¹ Mgimbilwe Abetcha, uoma wetu, ng'imbo cha saso, Mumseelele Abetcha a Yakobo. ² Ginunywe ng'imbo, gombwe ligimbi, Inubi ya lidi libenju, na inanda. ³ Tewe mbila ha abalu a mwechi, Memgo ma mwechi gwahusela, masugu menyu ma saso. ⁴ Bululi ii m'bindo wa Isilaeli, Ii uononywa wa Abetcha a Yakobo. ⁵ Guganine ube ubangisiya wa Yusufu, Helihumine m'sii gya Misili; Binywa bya gwandishigidi nibihuliche. ⁶ Nabagula ombe lyage na mchigo, Maboo mage maleyane na ikapo. ⁷ Mengo ma asusu ungitile niuhogoninye; Niuhuliche mnda mabiso ma kuba; Niutondile ha madi ma Meliba. ⁸ Benywe batu banyi, hulichiwe, nene nimlangulula, Ee Isilaeli, Nambo wibenja upulicha; ⁹ Ushibe na abetcha a agenyi mnda mobe; Na ushiaginamine ange abetcha. ¹⁰ Nene noo MLUME, Abetcha obe, Niuhuminye msii gya Misili; Galiya anywa obe nene niagilucha. ¹¹ Bino batu banyi bashihuliche lidi lyanyi, Na Baisilaeli bashimendiche. ¹² Nibaleile bagile wa paa cha mitima gyabo. ¹³ Bibyo batu banyi bisubaupulicha. Na Isilaeli gwabagya mmadila manyi; ¹⁴ Nababasacha batumangu twabo wa abilo, Na yulu ya basusuchi babo nabagalula uboo wanyi; ¹⁵ Bene balihummonywa MLUME babasumbuluwa umbele wage, Ata mengo mabo mabagigili ata milumbu. ¹⁶ Ehe, nabalisha wa unona wa ngano, Nababagyusha na bui buuhuma mmliwe.