¹ Naeake nino, banduku, mo tchombo tcha Mokonga, mo koesa mebe ino m'mba iyota ya kaika, ko phenena, koakoleka na Mokonga eyokaika koa kino kosombola keakoleke. ² Bua koema maondi ma n'nyanga si eno, n'ndi na kotimboka mo maenyeli ma m'mbesi, mbele befosai n'nkaa ya Mokonga, eya yefae koakoleka ke na koengama. ³ Mo ngbengbele eya eseleke noo, nokoena na omo na ano nino bua kaika n'nkati yande na lienyeli ya kobeya bua, n'ndi na kaika na maenyeli ma foa, koondesana na oketi wa koakoa si Mokonga aesanga kowa moto na moto. ⁴ M'mba bua, tiika na beenga ba bua n'njati ya mobe omo, ke na beenga boose yauwa nde na mokambo omo. ⁵ Boono, base si ba tebue, taimetchake mobe omo n'nkati ya Mbali, ke tika base boose beenga bamo na baphe. ⁶ Mondi ya tika na mayota meetane, koondesana na ngbengbele eya eselekanga base, n'ndi owa uka na iyota ya kolondola atee koopalesana na koakoa. ⁷ Eke mbe owa weeteke mo mokambo ya walisame mo wande; owa okoebesa waliame o mokambo wande. ⁸ Ke owa uka mo koesa wale yo na mo abonjabonje. Wa okoesa wale yo na ome; owa okainaneya wate na tchekamba, owa ota na tchombo ate na ome. ⁹ Ekai mbele koemesana ke buwa na kokesakesa. Imanei kobeya ke na tai eya engame, liamesanai mo kofoa. ¹⁰ Mo koemesana ka banduku, emesanai bamo na baphe; na okuku, esesandi okuku omona omo. ¹¹ Ikai na tchekamba, ke buwaina koenaena kobeyai na mosombo. telai Mokolo. ¹² Lengeyai mo kokueya. Mo obaba kandai metema. Ilelai n'nkati ya kosombola. ¹³ Teleai mo n'nkasa ya bapheneni, lengeyai boeni. ¹⁴ Lipheyaibaa bota bane kobeya, liphengai n'ndi bitea eyangi. ¹⁵ Ikai na ome mo baa bika na ome; Eeyai na baa bokoeya. ¹⁶ Ikai na maenyeli mamo kowa bamo na baphe. Buwa kaika na ma tcheema mo eyaika kiyo iboka, n'ndi ekai mbele bepholotesekei mo eya eka ya koselela biteikangi na boweli mo komona kino mune. ¹⁷ Bua kosumboleya moto kobeya kiyo na kobeya. Phanai eya efoe boso na bato boose. ¹⁸ Aika m'mba yeengame boovo m'mba engame nino, ekai na bii na bato boose. ¹⁹ Bua kobukai bane mine, masau, n'ndi ekaikota masongo, mondi ya ngkalolekei:" Nooi mokolo wa masongo, koa kande obaba, aenake Mokolo. ²⁰ M'mba maimanei wab ukana n'nja, eda we ya koanga; m'mba uka na n'nkasa ya maale esa koanga; m'mba uka na n'nkasa ya maale esa we yo ame; mondi ya kota boobo okangaleya we makala ma kaya okangala motche ande. Bua koeka kobeya kolongeya our, n'ndi longeya kobeya mo kofoa. ²¹ Buwa kowakowa mbe ko beya kalingee owe, n'ndi linnya kiyo na ko beya mokota bosuati.