¹ Maili, omo wa bakitomo mochomoendi bebunde keni mohomoendi nakula, n we na omoesa noo looki, na koena:"Waa no omoesi owe kobuka bondi ya moto wa ilemba wa ema owa uka ase omo oma. ² Kowakande lika mlokota ya chese beyabeke mo ilemba, na malu mande ma ilemba ande yohii bato ba chese nayo. ³ We na obiya noo n'kati ya mosombo kowa mo n'seke ya ibunge. Na noo komona amokali omo mbele uka kiyo na n'nyama ya teya, yeiye na maina ma n'senda, ika na mechwe mochomoendi na maseke ikomi. ⁴ Amokali si wa batangi n'tulu ya oketi ye kombeke na mbele iwe yo oketi, na wema n'keti, wa bundangi mo kaoko kande chebaso cha iwe ya oketi ika na, yeiye na molilbi na bololo ya itemba yande. ⁵ Mochondi chande ya kpalokeleke liina emo, koisama kamo; Babilona waema, m'ma wa bato ba ilemba na bololo ya chese. ⁶ Ke naomona amokali sioyo we lewe na makiya ma bapheneni k na makiya ma baa baikanga na boyaeli ya Mbali. Ke, mo komona we ke na iya na koemala ka ema. ⁷ K mokitomo na koena nane: "Okoemaleyahii hiichei? Nokoebesi owe kaisama ka amokali na n'nyama sieya yebiye we, eya ika na mechwe mochomoendi na maseke ikomi". ⁸ N'nyama sieya ya monake owe yaikangi, ke yauwa kane. Yeengami kotoka ko moololo, na kiya mokolimena. Na bato ba chese, baa si baa maina mabo mitakpalaklekanga kalinga mako eye keyo chese n'kati ya buku wa koika, bokoemalahii mokomona n'nyama, mondia yaikangi, na yauwaka hii, na yeka buwanyahi. ⁹ A bonohii koeba kika na boweli. Meche mochomoendi iki me kondi mo chomoendi, eya si eya omo kali we ika aeye yo. ¹⁰ Wa kahii mekota mochomoendi:"Itano ya keyake mono, omo ika, ophe waliande, abowa ekala yo, Eengami mokoika mo n'nanga kakolokolo". ¹¹ Na n'nyama si eya yaikanga, na yauwande, ke yo mine omo o mekota ya chenan, no uki mo oketi ya mochomoendi, na yo kiyahii mo kolimena. ¹² Maseke ikomi si maa wamonake mo iki mekota ikomi, baa biti na iki mo bokota, n'ndi bopata looki m'mba mekota mo n'nyanga emo asima amo na n'nyama. ¹³ Bikahii na mangeli mamo, na bo koesa chekamba chabo ka na bokota yabo ka n'nyama. ¹⁴ Yekaese sahii mokoko, na Mokoko yekalongeyahii bo, mondia uki Mokolo wa bakolo na mokota ya mekota, na baeteki, baeteki, basoneki na baa bika chaa baa bika asima amo nande bekalongeyahii. ¹⁵ Ke nakoena nane:"Maale si maa mo wa monake owe, eya si eya amokali wa ilemba weikaneyo, iki bato, ilemba ya bato, mephundi, na beeneli". ¹⁶ Maseke ikomi si maa ma wamonake mo, ke n'nyama wekaseka amokali wa ilemba, eka balanganesa hii we na kosiya yo mo kanga, ye kaanga hii menuku ande, na kolekanesa yo mo kaya. ¹⁷ Mondia Mokonga watangi n'kati kasa ya metema yabo mo koiyanesa n'kasa yande na koiyanesa eya ika n'kasa ande, na koesa bo bokota kowa ka n'nyama, bena kowa maoki na Mokonga meka iyana. ¹⁸ Na amokali si owa wa monake we, wehii motanga ya ema si osa ika na bokta kiyo na mekota yoose ya cheso.