¹ Mumgimbile MLUME lwimbo luhya, Mumgimbile MLUME, sii gyose. ² Mumgimbile MLUME, lihalilwe mihaa china lyage, Lisambwe ohogonona wage chuba wa chuba. ³ Mubahubili ba mioga mwano gwa ugengeda wage, Na batu bose mwano gwa bisaga byage. ⁴ Bululi MLUME ii mmata mine gulihutonywa abisa. Na gwa usinywa uhima miishi gyose. ⁵ Bululi miishi gyose gya batu gishi atu, Bibyo MLUME noo guitile gulu. ⁶ Bunyemu na ugengeda bili umbele wage. Uoma na ubenda bili mnda hahaha hage. ⁷ Mmewe MLUME, benywe ibushi ya batu, Mmewe MLUME, ugengeda na uoma. ⁸ Mmewe MLUME ugengeda wa china lyage, Leswe lutangi mulugingiche mnda ibanja yage. ⁹ Mumtangile MLUME wa ubenda wa ugengeda wage, Danjwe umbele wage sii gyose. ¹⁰ Ganywe u mioga MLUME gutawalile; Ehe, ibaloo yagimana ishidigile, Gwibaonona batu wa kiine. ¹¹ Gulu na libe saso, sii na giseelele, Bahali na lite malida mabyose bilimo. ¹² Mabala na mate kwasa, na byose bilimo, Bibyo miti gyose gya mmisowa gigimbe wa saso; ¹³ Umbele wa MLUME, yulu gulihuchwa, Bululi gulihuchwa uonona ibaloo. Gwionona sii wa kiine, Na mioga wa uwilila wage.