¹ Mokolo na ko ena na Mose, wa ebesa we : ² "Ena na bana ba Isalaele, ebesa bo : A ika m’mba moto wa ema ko iyanesa n’nkasa yandé yatanga we boso wa Mokolo, ya koaba ya tchesima ni tchesima, ³ Amoome wa ko linga bemo n’kama ibe bena n’kama motoba, o ko abeleki bingboma n’kama itano ba beeya ba asima yelipheleke, ⁴ ka amokali yo ko ikai bingboma n’kama isato ; ⁵ Ko linga bemo bitano bena n’kama ibe, maana amoome o ko abelekai bingboma n’kama ibe, na maana amokali bingboma ikomi ; ⁶ N’nkati ya meeli omo bena bemo bitano, maana amoome o ko abelekai bingboma bitano ba beeya, na maana amokali bingboma bisato ba beeya ; ⁷ Ko linga bemo n’kama motoba na kiyo si, amoome o ko abelekai bingboma ikomi na bitano na amokali bingboma ikomi. ⁸ A ika m’mba ooyo wa langangai koika kandé uteengame andé na ko buka ikoli m’mba boobo, n’ndi bo ko isai moto si ooyo ka moomoli wa mafaefi. Moomoli wa mafaefi wo obukeyai we oketi ya bingboma, n’ndi oobukeyai we oketi ya beeya bandé bowa été – we koika kandé. ⁹ A ika m’mba ikai n’nyama (tchesenge) i weeme koaba yo lifaefi ka Mokolo ; n’ndi n’nyama yoose si eeya yo koabeleka ka Mokolo yo koikai tchesima tceya tcha liphelekake. ¹⁰ Yiteengame andé ko anyanya yo na ephe ama kota ephe, kota eya n’saali buwa ya beya ama ya biya asima ya eya n’saali, moto wata n’nyama emo asima ya ephe, yoose yo ibé yo ko ikai besima beya ba liphelekake. ¹¹ A ika m’mba ya ika n’nyama si eya ya langelekanga ko ika kayo, yiteengame koabeleke lifaefi ka Mokolo ya ika ango eni n’nyama, n’ndi eyo n’nyama yo ko iselekai ka moabi wa mafaefi, ¹² eke moabi wa mafaefi wo onyeeyai eyo n’nyama, waene m’mba yetonganei ama yebeyee ; yo ko ondesanai na ko nyeeya kandé, ¹³ n’ndi m’mba moto wa ena ko kowa n’nyama si, wootai ephe botuku ya itano kiyo na okita si. ¹⁴ Bena a ika m’mba moto wa teleya Mokolo lumba yandé, moabi wa mafaefi wo ko enyeleyai iyoli, wa ebese m’mba iyoli yeemei ama yeangowei ; yo ko ondesanai na maenyeli ma moomoli wa mafaefi. ¹⁵ N’ndi m’mba moto si owa weabe lumba yandé wa ema ko konoa yo, wootai ophe oketi kiyo na ophe botuku si owo ya itano, booboi yo osumbokeya wo. ¹⁶ Moto wateleya Mokolo iba si eya ika beeya ko motuka omo. ¹⁷ Waaba iba yandé mo tchemo tcha Yubile, yoonyeelekai lika mo oketi si oowo ; ¹⁸ A ika m’mba iba yandé mo tchemo tcha Ybilei, moabi wa mafaefi wooselelesai iyoli ko ondesana na ebo bemo ba siyake bena mo tchemo tcha Yubile, ke iyoli yooselelai mo isina si eeno. ¹⁹ M’mba wa ena ko kowa iba si eyo, weengamei kota ephe kiyo botuku ya itano ya oketi si owa yenyeleke, eke iba yoosumbokanyai kowa kandé. ²⁰ Witekowe yo n’ndi mbe waoleseyake ophe moto yo, aowo ya buwakae na namuna wa ko kowa yo, ²¹ mo tchemo tcha Yubilee owa weowe yo weengami na ko eka yo, eeyo iki tchesima si tcheya tcheteleke ye Mokolo, iki iba yeekeseleke : Yo ko ikai beeya bande moabi wa mafaefi. ²² Wa teleya Mokolo iba eya eowe we ambe ya buwa andé mo botuku ya botiko yandé, ²³ moabi wa mafaefi wo ko enyeleyai oketi mo ko ondesana na n’su bena mo tchemo tcha Yubile, bena moto si ooyo wo ko omolai (ko buka) beeya bosu si oowo oowo tchoose si tches tchika tchesima tcha phenena tchetelekeleke Mokolo. ²⁴ N’nkati ya tchemo tcha Yubilei, iba si eeyo yo o sumbokeyai owa wa olesanga yo, kowa kandé si oonoi beeya bande mo tchese ; ²⁵ Oketi yoose yo otelekai asima ye lipheleke, bingboma n’kama ibe mo motuka. ²⁶ Abuwa andé na owa weengame ko teleya Mokolo n’nyama si eeya yeboteke boso n’nkati ya n’nyama yandé, a ikai mokoko, a ikai n’ngbombe, eeno mo liti iki ya Mokolo, iki beeya ba Mokolo. ²⁷ A ika m’mba n’nyama yaika ya tchitchiti, ke ya engama ko koleka mo oketi si owa yeselele na ko endyeleka na ko bubeya nusu wa botuku ya itano, ambe bitekowe yo mo oketi si owa yeenyeleke na ko lubeya ophe nusu wa botuku ya itano, yo ko olesekai na iyoli si eya ya enyekelekanga. ²⁸ Eeya yoose moto okoesa yo ka Mokolo, mo eeya ika yande, iteengame ande nakooleka ao koondeseleka, aika moto, n'nyama, ao iba yande we mune, eeya yokoeseleka yo yokoiki ya phfenena ka Mokolo. ²⁹ Moto siowa waelekake m'mba lifaefi, uteengame ande na koonda, weengame na kokpa. ³⁰ Emo mo ikomi ya n'seke yaike eeya ya tokake mo n'nseke, yaika towuma ta tote, yoose iki ya Mokolo. ³¹ Aika m'mba moto weeme koondesa tchesima tchemo tcha eemo mo ikomi, okoongesi ephfe itano. ³² Emo yaikomi yoose yaemeema na meengameleo ya n'nyama, mo eeya yoose yokoeta ka owa wa obanda, yokoiki eeya yaeselekake ka Mokolo. ³³ beengami na ko mona mona m'mba n'nyama yefowe ao ye beye, ke iteengame ande na ko timboleka ; aika m'mba ba timbola n'nyama emo mo ephfe, yokoiki yoose tchesima tcha phfenena, ke iteengame ande na koondeseleka. ³⁴ Ee noii nika baangile si baa Mokolo weese na Amose o baana ba Isalaele, kiyo na mokondji ya Sinaye.