¹ N'nembe emo ya ema na koomoka futuu mo obowa:"Amokali omo na wekombe ka na looba, meeli kose na matindi mande, na m'mpo ya iko na n'nkenikeni ikomi na ibe o mochowe". ² Waikangi na teeme, ke waako yangahii, koika mo n'nkosi na n'kati ya obaba koboto. ³ Ephe n'neembe emo na koomoka futuku n'kati obowa; ke monahii, yaikangi ndjoka ya ema dalangona emo ya wa ema wa teya, iko na mechwe mochomoendi na maseke ikomi, na kiyo na mechwe n'neembe yabo bemine mochomoendi. ⁴ Mokiyo yande yabundangahii asima isato ya n'kenikeni ya kiyo, na ko m'mbola yo mo n'nseke. Dalagona koimana boso na amokali owa waemanga koboto, mo koena kowasowa Manande, mon'nyanga sieya yokoema we koboto. we na oboto maanande mon'nyanga sieya yo koema we kobota. ⁵ We naobota Maana wa amoome, owa olanga bato boose na kanyowanyowa ka chuma. Na Manande we na kobileka kowa ka Mokonga na kowa Mokonga ka ko bokota yande. ⁶ Ke amokali kiya obeyo kow mo n'seke ya ibunge ani asima yaikakanga we asima ya aiyekelekanga na Mokonga, mo isina mbele walumbeseleke obele mo n'su elfu omo miya ibe na n'kama motoba. ⁷ Na yaikangi bita kowa mo obowa. Mikaele na bakitomo bande na koesesa dalagona. Na dalagona na bakitomo bande bauwa na koesesa, ⁸ N'ndi bitalongeyanga ande, ke asima bitakanga kahe kowa mo obowa. ⁹ Na koonda obeyo, dalagona waema, n'njoka ya ilela, yaetekanga diable na satana, owa okelesa chese chetonde, na kipa obeyo kono kose, na bakitomo bande na koololo kanade. ¹⁰ Ko na m'mgba kowa mo obowa looki omo ya ema yaemanga:"Moeneke koonda ka alaka, na chekamba, na okuku ya Mokonga wito, na bokota ya Klisto ande"; Mondia waololokangahi, mochongeyi wa ba nduku bito, owa wasitakanga bo boso wa Mokoga botu m'mba looba. ¹¹ Belongeyehi mo isina ya mokiya ya Mokolo na mo isina ya looki ya boyaeli yabo, na bitaenanga abo koika kabo bena kotina kokpa. ¹² Moyohii ikahii na ome, obowa na na bane si baa bika mo obowa. Chembo mo chese be na mo iyaba! Mondia diabele wa seleleyake bane kooko, wesokoleke na obaba iboka, koeba mbele uka na kakolokolo ka n'nyanga. ¹³ N'nyanga sieya dalagona wa monanga mbele waeke mo n'seke, we na koonda amokali siowa wabotanga Maana wa amo ome. ¹⁴ Na maphaphu mabe ma eema cheani mo na koesaleka ka amokali, mbele waumboka kowa mo n'seke ya ibunge, asima yande, abowa wa bebelikanga we mo n'nyanga kakolokolo, mo n'nyanga, na kakolokolo ka n'nyanga kpaya na chondi cha n'njoka. ¹⁵ Ke, Mokonga kande, n'njoka na ko m'mbola maale m'mba iyaba maili ande amokali, mo obundesa we mo m'mboka ya iyaba. ¹⁶ Ke n'seke kouneya we amokali, na n'seke kokandowa ka nakande na komina maale si maa dalagona wa m'mbolanga mo na kanakande. ¹⁷ Na dalagona wa osoma na amokali, we na kiya koesesa bita mobaa besiye mophindi yande, mo baa belange baangile wande Mokonga ke bika na boyaeli ya Mbali. ¹⁸ Ke waika mo iseeseke ya iyaba.