¹ Mokolo na ko ena na Mose, maili ya ko gba ka bana babe ba Aarona, baa ba gbanga mbe baake ko sangana na Mokolo. ² Mokolo na ko ena na Mose :"Ebesa maana tchoko Aarona, m’mba witenngeyangi n’nyanga yoose n’nkati ya bosomboleo, ko eteya ntulu ya nkoka, boso ya boikaneyo owa yo ko eya eyanga base, owa ika kiyo na saduku wa Mokolo, bondiya mbe witegbangi, bodnia no ko omolkeya mo obonge, mo boikaneyo si oowo. ³ Mona oni namuna aarona we engame na ko n’ngeya mo boikaneyo ya masomboli. Wa bunda maana ya ngombe mo ko omola we ya omo ya ko eseleka m’mba lifaefi ya ko lekanesa yo mokaya. ⁴ Wa bata nkandjo esaali eya ye lifeleke, eke wa bata ntulu ya kose esaali ; wa kanda kae mokaba ya okoba ya n’nyama, eke wa bata kae mpoh ya bokota ; ikai ntulu eya elifeleke, we ka batai yoo, alinga wa owa mobe otondo ko maale. ⁵ Wo ko pokeya kooko bana ba Isalaele, meeme ibe ya mboli, m’mba sadaka wa ko eya eya bondiya ko toesa ko beya ena moome omo ya mokoko m’mba sadaka wa ko lekanesa mo kaya, ⁶ Aarona we na ko omola ngombe, m’mba sadaka wa kondja – bondja Mokolo eke wo ko eya – eya bondia ko beya kande omune ena bondiya lumba yande yoose. ⁷ Wo ko omola kai meeme ibe ya mboli eke wata yo boso ya Mokolo mo bonngeleyo ya molongo ya lumba ya masomboli. ⁸ Aarona o ko omolai mboli yo ibe mo ko esa mokolo eke eya ephe yo keeselekai Azazael. ⁹ Aarona o ko bakamesabaka nande moome omo ya mboli eya yetelekee Mokolo, eke wa omola yo m’mba sadaka ya ko eya eya tchombo. ¹⁰ Eke moome ya mboli eeya ya eselekake Azazael, yo na ko teleka boso ya Mokolo, m’mba yo ka ika boso ya Mokolo, m’mba yo ko omoka m’mba sadaka wa ko bondja ya iseseke mo ko eseleka Azazael. ¹¹ Aarona wo ko omolai ngombe yande m’mba sadaka ya ko bondja – bondja bondiya ko beya kande omune ena bondiya bato ba lumba yande. Eke wa buka ikoti ya ngombe yande m’mba sadaka ya ko eya – eya ko beya katanga we na lumba yande yoose. ¹² O ko biya bambola weiye na makangala ma ko akana iboka eke wata we kose na mesa wa masomboli, boso ya Mokolo walakae na batchupa babe baa beiye na malasi ma ko beya, waya ko siya besima si boose obalu ya boso. ¹³ Wo kota malasi si maa mika pudele eke wa iteya yo kiyo na kaya kaa kika mo bambola, eke moosi si yo na ko linya yo ko tanga bo masomboli ma ko eya – eya bondiya ko beya kabo. ¹⁴ Wo ko tokola kai mo kiya ya ngombe eke wa iteya yo, na ko biya na monyw wa balanganesa yo obalu owa looba yo ko omokanga ; eko wateya mala motchomoendi makiya mo ko eya – eya ko beya kaa katanga bo. ¹⁵ Yo ko tchindjai mboli mo eya – eeya bondia okita wande yoose, eke wa iteya kae mokiya obalu ya boso, wo kota kai na mokiya si ya ngombe bowa watanga na mokiya ya mboli, na mokoko. ¹⁶ Mo booboi, wo kota ko eya – eya ka ko toesa ko beya katanga bo, bana ba Isalaele. Ko makosa moose, wo kota kae bondiya lumba ya hema yabo eya ika nabo n’nkati ya kobeya kabo. ¹⁷ N’nkati ya lumba ya ko eya – eya moto ango omo uto ko ika bande n’nkati, n’nyanga yande ko n’ngeya mo lumba ya masomboli, ena bowa ka omoka mo lumba si. ¹⁸ Mo ko omoka wo kiya obalu wa mesa wa masomboli, owa oka boso ya Mokolo, ek wa ombeya mesa mbe wa fenene, we na ko biya mo kiya ya ngombe ena owa a mboli, eke wa isela yo mo ngbangba ya mesa wa masomboli . ¹⁹ Wo ko biya mo kiya na monywe eke wateya iteya mana motchomoendi kiyo na mesa, mo ko fenensa we, mo bololo yoose ya bana ba Isalaele. ²⁰ Abowa o ko mona we na ko eya – eyabondiya ko beya ka asima ya masomboli, bondiya lumba ya maombi ena bondiya mesa wa masomboli eke we na ko bota mboli eya ya ko enda. ²¹ Aarona wo kotaai maoko mande mo mab kiyo na motchwe ya mboli si eya ya ko enda, eke wa eya – eya ko beya koose kaa kete bana ba Isalaele, ena ko beya ka ka ikanga nabo kota ko beya, wo ko benga ko beya koose kaye mo okonda ya iseseke yo ko telekai na moto omolika. ²² Kiyo na mboli si eeyo ko beya koose ko ko ikayi kiyo na motchwe yande ko beya ko esa ko kosiyai mo nseke si eeya ya beya. ²³ Aarona o ko n’ngeya mo lumba ya ko omba ; wo ko toesai ntulu eya ya batanga we boso yande ko n’ngeya mo asima ya ko enesana na Mokolo wa kose na kiyo. ²⁴ Mo ko soolai mobe yande etondo na maale masaali. Maili si eke wa bata ntulu yande, eke wa omoka eke wa lekanesa n’nyama ya sadaka, ena owa okita eke wa eya – eya bondiya ko beya kande ena mo ko beya ka okita yande yoose. ²⁵ Wo ko lekanesai kiyo na mesa wa mafaefi maila ma n’nyama si eya ya ko omola bo sadaka. ²⁶ Owa wo ko onda mboli mo ko esa Azazael, we engamei na ko soola ntulu eke wa owa mobe yande yoose, maili ya aowo, we na ko sumboka mo boikaneyo. ²⁷ Bo kiyai ko siya ngombe ena mboli eya ya sadaka gbaaya na motanga, eeya ba toesanga makiya eke baya ko iteya mo asima ya masombomboli, ena kae ba lekanesa n’nyama, ena nkoba, ena menuku ena besima ba mesolo. ²⁸ Owa o ko lekanesa n’nyama si, we engamei na ko soola ntulu yande, na ko owa mobe otondo ko maale, maili si eke wa n’ngeya mo tcheamba tcheya bika n’nkati. ²⁹ Ika kowa kino, angile we nsu nansu, ko meeli ya motchomoendi, mo nsu yande ya meeli,bata metama ino koendjo – endjo, bo buwa kota, ango mokobe wino, ango moeni wino owa wolame ko motanga ino. ³⁰ Bondiya mo nsu si eeyo, bekatai ko eya – eya tcha ko beya kino, m’mba bo ko phenensa meikaneli bino, na ko eya ko beya kino katoke, boso ya Mokolo. ³¹ Yo ka ikai kowa kino m’mba sabato, botu ya ko omona eke bata metema ino na tchombo, ikai angile wa nsu na nsu. ³² Ko toesa ko beya, ko kotelekai na moomoli wa mafaefi owa wa lifelekanga, owa wa tufelekanga mata mo ko siya asima ya ise, mo mekambo ya Mokonga, wo ka batangai ntulu saali, ntulu ya lifelekanga. ³³ wo ko omolai lifaefi ya ko eya – eya mo ko toesa ko beya, mo lumba kai masomboli ma ko toesa ko beya bondiya ba omoli ba mafaefi ena bondiya okita otondo. ³⁴ Yo ko ika ko esa kino angile wa nsu na nsu ekatelekangai mala omo mokila tchemo, bondiya bana ba Isalaele, bondiya ko beya kabo. Ikai eya ya emanga Mokolo ko ena na Mose.