¹ Ee MLUME, utege litu lyobe ungae, Bululi nenenili mbuchu na msabi ² Uibise ichuli-chuli yanyi ya mwego, Bululi nene nilihumnyemya Abetcha. Gogwe noo Abetcha anyi, Umogonone mgichi gobe mine gulihugilila. ³ Gogwe, Mlume, umonye yano yobe, Bululi nilihuulilila Gogwe chuba lyose. ⁴ Uiseeleche ichuli-chulu ya mwego ya mgichi gobe. Bululi ichuli-chuli yanyi ya mwego nauginunina yoo Gogwe, Mlume. ⁵ Wa bibyo Gogwe,Mlume, Uli m'benju, Uli abilo uleelela, Na gwa yano ingi, U batu bose balihuugita. ⁶ Ee MLUME, uuhulishe usaba wanyi; Ulihulishe lidi lya dua chanyi. ⁷ Lusugu lya asusus anyi niugita bululiwingitabuwa. ⁸ Hawingi ha miishi hashi guli nahi Gogwe, Mlume, ata na bigilanywa nahi byobe. ⁹ Mioga gyose gyoliitile gyichwa ; Na uuginamina Gogwe, Mlume, Biliginuna chila lyobe; ¹⁰ Yulu Gogwe uli mmata,Gogwe noo gusuita byugagicha, Noo Abetcha gee buchima. ¹¹ Ee Mlume, ungigye ndila gyobe; Nigya mnda winene obe; Mtima gwanyi na guseelele ulinyemya china lyobe. ¹² Niutona Gogwe, Mlume, Abetcha anyi, Wa mtima gwanyi gose, Niliginuna china lyobe milumbu. ¹³ Bululi yano yobe wandi iyiingi abisa; Waidabula ichuli-chuli yanyi ya mwego na usinda. ¹⁴ Ee Abetcha, bene bali na mnenunana basumbilila; Sumbilo lya ba buhulihuli balihuenga mtima gwanyi. Na bashubiile Gogwe hambele ha meso mabo. ¹⁵ Nambo Gogwe, Mlume, Uli Abetcha a uleelela na keene, Gulitolelecha, gwa yano ingi na winene. ¹⁶ Unjwilile na upe yano yobe nene; Umme mgichi gobe uoma obe,Umogonone mwana gwa mgichi gobe gwa mmachana. Ungitile bisaga ya yano, Bene balihukonywa baimone na badambe mmee.Bululi Gogwe,MLUME, Wambwatilicha na wapungya.