¹ Daudi, aber'abona akala mushaja bwenene, ayimik'omugala Sulemani, aba mwami omu Israeli. ² Ashimanyanya abakulu baba Israeli boshi, Abadahwa n'Abalawi. ³ Baganja abalawi, kurheng'oku b'emyaka makumi masharhu kuj'enyanya; kuganja ngasi rhwe na ngasi muntu, babona bihumbi makumi masharhu na munane. ⁴ Na Daudi aderha: Haliri bihumbi makumyabiri na bine b'oku kazi lola gurhe bayumbaka aka Nyamuzinda, na bihumbi ndarhu by'abazuzi bakulu b'okuch'emanja. ⁵ na bihumbi bine by'okulang'enyunvi, na bihumbi bine by'okukuza Nahano n'enanga achulirag'eyo mirimo. ⁶ Daudi abagaba boshi kuguma kukulikira bene Lawi, Gerisoni, Kohati, na Merari. ⁷ Bagala ba Gerisoni: Laedani na Shimeyi. ⁸ Bagala ba Laedani: Omukulu Yeiyeli, Zetamu na Yoweli, baliri basharhu. ⁹ Bene Shimeyi: baliri basharhu : Shelomiti, Hazieli na Harani. Abo babaliri makulu b'enju za b'eshe omu mulala gwa Laedani. ¹⁰ Bagala ba Shimeyi baliri bane : Yahati, Zina,Yeushi na Beriya. Abola bane babagala ba Shimeyi. ¹¹ Yashati aliri mukulu, na Zina aliri wa kabiri; Yeushi na Beriya barhaburhaga bana banene, babajiraga mulala muguma omu luganjo. ¹² Bagala ba Kohati, baliri bane : Amuramu, Ishari, Heburoni na Uzieli. ¹³ Mugala wa Amuramu: Haruni na Musa. Haruni aherezwa omulimo gw'obudahwa nka muchesibwa, yewe n'abagala baherezwagwa okulanga ebintu bichere, n'oku yos'obuku embere za Nahano n'oku mukolera n'okugish'ezino lyage siku zoshi. ¹⁴ Aliko Musa, muntu wa Nyamuzinda abana bage baganjwa omu bana ba Lawi. ¹⁵ Bagala ba Musa : Gerisoni na Eliezeri. ¹⁶ Mugala wa Gerisoni mukulu ye shebueli. ¹⁷ Eliyezeri aliherhe mwana muguma ye waliri Rehabiya, aliko Rehabiya aburha bana banene. ¹⁸ Bagala ba Yisehari: Shelomiti, waliri mukulu w'ogo mulala. ¹⁹ Mugala wa Heburoni: Yeriya, ye mukulu; Amariya, ye wakabiri; Yashazieli, ye wakasharhu; na Yekameamu, ye wakane. ²⁰ Mugala wa Uzieli: Mika, omukulu; na Yishiya, owakabiri. ²¹ Bagala ba Merari baliri babiri : Mali na Mushi. Bagala ba Mali baliri babiri : Eliazari na Kishi. ²² Aliko Eliazari afa bufashuzo, aburh'abanyere bonine. Bashabwa na bazala babo bagala ba Kishi. Mugala wa Merari wa kabiri ye Mushi, ²³ abagala baliri basharhu : Mali, Ederi na Yerimoti. ²⁴ Abo babashamuka omu Balawi, baganjirwe nk'okw'eshanja lya ngasi baguma lyanaliri amango babaganjanga bakazi kola omu ka Nyamuzinda, kurhonderera oku myaka makumyabiri kuj'enyanya. ²⁵ Bulala Daudi abag'aderhere mpu: Nahano, Nyamuzinda w'aba Israeli, aherer'olubaga lwag'omurhula, naye yenin'abera omu Yerusalemu esiku zoshi; ²⁶ Nta lusiku Abalawi bachibarhul'ehema ly'okushimanana n'ebintu byalyo by'obukozi. ²⁷ Erhegeko ly'obuzinda lya Daudi liderhere oku Abalawi boshi bakwanene baganjwe kurheng'oku myaka makumyabiri kuj'enyanya. ²⁸ Bagala ba Haruni bakazagi bayumangira nka bali bakola omu ka Nyamuzinda, n'omu mbuga yako n'ebyumba n'okushuka ebintu bichere, n'orhuchakanda rhoshi rhw'ahantu hachere, ebintu birheganyizwe oku mulimo gw'enju ya Nyamuzinda, ²⁹ Bakazagi lola n'emigati, barhulaga n'okurheganya eshano y'engano barhulaga, n'emigati erhali mw'engeso, n'emigati eyosezwe oku lujo n'edogosezwe, n'emilengo ya ngasi lubero. ³⁰ N'okuyumanga ngasi sezi okukuza n'okuharamya Nahano, n'egolo ntyo, ³¹ n'okurhul'entulo y'okusirezwa emwa Nahano olusiku z'e Sabato n'amahuluko g'omwezi, n'omuzindi siku nkulu, ngasi mango bakazagi jir'emikolo embere za Nyamuzinda nk'ok'oborhere bwabo buderhere. ³² Bagabirwa okujir'emirimo omu hema lya Nyamuzinda, n'ahantu hachere bakazi gwasa bene babo, bagala ba Haruni kw'eyo mirimo omu ka Nyamuzinda.