¹ Mbali na komona metuka ya bato, we na kolin'nya ko mokondi we na koika, baeki bande na koonda we. ² We na koandja ko fundisha bo eke waena na bo: ³ "Home mo baa bika touwa ko metema, bondia bokota ya kio ikai yabo". ⁴ Home baa bika na bii, bondia bo koika na ome mo tchese. ⁵ Home mo baa bika na obaba, bondia bo koikai na ome, ⁶ Home mo baa bika na ndja na tcheema tcha maale, bondiya, bokoikatayi , bondiya bo koikotai. ⁷ Home baa bika na tchombo, bondia bo kan'ngbeleyai bo tchombo. ⁸ Home mo baa bika na metema esaali, bondiya bekamonai Mokonga. ⁹ Home mo baa bo koisa bihi n'nkati ya bato, bondiya bo kaetekai bana ba Mokonga. ¹⁰ Home mo baa bo koseleka maobi bondia bokota ya kio ikai yabo. ¹¹ Home kowa kino bane m'mba bato ba kosendeka, na komoneleka, na ko tchongeleka mo olanga mo okitaka ya ko beya koose bondiya yane. ¹² Ikai na home, lengeai, bondiya ome nino yeemei kowa kio. Bondia boobo ii ya moesanga bo maobi baeki baa balanga boso nino. ¹³ Bane bikai moho ya tchese. Aika m'mba moho aseama, tchei tchokofolesa yoo? Ito kota kae tchesima ephe, yo kombolekai kowandja, yo kogbotekai na mao ma bato. ¹⁴ Bane bikai tcheangange mo tchese. Motanga owa yo koeseleka kio no mokondi ito koisamanga bande. ¹⁵ Ango bato bito koakanesanga ntala, eke bata yo n'nkati ya katunga, n'ndi bo kotangai kio na mesa, eke ya moesa boose ba bika n'nkati ya lumba. ¹⁶ Ephoei m'mbe tcheangange tchabe tchasanese boso ya bato m'mbe bamone beteleli besaali, eke m'mbe balombese so wabe owa wika kio. ¹⁷ Buwai koisa m'mba nileei mo komuna angile ango batomeki; nileei buwa komuna n'ndi ko kobesa-besa. ¹⁸ Bondiya nokoenai nino moliti m'mbe kose na kio kinaeti, angile ango omo utekotoka bande, ango kanuku ka looki itekatoki, ena kowa yoose ekela. ¹⁹ Owa wekatoesa angile ango wa angowa eke wa ebesa bato m'mbe bate kae boobo, okaetekai kakuse mo bokota ya kiyo n'ndi owa okalitosa eke wa ebesa m'mbe balitose, okaetelekai mophfeme mo bokota ya kiyo. ²⁰ Naenake nabe, moliti, aika m'mba liti wabe. Witotelongeye awa wa baandiki na ba Falisayo, ba utekangeya bande mo bokota ya kiyo. ²¹ Ba n'ngabangai m'mbe, yaenekangai na bakolo bato:" Bowa koiya, woose owa wo koiya, we engamei na ko kandeka na babuki ba maondi ²² N'ndi noo naenaki nino mbe, woose owa babuki munaka kakinini, we engamei, na koeta bose ya babuki ba maondi. ²³ Aika m'mba waaya na liphfaephfi yabe mo altale eke wa engaleya m'mbe moto uka nabe na bondia, ²⁴ Eka liphfaephfi yabe boso ya Altale, eke yaa ko n'ngbesana moto si oyo, boso ya koesa liphfaephfi yabe. ²⁵ N'ngbésanai bosaali na mosékani, wabe aboa uka nande asima amo mo m'mboka, m'mbe wito tchongeyangi owe mobabuki maondi, m'mbe biteabangi owe ko mekota ya yaema, mbele obua moyololo. ²⁶ Naenake nabe liti, utokoomoka kokandeka mo lumba ya moyololo. ²⁷ Bém'ngbe m'mbele yo koena ka mbele bua:" kota ilemba". ²⁸ N'ndi noo, na enaki nino m'mbe unalipi beeya beya bokoombeka owe kooko. ²⁹ Aika m'mba liiso ya ilome, aika m'mboka ya kokelesa owe, ikiome koakabe, tsheenga tshabe tshemo koseama, kom'mboleka mokaya. ³⁰ Aika mba kaako kabe kailome kakosea owe bukako. M'mbola ko kpaaya, mondiya ephfoyei tsheenga tshabe tshemo koseama, kolko mobe etondó kom'mboleká. ³¹ Aenekangai mbe, moto wapenga mokali, waese we kaani ka koekane. ³² N'ndi noo, naenaki m'mbe owaosea owawoeka mokalandé, bua mondiya ilemba, watake we moto wa ilemba, ke owa osonga amokali na bato ba boso m'mbe watake ilemba. ³³ Ba n'ngbangi ya enekangi na bato ba boso m'mbe: Obua kolapa, mondia wa lapa ke wakambá koiyanesa, watake kobea bosona Mokonga. ³⁴ N'ndi noo, naenaki mbele bua kolapa belapalapa, aike mooboa, mondiya ikai ya Mokonga: ³⁵ Aike monseke, mondiya, ikai boendeo yande ya maomande; ama mo Yelusaleme, mondiya iki asima ya Mokota yaema. ³⁶ Buwaa ko lapa mondiya motshwe yabe, mondiya utookokola bande kophfuphfekesa ama kolingesa, omo ya n'ngbe yabe. ³⁷ Aika mba looki yabe yaakoleka, aakoleke, aika mba aekeleka, aekeleke:" owa olubea mbele yo yotoka ka mosu". ³⁸ Bangbangi aenekangi m'mbe: liiso mo liiso, liinyo mo liinyo. ³⁹ N'ndi noo, naenaki nino m'mbe bui kosikama bosó na belengi. Aika mba moto wa lumbea owe moitama ya ilome, moesawe w eye ephfe ya kea. ⁴⁰ Aika mba moto wasitakeya ka owe ke watomba ntulu yabe, ekeekeya we nkanjo. ⁴¹ Aika m'mba moto wa nab ondo ya kilomele elefu, yaa nande. ⁴² Akésa owa okoomba owe, kebua koekéa owa weeme kosomba koakabe. ⁴³ Ban'ngbangi yaenekangi mbele: okoemi munakabe, ekewaseka moini wabe. ⁴⁴ N'ndi noo, naenaki m'mbe:"Emaii baini bino, liphfeai baa beseke bane, kesombolai mo isina ya baabo otaane ke baabo otesoa ane, ⁴⁵ Ombele beike bana ba ise wino si owa ona uka kiyo; mondia weoyayoa lóóba mondia bato ba beana ba wapfoa, ke oko'okesa mbuwa mo basaali na babeya. ⁴⁶ Aika mba baema, ba beeme bane eni iyota engame nino? Ango ba bolipesa manjanja bitoko kotanga boobo? ⁴⁷ Aika m'mba wamoesa moboto mo banduku babe lika watakei tchei, ango bato babeeya bokotanga kayi boobo? ⁴⁸ Ikai baphfenene, bowa Ise wiho wa kiyo wika.