¹ Naenake mbele:"Mokonga weeki bato bande? Yauwa nde boobo!" Mondi ya noo kae niki Maisalaele mo iboti ya Abalayama, mo thebanda tcha Bejamina. ² Mokonga wenaeki ande bato bande, waebangai bo boose. Bitelia bino eya meololo yokoena mondi ya Eliya, boni boyaeli omoesa Mokonga bondi si ono mondi ya Isalaele? ³ Mokolo, beiyi balondai babe, bemunei beikaneyo babe ba koabo; nesei noo mune, ke bophana noo mo kaiya noo? ⁴ Kani kosumbola Mokonga wesumbolee we? Nelange baome elfu motchomoendi, baa binamuni malu mabo boso na Baala. ⁵ Na boobo kae mo n'nyanga si eno yasiake, koondsana na kosoneka ka ngbengbele. ⁶ Aika m'mba, eki bondi ya ngbengbele, yabuwa kae bondi ya mekambo; ophe biili ngbengbele ebuwa kae ngbengbele. Ke aika m'mba yaika mo mekambo, yauwa kae ngbengbele; ophe biili mekambo ebuwa nde mekambo. ⁷ Boni kae? Eya Isalaele ophana, utemone ande yo, n'ndi kosoneka bamonake, n'ndi baphe baikangi na metama ya ko kobeyakobeya. ⁸ Koondesa na eya ekgaloke:" Mokonga waesa nabo mosombo ya koaba, na maiso n'ndi mitomonande, ke na matu n'ndi buwa kaungba, be na mano botu. ke Tauti na koena". ⁹ Eka mbele moleli wabo yaike kateo, kabo, osaka, omo m'mboka ya kokelesa, ke na iyota! ¹⁰ Eka mbele maiso mabo maike iphue m'mbe mebuwa komona, ke taa meongo yabo koondama boobo na boobo. ¹¹ Naenaki mbele:"Ke bakeake mondi yabo kokuka? Yauwa boobo! N'ndi, mo kokeya kabo, koonda kaikake phololo ko baa bekambe koakoa, ambe basokoleke mo obaba. ¹² N'ndi, m'mba kobeya kabo kaikangi ipho ya tchese, ke na kokea kabo ekaikai iphoka ko baa bekamba koakoa, akaikai booni mo n'nyango ekatimboka boose. ¹³ Naenake nino, ka baa bitinaakai:"M'mba bua nika matomeki ko baa bekambe koakoa, nalombelesake iyota yane. ¹⁴ Boobo, m'mba yaengama, mo kosokowa obaba ko baa bika ba mophindi wane, ke na koondesa baphe. ¹⁵ Aika m'mba kaumboleka kabo kaikangi kaungbesana ka tchese, koakolka kabokokaiki boni, ina kaika n'nkati ya bapki? ¹⁶ Aika m'mba iyota eya bosoboso tephenenee; koa katokake yo ephene kae; ke m'mba motchei ephoe, betabe kae bika boobo. ¹⁷ N'ndi momba omo motabe yabukekake, ke m'mba owe, owa aikanga kate ka okanda, watelekane asina yabo, ke kosongna na maale na kafe, ¹⁸ bua kolomba mondi ya metabe si. Aika m'mba walomba, eba mbele buwa nde owe oobiya mooli, n'ndi booli ebiye owe. ¹⁹ Okoenai mbele:"Betabe eya ebukeke, mondi ya mbele noo eike. ²⁰ Eyo ika liti; yebu kekei mo isina kobeya motema, ke owe, uka mondi ya koakoa na omuli, n'ndi eka na bowa; ²¹ m'mba Mokonga utameseleanga betabe eya m'mbesi; utekameselei ande owe. ²² Monai asa moboto ke tcha ya Mokonga:" Tchaa ko baa bekee, ke moboto ya Mokonga koa kabe, m'mba wailela boobo n'nkati ya motobo si; ephe, okabukeka kae". ²³ Ke m'mba; bteille mo kokobeya motema, bekatokai; mondi ya Mokonga uki tchekambano kota bo ephe. ²⁴ M'mba owe, wabukekangai liti mo n'nkati ka okonda, ke na koteleka mo n'nkate ka motanga eya ika na boyaeli yabe, mo looki ya tchekamba bekatelekai koondesana na boyaeli wayo, kiyo na n'nkate kabo bo mine. ²⁵ Mondi ya niteeme ane, banduku, mbele be buwa koeba kaisama si kono, mo isina m'mbe buwa komona m'mba bato ba koeba, eki obalu omo ya Isalaele ya keake n'nkati ya kokobeya motema, be na kowa bikaengama ka bekambe koakoa bokaingeya. ²⁶ Ke na boobo Isalelae motondo okoondeseleka, ko ondesana na eya ekgaloke:"Mondesi okalai mo Siona, ke okataesai kobeya ka ya kabo"; ²⁷ Ke na yekaikai malonga mane nabo, mo n'nyanga ekatoesa noo kobeya kabo. ²⁸ Mo eya emone Mesao Osali, bika basekani mo isina yino; n'ndi koondesana na eyo emone kosoneka, bemesani mo isina ya baise babo. ²⁹ Mondi ya Mokonga utotimbola ande mondi ya mayota maboke na koeteka kabo. ³⁰ Bo yaeli omo kae n'nyanga emo bitalitosanga Mokonga ke na kokamba kabo kolitosa bamonake en eke tchombo, ³¹ na boobo buwa ene eke bitcheleke bane, bamonake kae tchombo. ³² Mondi ya Mokonga welindeke bato boose n'nkti ya kokamba kolitosa, mo koesa tchombo ka bose. ³³ Mo kaimba ka iphoka, na boeba ke na uneli ya Mokonga! Kobuka kande maondi, kiki na tale, ke nabo ka yande iteebekane ande! ³⁴ nani okoeba maenyeli ma Mokolo, ao nani waikanga mokini wande? ³⁵ Nani weese we wa baso, mbele wasumbolee we? ³⁶ Ko akande, nande, ke na mondi yande bika tchoose. Koa kande okuku bemona beno! Boobo!