¹ Maili ya yo, noo naomona Mokito omo koseleka kowa kiyo, waikanga na bokota omo ya ema; na chese chaika na liangani mondia utukufu yande. ² We nako akaya na looki ya ema:"wa keake, Babilone waema! waikake asima ya mesombo ya beya, asima ya mesombo yoose ya bololo, asima tooni toose ta beya na bololo, ³ Mondia mephiindi yoose ye mi vinyo wa lisomi ya itemba yande, na mekota ya chese keiki maphoka na chekamba cha omuli". ⁴ Ke na kom'mgba kowa kiyo ophe looki na koena:"Tokahii n'kati ande bato bane, mondia mbele bitepatangi mo kobeya kande, na biteikangi n'kati ya obaba siowa ekapata we. ⁵ Mondia kobeya kande kakonake bena kiyo, na Mokonga wa engeleyake kobeya kande. ⁶ Esahi we m'mba nbowa aesanga we, na esahi we mela ile koondesana na mekambo yande. N'kani ya keni sieya waikanyanga we, iteleyahi we ango mela ile. ⁷ Mela bowa alubeyanga we m'mbele na ko chuleya n'kati ya omuli, na yohi esahi we obaba na matanga. Mondia waenaki o motema ande:"nika ase mokakalanga na Bokota wa amokali, nauwane etiki, ke n'toomona ane kokpa. ⁸ Moisina si mo otu siowo omo, obaba yande si nakula, kokpa, matanga na n'ngaa, na wekalekanahi mo kaya. Mondia uki wa chekamba, mokolo Mokonga wabukake bondia ande. ⁹ Na mekota yoose chese, boa beese koika kabo mo ilemba nande na ome, beka eyahii na koemala n'ndia nde, abowa bekamona ùoosi ya kobendeka kande. ¹⁰ Bekaikahi kpaaya, n'kati ya bowa ya obaba yande, bekaenahii: chombo! chombo! motanga ya ema, Babilone, motanga, yaema ya mosongo ya chekamba! mon'nyanga emo kakolokolo kisomi yabe yealake! ¹¹ Na bato ba n'ngonjo baey koika o motanga moisina yande, mondia moto ango utoko owa koika o motanga moisina yande, mondia moto ango omo utoko owa kahee besima babo, ¹² Metumbe (besima), n'falanga, mawe na n'kiti, n'kiti n'tulu ya phenena, a'tulu ya alili, ya ngelingeli, bo yaeli yoose ya toe ta kobeya boyaeli yoose ya. melelo (ya n'jou), boyaeli yoose ya tote talazima, obima na n'koongo (kokoke), ¹³ kate ka boili, tote ta seleli, malasi, tote ta mepila, osinyeya, vinyo, makuta, n'keka ya ndenema, faline, n'ngombombe, falasa, mekoko, mobilo ya bita, mebeya yabato, Mesombo ya bato. ¹⁴ Touma taemanga bo moto yabe yaek kpaya na be; na besima boose si baa beengame na ba fowa yalimekake owe, na uteke na patake eyo. ¹⁵ baolesi babesima si beebano, bekome mophoka n'ndia yo, bekina ikali kpaya, n'kati ya bowa ya obaba ande; bekaeyahii na koika o matanga, ¹⁶ Bekaenahi: chombo! chombo! motanga ya ema, yabatanga n'tulu ya pholeyaphileya, ya fowa na ngelengeli, mbele yekombe na wolo, na mawe na n'kati na angala! Mo n'nyanga kakolokolo iphoka yose ya seyane kake! ¹⁷ Baendesi ba afoyo, baa boose baendanga asimasi, na bandesi ba masuwa, na baa boose botaa n'ngonyo ya iyaba, bekaiki kpaya, ¹⁸ Na beka akayahii, mo komona moosi ya kobundeka kande:"Omi motanga ya sembekananga na motanga ya ema? ¹⁹ Boo na koiteya n'nseke o mechombo! chombo! Motanga ya ema, abowa maiyaha, mo n'nyanga kakolokolo ya seyamekake. ²⁰ Kiyo, ikahina ome n'ndiya nde! kapheneni, batomeki balondi, ikohii na ome kahii! Mondia Mokonga wa moesalekayake ane lti mo obika bondi yande. ²¹ Na yohii mokitomo omowa chekamba na obiya we emo yeondesane na iwe ya itumbe, ke we na kom'mbola yo o iyaba, na koena: na boobohii iyeeya yo koondesana babilone, motanga ya ema, na iteke na mo neka kahee. ²² Na biteke nan'ngbakahee kowakabe looki ya balubehi ban'ke, balubehi ba besima bangembo, balubehi ba filimbi na balubehi ba m'palu, biteke na monakahe bo kowakabe ango moto ango omo si owa watanga n'kasi si, biteke na n'ngbakahee kowa kabe, na lokendi ya besima si, ²³ Liangangi ya n'tala iteke na sanakahe kowakabe mondia bato ba n'nginyo baikangi bato baena mo chese, mondia mephindi yoose ya seya mekangahii na maondi na meiya ao mete, ²⁴ Na mondia bemoni kowa kande makiya ma balondoi na ba pheneni na baa boose ba bukenganga makoti mo chese.