¹ Ka waimanangahi mo iseske ya iyaba. Ko noo naomona mo iyaba n'nyama emo ya ema mbele ika na moseke ikomi no mechwe mochomoendi, ke kiyo na moseke mo yo ika na n'nembe ikomi yabobemine, na kiyo na mechwe ya yo ika na maina ma n'senda. ² N'nyama seeya namonanga yoondesana wwa n'ngo; noo mayo m'mba noo mo Pakasa, na kana kayo m'mba kana ka simba ango. Dalagona na koesa yo chekamba, na bokota ayo, na ukuku ya ema. ³ Ka naomona mochwe ayo omo yaeseke, m'pota ya mechwe m'mbo koeseka kokpa; n'ndi m'mpota ya yo ya kokpa yo na koonda. Na chese cehtondo chaikangi na bowa ya n'nyama. ⁴ Ke batulamea dagona, mondia weesi n'nyama, bokota; bo na otulameya n'nyama, na koena mbele:"Nani weengamesane na n'nyama?", ke "nani weengame na koesa nayo?". ⁵ Ke yo na koeseleke kana si kaa kokoena maoki ma omuli na maoki n'senda; na yo na koeseleka looka ya ota maili ya meeli n'kama ina na ibe. ⁶ Ke na okandowa kano kayo mo koema maoki ma kosenda Mokoga, ko chafuwa lina ande, na boikaneyo yande, na baa bika kowa obowa. ⁷ We na koeseleka mo ota bito o ba pheneni, na kalongeya bo. ke weesehi bokota kiyo na beeneli boose, bato boose, beeneli boose, na mephindi yoose. ⁸ Ke bato boose ba chese bekatulameyahii we baasila liina mabo ite kpalokeye kolinga o makanjeke yo machese mo buku wa koika ka mokoko si owa ya kpanga. ⁹ Aika m'mba moto uka na matu, wa m'mbge! ¹⁰ Aika m'mba moto wa bika mobe yande mokokandeka okiyahi mokokandeka; aika m'mba moto waiya na apanda, yefowe wakpa na apanda. Abonohii koeyesa motema na kowakowa ka ba pheneni. ¹¹ Ke noo na omana mo n'seke ephe n'nyama yo olinya, yaikangi moseke mabe yeondesame na mokoko, ke yaenangai m'mba dalagona. ¹² Yatangi bokolo yoose boso ande mo n'nyama ya boso, na yatangi mbele chse na baa bika mo yo batulameya n'nyama ya boso, sieya m'mpota ayo ya kokpa yaondanga. ¹¹ Ke noo na omana mo n'seke ephe n'nyama yo olinya, yaikangi moseke mabe yeondesame na mokoko, ke yaenangai m'mba dalagona. ¹² Yatangi bokolo yoose boso ande mo n'nyama ya boso, na yatangi mbele chse na baa bika mo yo batulameya n'nyama ya boso, sieya m'mpota ayo ya kokpa yaondanga. ¹³ Yatangahi maondi ma memi, bena moo selelesa kaya kowa mo obowa koselela mo chese, o maiso ma bato boose. ¹⁴ Ke wakesanga olimesa bato ba cehse na maondi ma osangalesa eya yaeselekaanga yo mo ota oso ya n'nyama, koema o bato ba chese ba tee chelendela chemo mo n'nyama eya ya ikakanga na m'mpota ya apanda eya yaikanga na kaika. ¹⁵ Ke yeesekehi kosokowa na yo yaeselekangi chelendela chetuanane n'nyama, mondia mbele chelendela che n'nyama bakpe. ¹⁶ Ke yo ye telekehi yoose, banuke m'mba bakoolo bato, maphoka na touphe, baa bika bule m'mba bakobe, bateleke n'neembe chelendela o maako mabo ma ilome ko owa ao koolesa, buwa koika ka n'neembe. ¹⁷ Oketi liena yo. liina ya n'nyama ao ka lina yo. ¹⁸ Abonohii uka boweli. Eka mbele owa uka na koeba wabande oketi ya n'nyama. Mondia iki oketi ya bato, na oketi si iki miya motoba n'kama motoba na motoba.