¹ Komakondjekeo looki aikanga, eke looki aikangai na Mokonga, eke looki aikangai Mokonga. ² Yaikangai ko makondjekeo na Mokonga. ³ Bisima boose ba edjekelekangai na yo, ango tchemo tcha endjekelekanga, tchita endjekelekanga bawo. ⁴ Mo yo aikangai ooya, eke ooya aikangai liangangi ya bato. ⁵ Liangangi yo kosana mo iphue, eke iphue itapokeanga bande yo. ⁶ Aikangai moto omo wa tomekanga na Mokonga:"lina nde aikangai Yowani. ⁷ Walangai mokota mokambo ya temwe ya leangani mbe boose ba akowe we. ⁸ Utaikanga bande liangangi, n'ndi wa buanyangai mo ko moesa liti ya liangangi. ⁹ Tcheangange si etcho, tchikai tcha liti, tchea tcho ko moneka na moto woose ana mo tchese. ¹⁰ Tcha ikangai mo tchese, eke tchese tcha endjekelangi na tcho, eke tchese tchitaebanga bande we. ¹¹ Tcalongai mo ba abande, eke ba abande bitapokeanga bande we. ¹² N'ndi mo baa boose bepokee we, baa bose beakowe mo lina ande, wa esa bo looka ya Kolimboka bana ba Mokonga, baa beboteke. ¹³ Buande na mo kiya, ango mo tcheema tcha mobe, ango mo tcheema tcha moto, n'ndi tcha Mokonga. ¹⁴ Eke looki ya timboka mobe, eke aika n'nkati ito, yaiya na ngbengbele na liti, eke aika n'nkati ito, yaiya na ngbengbele na liti, eke talengeangi okuku yande, okuku m'mba ya maana wa ikenya omolika, oloke ka Ise. ¹⁵ Yoni na ko lombesa we, eke wa akayai; ikai we owa:"Na ena bondi ande: Owa okula maili nane, waikangai boso nane, bondia wa ikanga boso nane". ¹⁶ Base boose tepokei kowa-kowa koose kande, ngbengbele mo ngbengbele; ¹⁷ Bondia angile wa eselekangai na Mose, ngbengbele na liti belei mo mboka ya Mbali Klisto. ¹⁸ Moto ango omo unamoni mono Mokonga; maana, omolika, owa wika n'nkati ya Ise, wei wa ebekanesanga e. ¹⁹ Monai maoki ma Yowani, obowa ba Yuda ba tomanga baomoli ba maphaphi kotoka mo Yelusalemu na Melombia ya Balawi, mo ko phiphea we m'mba ukai nani? ²⁰ Wa ena, eke uta tomanga, wa ena mbe we obaande Klisto. ²¹ Eke ba phiphea we:"Ikai tchei?" Owei Eliya? Eke wa ena:" No buane we ukai motomeki?" Eke wa timbolea: "Iyani". ²² Ba ena nande ephe:"Owe, ukai nani? Mba to ko ebesa ba batomake base. Owe omune ukai nani? ²³ Noo, wa ena, nikai looki ya owa okoakaya mo obandja:"Phenenesai mboka ya Mokolo, bowa aenanga Isaya, motomeki". ²⁴ Baa ba tomekanga, ba ikangai ba Yuda. ²⁵ Ba phipheya kae we ephe. Bondia tchei owe o ko n'nyanga? Aika m'mba obuwa Klisto, ango Eliya, ango motomeki? ²⁶ Yowani wa ko ebesa:"Noo, no ko n'nyai ko maale, n'ndi n'nkati ino, ika na moto omo owa bitelewe, okula maili nane; ²⁷ nteengame bande na ko kandowa neeli ya bilalo bande. ²⁸ Maondi ma amo maetangai mo Betaniya, gbaaya na iyaba ya Jordaniya, kowa Yowani wa ikanga na ko n'nya bato. ²⁹ Na mpendusi, eke wa mona Mbali koluleya we, eke we na ko ena. Monai maana a mokolo ya Mokonga, owa o ko toesa ko beya mo tchese. ³⁰ Mo isina yande n'nsi naikanga mo ko ena:"maili nane, moto okula owa wa ikanga boso nane, bondia wa ikangai boso nane". ³¹ Ntaebanga ane we, n'ndi ombele wa moneke mo Israyele eke alanga noo mo konya ko maale. ³² Yowani waika na ko ebesa maondi si:"Na monangai mosombo koselela mo obowa m'mba ndjiwa ya okonda eke yo na ko sikama kiyo nande". ³³ Ntaebanga bane we, n'ndi owa wa tomanga noo mokon'nya ko maale, ika we wa enanga nane mbe:"Owa bokomona mosombo koselela na kosikama kio nande, wei okan'nya na mosombo esaali. ³⁴ Eke na monangai eke na ena bondia ande mbe ukai Mana Mokonga. ³⁵ Na mpendusi, Yowani waikangai kooko, na babe ba baeki bande. ³⁶ We na ko mona Mbali mbe o ko eta, eke wa ena:"Monai Mokoko ya Mokonga". ³⁷ Baeki bande babe, obowa angbanga bo maoki si maamo eke baonda Mbali. ³⁸ Mbali na kotimboka, eke wa mona mbe bo koonda we, eke wa ena na bo: "bophanai nani? Bo na ko sumbolea we:"Mopheme, owe o ko ikangai ani?" ³⁹ Waie, we na ko ena na bo, monai: "Baonda we" eke ba mona abowa o ko ikanga we, bo na koika nande bosu si oowo. aikangai n'nyanga ikomi. ⁴⁰ Andele, mana nina wa Simona Petele, omo wa babe baa bangbanga maoki Yowani ena ba ondangai Mbali. ⁴¹ Aikangai we wa sangananga mana nina Simona, eke wa ena nande:"Tamonake Masiya . ⁴² Eke, waya nande kowa ka Mbali ko moesana nande, eke wa ena :"Owe ii Simona, mana Yonas o ko etekai Kephas" (isina yande mbe: Iwe). ⁴³ Na mpendusi, Mbali na ko ema kiya mo Galilea, eke we na ko songana na Filipo eke wa ena nande:"Onda noo". ⁴⁴ Filipo wa ikangai wa Betesaida, ko motanga aema ya Andelea na Petele. ⁴⁵ Filipo na kosangana na Natanayeli eke wa ena nande:" Tasanganake na owa Mose a enanga mo toani eke batomeki baboso ba enanga, Mbali wa Nazareti, mana Yozefa". ⁴⁶ Natanayeli na ko ena nande o ko isai m'mba tchesima tchesaali tcheenangame na koomoka mo Nazareti? Filipo na ko ena nande:"Waa eke monaa". ⁴⁷ Mbali na ko mona Natanayeli ko luleo we monai liiti mo isaeli si ono, n'nkati yande kua bande boibi. ⁴⁸ Owe webei noo kokoni? Natanayeli na ko ena nande Mbali na ko timbolea we; Boso mbe Filipo unaeli owe. ⁴⁹ Natanayeli na ko ena nande:"Molombia, wikai Mana Mokonga, wikai Mokota a Israyeli. ⁵⁰ Mbali na ko ebesa we:"Bondia na enaki nabe mbe nemonei owe kose kate, n'ndi wa akoake, omonai bephembe baemo ema, ba kolongeya bemo bamonake owe". ⁵¹ Eke wa ena nande:"Mo liti, mo liti, wo komonai enekeke obowa ko kandoka eke ba sombo ba saali ba Mokonga koselela kio na Mana Moto.