¹ Oku malayika wakanyamuzinda kali e Sardi yandika: ebila bya derhere olala ogwerhe myuka mushanvu ya Nyamuzinda, nazilala nyenyezi mushanvu. Nyinji ebijiro byawe, ogwerhe ezino lyokuba mulamu, nobo ofire. ² Obe muntu woku tarama, okwize bilala bya yorhaga, biherhe byalonza kufa. bulala ntabwene ebijiro byaye biyumangire embere za Nyamuzinda wani. ³ Lero yibuka okuntu wayankirire, n'okuntu wayunvirhe. Ohungame ona bifarhe. Aliko akaba orha bikolere nayinja nka chishambo, chiro orhana menya akasanzi nayinja emunda oli. ⁴ Aliko ogwerhe amazino mageke omu kanyamuzinda ke Sardi, bantu barha heba emyenda yabo kwe zinga. Njo bagenda haguma nani erhi bakola bayambere emyanda yomweru, bulala bayi shinganene. ⁵ Olala wahimana njo ayambiswa eyo myenda yomweru, haba nehityu ntaka shanda ezino lyage mukilala kitabu chobu guma guma, nyono njo naderha ezino lyage emunda darha ali, n'emalanga mbere gaba malayika. ⁶ Olala ogwerhe oku rhwiri, ayunvirize ogula mwazi muka abwirire ama kanyamuzinda. ⁷ Emwa malayika waka nyamuzinda ke Filadelfia yandika: Ebila bya derhere yewe olala oba muchesibwa, yewe aba mushinganyanya, agwerhe enyigizo za Daudi, yewe yinjo wachingula eyi ntaye waka shobola kuchinga, ana chinga yintaye wakagala kuchingula. ⁸ Nyinji ebijiro byawe. Lola, nakuhere omulango guchibgwire embere zawe, ntaye nomuguma wakagala kugu chinga, bulala ogwerhe emisi migeke, woyo obikire ekinwa chani, chiro orha lahiraga ezino lyani. ⁹ Lola; nkuhere abe kishagala kya lyangombe, baderha oku bali bayahudi, nobo barhali bowe, baderha obu behi. Lola, njo nabajira bantu boku haramya embere zamagulu gawe, njo bamenya oku nyono nkusimire. ¹⁰ Bulala ofarhire omwazi noku lembera kwani, nyono naku langa, orhenge omu bichanji birha kwirire, bili hofi kuyinjira egulu lyoshi, noku bageza boshi balamire omu gulu. ¹¹ Nayinja juba juba, farha bwenene echo gwerhe, harha yinja owundi muntu akarhola oluhembo lwawe. ¹² Olala njo wahimana njo namujira nkingi ya kanyamuzinda ka Nyamuzinda wani, chiro arha karhenga omola haba nehityu, nani njo nayandika oku malanga gage ezino lya Nyamuzinda wani, nezino lye chihugo cha Nyamuzinda wani, e Yerusalemu mpahya, njo yayandagala kurhenga empingu emwa Nyamuzinda wani, nezino lyani nyono nenyine, njo lyaba erhi lihyahya. ¹³ Olala ogwerhe okurhwiri, ayunvirize ogula mwazi muka abwirire ama kanyamuzinda. ¹⁴ Emwa malayika waka nyamuzinda kali e Laodikea yandika: Ebila byaderhere olala oli Amen, muhamiriza mwemezi wokunali, murhangiro gokulemwa emwa Nyamuzinda. ¹⁵ Nyinji ebijiro byawe, woyo orhaba mboho orhaba namuliro. Lyaka bere ragi nkawaka bere mboho chango muliro. ¹⁶ Lero, bulala orha kwirire, orhali mboho orhanali na muliro, nakushala orhenge omu bunu bwani. ¹⁷ Bulala oderhere, nyono ndi mugale, naki gazize, nobo nta gwerhe enyorha yekintu, woyo orhenji oku orha chishobwere, oli munya ngangane, mukeni, mpumi, oli butambara. ¹⁸ Nkuhere e hano, ogule emwani e oro eshukirwe oku muliro, yoshobola kuba mugale, obone nemyenda yomweru waka yambala, yorha genda butambara nobufumu bokuyambala okumasu gawe yigabona. ¹⁹ Bala boshi bansima nyono, mbakalihira, nanshube kuba galukira, lero obe nobushiru, ohungame. ²⁰ Lola, nyumangire oku mulyango, nakomanga. Omuntu aka yunva omulenge gwani noku chingula omulango gwage, naja omu mwage, nana lya haguma naye, naye haguma nani. ²¹ Olala wahimana, enjo namuyankirira ayikale haguma nani oku kichumbi chobwami nka kulala nani nahimire nayikala haguma na darha oku kichumbi cho bwami bwage. ²² Olala ogwerhe oku rhwiri, ayunvirize ogula mwazi muka abwirire ama kanyamuzinda.