merari; ¹⁵ Bakabakari; Heresi; Galadi; Metaniya, mwene Mika, mwene Zikiri, mwene Asafu; ¹⁶ Obadiya, mwene Shemaya, mwene Galali, mwene Yedutuni; Berekiya, mwene Asa, mwene Elikana, wali lamire omu bishagala by'e Netofa. ¹⁷ Nabakazagi langa enyunvi: Shalumu, Akubu, Talmoni, na Akimani, na bene babo; Salumu ye waliri mukulu, ¹⁸ na kugera z'ene aba eburhambi bw'olunvi lwa mwami, ebushoshokero bw'ezuba. Abo babakazagi langa enyunvi z'eshwa ly'abana Balawi. ¹⁹ Shalumu, mwene Kora, mwene Abiyasafi, mwene Kora, na bene babo bw'omu njuny'eshe, bw'omu mulala gwa Kora, ba baliherhe emilimo y'okulang'ehema; b'eshe bakazaga langa enjira ejir'omu kampi ka Nahano, ²⁰ na Finehasi, mwene Eliyazari, ye wali mukulu wabo, na Nahano aliri haguma naye. ²¹ Zakariya, mwene Mishelemiya, ye wakazaga langa olunvi lw'e Hema ly'okushimanana. ²² Baliri boshi haguma magana mabiri n'ekumi na babiri, balondolwaga okulanga enyunvi, n'oku yandikwa omu bihanda byabo kukulira n'ebishagala byabo; Daudi na Samweli w'omulebi babahiraga abo mwey'oyo mirimo yabo. ²³ Bowe n'abana babo bakazaga kulanga enyunvi z'enju ya Nahano, enju y'ehema. ²⁴ Haliri enyunvi enyunda zoshi oku zanali ene, ebushoshokero n'ebuzikiro, emalambo n'ekarongo. ²⁵ Bene babo, balilamire omu rhushagala rhwabo, bakazi yinja ngasi mango kugwasa ababo oku mirimo kuhika siku mushanvu. ²⁶ Bulala abo balanzi bakulu bane, ba Balawi, baliri omu mirimo ngasi lusiku, babanakazagi langa enju n'ebintu by'omu ka - Nyamuzinda; ²⁷ Nabo bakazaga lyama eburhambi bw'enju ya Nyamuzinda, ahabakazaga kulanga, n'oku chingula ngasi esezi. ²⁸ Baguma omu Balawi baliri bakola omulimo gw'oku kwiz'ebintu, n'oku galuka kubiganja n'oku huluka baganja. ²⁹ Abandi abakazaga langa ebintu, bwenene ebintu by'ahantu hachesibwa, n'eshano, n'edivayi, n'amavurha, n'obuku n'agandi mavurha g'amalashi. ³⁰ Baliri bana b'abadahwa baliherhe emirimo y'oku kujira ago mavurha n'aga malashi. ³¹ Matitiya, muguma w'omu Balawi, olubere lwa Salumu w'omu Kohati, ye wakazaga yenda oku linjanja. ³² N'abandi baguma bw'omu bene babo, haguma n'omulala gwa Abakohati, babakazaga jira emigati y'okulibwa omu Sabato. ³³ Abo ba bali bimpiza, abakulu b'omulala gw'Abalawi, balilamire omu masika, kukula h'eyindi mirimo bulala bakazaga kukola ezuba n'obudufu. ³⁴ Babali bashamuka b'omulala gw'Abalawi, bakulu nk'oku emilala yabo yaliri. Balilamire omu Yerusalemu. ³⁵ Eshe wa Gabaoni, Yeiyeli, alilamire e'Gabaoni, n'ezino lya mukage ye waliri Maka. ³⁶ Abdoni, omugala mukulu, na Zuri, Kishi, Baali, Neri, Nadabu, ³⁷ Gedori, Ahiyo, Zakariya na Mikiloti. ³⁸ Oyo Mikiloti ye waburhaga Shimeyamu. Nabo balilamire omu Yerusalemu hofi na bene babo, haguma na bene babo. ³⁹ Neri ye waburhaga Kishi, Kishi aburha Saulo; Saulo aburha Yonatani, Malikishwa ,Abinadabu na Eshibaali. ⁴⁰ Yonatani aburha Merib-Baali. Merib-Baali aburha Mika. ⁴¹ Bene Mika: Pitoni, Meleki, na Teraya. ⁴² Ahazi aburha Yaera; Yaera aburha Alemeti, Azimaveti na Zimuri; Zimuri aburha Moza; ⁴³ Moza aburha Bineya. Refaya, omugala; aburha Eleasa, na Eleasa aburha Azeli. ⁴⁴ Azeli aliherhe bana ndarhu, lolaga n'amazino gabo: Azrikamu, Bokeru, Ismaeli, Sheariya, Obadiya na Hanani.Aba babaliri bene Azeli.