V 1 okuliguma lyabere lyaba esezi Amakuhuni bajira ehano haguma na bashaja na bandishi, ne baraza yoshi, bamushweka Yesu bamuheka emwa Pilato. ² Pilato amubaza, nkahoyo olimwami wabayahudi? aderha woyo webiderhere. ³ abakulu bamakuhuni bamusidaga emyazi minene. ⁴ Pilato ashuba mubaza aderha: ntacho aderhere? lola ebinwa binga bagusidagire. ⁵ Yesu ntachinwa aderhere kandi, kugere Pilato asomerwa ⁶ amango golusiku lukulu, analika muntu muguma olubaga lusimire waliri omumugozi. ⁷ haliri omuntu ohamagalwa Baraba alishwekerwe haguma nababo babandi, bagwerhe ogomujinya. ⁸ omushimanano gwayinja, barhondera okuhuna abajire nkokubyaliri okumigenzo yabo. ⁹ Pilato abashubiza , aderha: mwakasima imbashwekulire omukulu wabayahudi? ¹⁰ bulala alirhegerere abakulu bamakuhuni Bamuhana ukubwagalwa. ¹¹ aliko abakulu ba makuhani, bashumika olubaga kubabwire Pilato abashwekulire Baraba. ¹² pilato abashuza kandi, ababwira: bichi inkolage koyo mulimwaderha okwali mwami wabayahudi? ¹³ bayama kandi: omubambe ¹⁴ Pilato aba bwira: Akolere maligo gahe ? Aliko badenderera okubanda endulu: Omubambe ¹⁵ Pilato, omukulonza asimise omushimanano, ashwekula Baraba, ahana Yesu, bakimala kumushurha emizareti, yiba mu bamba. ¹⁶ Abarungu bamuheka ekarubanda e Praitorio ahantu hoku chira eshinja, bakigusha kigusho kya barungu kinene. ¹⁷ Bamuyambisa omwambaro g'omuduku, baboha e'sapo y'e mishaki bamuyambisa omurhwe. ¹⁸ Barhangira oku mulamusa: Walegerere, omwami w'a Bayahudi. ¹⁹ Bamushurha n'ekibando okurhwe, bamuchirak'wamachanira, bamuchira kwebi kayiza, bamufukamira bamuharamya. ²⁰ Babere bamala kumu shekera, bamuhogola gula mwambaro mudukula, bamuyambisa emyambaro yage, bamuheka embuga baje kumu bamba ²¹ Baseza omuntu wageraga arhenga omushwa, DSimoni w'e Cirene eshe wa Alexandre na Rufus mpu amurhwaze omusalaba ²² Abarungu balerha Yesu ahnatu harikwa Goligota, kokuderha: hantu hokucha ama rhwe. ²³ Bamuha e divayi bachangire mwe Sifongo, aliko yewe arha yinywaga. ²⁴ Bamu bamba, bagabana emyambaro yage, bayisharhirako esimbi yibamenya echigabi cha ngasi muguma ²⁵ Aha sesharhu, nabo bamubamba. ²⁶ Olwandiko loku musidaga lwa manikwa enyanya zage: MWAMI WA BAYAHUDI. ²⁷ Haguma naye babamba bishuma bibiri, muguma okuboko kwe kulyo, n'owundi okuboko kwage kw'ekulembe ²⁸ Nantyo byayenera ebya mandiko gaderhaga: ahirwa omu luganjo lwa bakola amaligo ²⁹ Nkasi abageraga aho bamuduka n'oku dundadunda amarhwe gabo baderha: Aha] Woyo wowa shanda aka nyamuzinda n'oku kayumbaka kusiku esharhu? ³⁰ Kichungule woyo wenyine, oyandagale kogo musalaba ³¹ Intyo abakulu babakohani bamu shinyagulira bonyine kubonyine haguma n'abandishi baderha: achungwire abandi, arhaka chichungula yewe yenyine? ³² Kristu, mwami wabanya Israeli, yandagala lero kogo musalaba, yirhubona rhuna yemere; nabalala alibambwire haguma nabo bamu duka ³³ Ebichanji by'e midi bichihika, omwizimya gwaja omu chihugo choshi kugera samwenda. ³⁴ Omu Bichanji bya samwenda Yesu abanda endulu nene, oku mulenge gunene: Eloyi, Eloyi, Lam Sabattan; kokuderha: Nyamuzinda wani, Nyamuzinda wani, chakarhuma wandeka? ³⁵ Abali bayumangire ahola baderha: jaga wayunva aherhe ahamagala Elia ³⁶ Muguma mubo ajenda jubajuba, ayunjuza e Sifongo n'e Siki echirezi, achishwekera oku kibando, amuha mpwanywe, aderha: Leka rhulole akaba Elia ayinja kumuyandagaza. ³⁷ Yesu akula omulenge gunene, afa. ³⁸ Omyenda y'elimanikirwe omu kanyamuzinda y'echiberamo kabiri kurhondera enyanya kugera eshishi ³⁹ Omukulu w'abarungu woliyimangire embere zage, abere abona okuntu amafa, kulintya, aderha: okunali oyu muntu aliri mugala w'o Mungu. ⁴⁰ Abakazi balibali aho erhi bali balola hale, mubo mwali muli Maria Magadaleine, na Maria nyina wa Yakobo, mudorho w'a Yoze, na Salome ⁴¹ Abala bali bamukulikire bana mukolera omango balichili e Galilaya n'abandi banene balibagendere haguma naye mpaka e Yerusalemu ⁴² Lichiba golo, bulala gali malaliro g'okurheganya olusiku lukulu lwe sabato ⁴³ Yusufu muntu w'e Arimataya, ayinja aho. Aliri w'omu chigusho chabantu chiherhe olukengo, naye yenyine aligwerhe ekinihirizo oku bwami bwa Nyamuzinda, intyo ntyo, agerereza okuja emwa Pilato, mpu amuhune omubiri gwa Yesu. ⁴⁴ Pilato asomerwa oku Yesu afire mira, ahamagala omurungu mukulu amubaza akaba Yesu afaga mu bichanji bihe ⁴⁵ Pilato achimala yunviswa n'omukulu w'abarungu, aha Yusufu omu biri gwa Yesu ⁴⁶ Yusufu agula omwambaro g'omweru, ayandagaza Yesu oku musalaba, amu bohera m'ogo mwambaro g'omweru, amuheba omu shinda y'ehumbagwa omu bale enyuma yaho, akumbagaza kwe bale linene enyanya w'eshinda ⁴⁷ Na Maria Magadaleine, na Maria nyina w'o yoza balolereza aha bamuhibire