¹ Ika bosaali m'mbe kophfoa kite ikangi ka ko moneka na bato, mo boobo uto kolephfeleka bande koa ka Ise wito uka kio. ² Aika m'mba waomola liphfaefi bande na ko lublea mangbeli boso nabe, bowa o kotanga bato ba omuli mo malumba ma masomboli una mo balabale, m'mbe bato ba lombese bo. Naenake nino mo liti, baabo ba patake mono iyota yabo. ³ N'ndi, aika m'mbe wa omola sadaka, kaako kabe ka ikali kiteebangi tchei tchatake owe na kaako ka ilome; ⁴ Mbe sadaka wabe wateleke mo kaisama o eke so, owa wo ko monaenga mokasama wokowa kowai mono owe. ⁵ Aika m'mba wasombola, bowa koika m'mba bato ba omoli, baa bo koemanga kosombola m'mbe beimane mo malumba ma masomboli ena mo balabala ombe ba moneke na bato, naenake nino mo liti, baabo ba balombelesake na bato. ⁶ N'ndi aika m'mba wo kosombola, n'ngeya mo kosunga, kanda molango namalelesa ena na so maondi mabe moose mo iphfu, we o ko. ⁷ Mo kosombola, buwa ko bulesa maondi maa mobuwa na isina, bowa okotanga ba pagano, baa bo koisanga mba koena ka buwa, na ko bulesa maondi n'ndi masomboli mabo mo koakolekai. ⁸ Bowa ko ondeya bo; bondi Ise wino oli tcheya tcheema tchabe, boso wabe koeya - yea nande. ⁹ Monai boboni engeme bane na kosombola:"Ise wito wika kio! Ekambe lina yabe ya lombeleseke; ¹⁰ Eke bokota yabe yale, ko ema kabe aketeleka ano kose m'mba kae kowa kio. ¹¹ Aesa base moono botu mokate ito ya nsu yoose; ¹² Meseleya base ko beya, m'mba base kae temeleselee baa bokota base kobeya; ¹³ bowa kon'ngesa base mo tcheema, n'ndi toesa base ka moto wa beya. Bondiya kowa kabe n'ndi ika, mo bemo na bemo, mokolu, tchekamba na okuku boobo! ¹⁴ Aika m'mba wa meselea bato ko beya kabo, so si owa wa kio, wo komeselea kai owe. ¹⁵ N'ndi aika m'mba ute meselee bato, so owa uka kio otekameseleande owe ko beya kabe. ¹⁶ Aika m'mba waeka koanga (ko funga), itephfoe bande na ko kanda tchondi na obaba, bowa bato ba olanga, baa ba kobelesa bondiya babo mbe bato bamone bo mbe bekande koanga na koma, naenake, mo liti, baabo ba patakeokuku ano kose. ¹⁷ N'ndi aika m'mba waeka koanga na koma maale, isela malasi ko motchwe, ena soola tchondi, ¹⁸ m'mbe ute monekangi na bato mbe okanda koanga na koma, n'ndi soso wabe owa wika kiyo waebake owe, owa omonange, mo iphfue, o ko esai owe. ¹⁹ Bua kotukulesa beeya ano kose mo n'seke, aboa ika n'kando njenje, na tolimo nkitaka yoose eke yaseya yo na aboa baibi busoa na ko phea ; ²⁰ Ndi tukulesai Mbiso Koa, koa tolimo na n'kodo itokoseya, na koa baibi bito kon'ngeya na ko seya. ²¹ Bondia koa kika M'biso yaba, motema yabo okoikai kooko. ²² Liiso, ikai n'tala ya mobe. m'ba lioso yabe aika bosaali, mobe itondo yabe okoakanai ²³ N'ndi m'mba lihiso ya be aika kobea mobe itondo okoikai moi phfue. N'ndi m'mba masani ma mika kwo kabe mika iphue nyokoe mai. ²⁴ Moto angoo omoo uteengame bande na kotemikeya mekota ibe okosekai omo, ke waema ophfe. ²⁵ Nokoena nino : bouwa koteka, teka, bondiya koika kino, m'mbe nokowai tchei, na tchei, koika kabe kitee teye. ²⁶ Monai tooni ta kiyo : tito lekanga bande ango iba yakokonyowa, ke tobuwa na mboso n'ndi Ise wino wa kiyo olesanga to. Owe, uteeteye tooni? ²⁷ Nani n'nkati ino moko koeya eya kande we ngame mo koeyesa nsu yande mo tchese? ²⁸ Mo tchei koeya eya bondiya ntulu a kobata? Bete bowa yo komenanga matunda mo maba? mitota moka mbo ata emo; ²⁹ n'nembesi eno naena ke nino mbele Salomona mo bokota yande, utebate bande ntulu ya kophfoo kolongeya matunda maa mika mo maba. ³⁰ M'mba Mokonga wabatesa matunda iba, moono otengame owe, bato ba koakoa kaa ngoa ? ³¹ Bouwa kobatea buwai koena : tokoanga tchei ? Tomaï tchei ? Bokopfananga koeya eya eni n'tulu ? ³² Bondiya besima siebo, bapakano n'ndi tookabala nabo, Ise ino kwoa kiyo weli mbele bika na n'kasa ya besima. ³³ Boso phfanai bokota na tcha ya Mokonga, tchoose tcho koeseki bane. ³⁴ Bauwa koeya-eya bondiya m'pendu; m'pendu ye minei okoenga mesia mao n'ndi mande. Kila botu ika na maondi mande.