¹ Emwa malayika wakanyamuzinda ke Efeso yandika: Ebila bya derhere olala ofarhire zilala nyenyezi mushanvu omu kuboko kwage kwe kulyo, olala ogera mubila binara mushanvu bye oro, ² Nyinji ebijiro byawe, nempanya zawe, n'oku lembera kwawe. Nyinji oku orhakagala kuhekera haguma nabantu babi, kandi ogeza balala bachihamagala ntumwa, nobo barhali bowe, waba bona nkababehi. ³ Lero, naliherhe nalindira nokulembera enyanya ye zino lyani, aliko orha luhaga. ⁴ Aliko ngwerhe omwazi enyanya zawe, walekere obuzigire bwawe burhanzi. ⁵ Lero, yibuka ngahe warhogere, ohungame, okole bila bijiro byoburhanzi. Aliko, akaba orha jirire ntyo, nayinja emunda oli, nakula ekinara kyawe halala kili, akaba orha hungamire. ⁶ Aliko ogwerhe ogula mwazi: woyo ogaya ebijiro byaba Nikolayita nani mbigaya. ⁷ Olala ogwerhe amarhwiri, ayunvirize ogula mwazi muka abwirire amakanyamuzinda. Olala njo wahimana, njo namuha alye amalehe gomurhi gobuguma guma, guli omushwa lya Nyamuzinda. ⁸ Oku malayika wakanyamuzinda kali e Simirina yandika: Ebila bya derhere yewe olala woburhani anali wobuzinda, alirhangire kuba elya fire, enyuma zaho afuka aba muguma guma. ⁹ Menyere obubabale bwawe n'obukeni bwawe, aliko oli mugale. Nyinji ebidusi byabalala bachiderha oku bali bayahudi, nobo barhali bowe, aliko kili kishagala kya lyangombe. ¹⁰ Orha yubahaga bilala byaku bugana, lola; oyola mushombanyi banene mumwewe abakabula omu mugozi yi mugezwa, nenyu mwaba nobuhanya siku mushanvu. Obe mwemezi kugera okufa, nyono njo nakuha ekishema chobu guma guma. ¹¹ Olala ogwerhe oku rhwiri, ayunvirize ogula mwazi muka abwirire amakanyamuzinda. Olala wahimana arhabonekana namabi golufu lwakabiri. ¹² Emwa malayika wakanyamuzinda kali e Pergamum yandika: ebila byaderhere yewe olala ogwerhe omupanga gukalihire gwa mogi mabiri. ¹³ Nyinji aho lamire, hohalala hali ekichumbi cha lyangombe. Nobo woyo ofarhire omwazi gwani, chiro orha lahiraga obwemere bwani, kugera esiku za Antipas muhamiriza wani, mushimbulizi wani, ayirhwagwa ahakagarhi kenyu, halala lyangombe alamire. ¹⁴ Aliko ngwerhe myazi migeke enyanya zawe: Bulala obwene eyo munda hali abantu bakulikire enyigirizo za Balaam, olala wayigirizaga Balak ahebe ekisirhazo okubanya Israeli, oku balye ebintu byahanagwa nka ntulo zebi shushanyo, nokujira ebye shoni. ¹⁵ Konoko nawe obwene abantu bafarhire enyigirizo zaba Nikolaitani. ¹⁶ Lero hungama, akaba orha hungamire, naku yinjira juba juba, najira ebirha enyanya zabo nogola mupanga oku bunu bwani. ¹⁷ Olala ogwerhe oku rhwiri, ayunvirize ogula mwazi muka abwirire ama kanyamuzinda. Olala wahimana namuha galala moba gabishirwe, nani namuha ebale lyomweru, nenyanya welyola bale biyandikirwe ntya, zino lihyahya nta muntu oliyinji arhali olala woli yankirire. ¹⁸ Oku malayika wakanyamuzinda kali e Tiratira yandika: Ebila bya derhere omwana wa Nyamuzinda, olala ogwerhe amasu gage nka chibeyi cho muliro, lwiganyo lwe shaba nyinja; ¹⁹ Nyinji ebijiro byawe nobuzigire bobwemere nobukozi oku lembera kwawe, ebijiro byawe byobuzinda byabere enyanya wabilala byoburhanzi. ²⁰ Aliko ngwerhe omwazi enyanya zawe okuleka ola mukazi Yezebeli, olala ochihamagala mulebi, a yigiriza abakozi bani oku baheza bajire ebyoshoni nokulya entulo zahanagwa oku bishu shanyo. ²¹ Muhere akasanzi ahungame, aliko arha shondere kuhungama ebyeshoni byage. ²² Lola; namukabula enyanya wobuliri, nabalala bajira ebye shoni haguma naye, babone obuhanya bunene akaba barha hungamire ebyo bijiro byage. ²³ Nyono nayirha abana bage oku lufu, namakanyamuzinda goshi gamenya oku nyono nye yewe, ololereza akalamu komurhima. Nani nagalulira nkasi muguma wenyu okuntu akolere ebijiro byage. ²⁴ Aliko mbabwirire mwe bandi bali eyomunda e Tiatira, mweshi murha gwerhe ezola nyigirizo, murha yinji ehwe lya lyangombe nka kulala babi derha, ntabahesa ebindi bi lemerere. ²⁵ Aliko eki mugwerhe muki farhe bwenene kuhika amango njo nayinja. ²⁶ Olala wahimana, noku langa ebijiro byage kugera oku buzinda, namuha malayika enyanya zembaga. ²⁷ Yewe abalanga oku nkoni ye chuma, nka kulala bahombola ebintu bya bumbwaga n'ebumba nka kulala nani nahabwaga kuhulukira emwa darha. ²⁸ Nani namuha elala nyenyezi yemiseke, ²⁹ Nolala ogwerhe oku rhwiri ayunvirize ogula mwazi muka abwirire ama kanyamuzinda.