¹ Abetcha asugimana, na tunangu twage tususaliye, Bene basumonywa basusina yenyi yage. ² Nahi mii byagusugululwa, Noo byolibagulula boo; Nahi butongu byabususumbuluwa waahyaa, Noo byabigululwa babii u meso ma Abetcha. ³ Bibyo batu ba kiine biseelela, Na umona saso u meso ma Abetcha, Ehe, nuuta bigelegele bya saso. ⁴ Gimbilwe Abetcha, litonywe china lyage, Mumsebele ndila gya balabala, Mmishi gya mlwanaganywa nahi mshinyi gwa falasi; China lyage ii YAHU; seelelwe mbele gyage. ⁵ Sabo gwa mashige na mgechi gwa milandu gya bawilwa, Abetcha mnda bushamo bwage buhaha. ⁶ Abetcha asushamya balanda mndu; Gususula bahambwa babe na bitundu; Bibyo babuhulihuli bishama msii gya gigumu gishi na madi. ⁷ Ee abetcha, huligile mbele gya batu bobe, Hulihishile mlwanaganywa, ⁸ Sii gidanjile Ehe, gulu lisuwile madi u meso ma Abetcha; Ata Sinai u meso ma Abetcha; Abetcha a Isilaeli. ⁹ Ee Abetcha, unyeshiche mbula gya keene; Buhyana bobe habwimine ubuitile uba nauoma, ¹⁰ Mmoga gobe guitile bushamo bwage ubo; Ee Abetcha, wa yano yobe ubahele bunona bebe bamonenywe. ¹¹ Mlume gwahana inywa yage; Baachana balisamba mwano ii ihichi ya basolokota yata; ¹² Maoolo ma basolokoto basina, basina; Na machana gwamshame mndu gulihugaba kole. ¹³ Yulu yai ulala mmitala hasuguluwa diba, Bihwahwa byage bisugema nahi bumona bwa ichele na masoo mage nahi nolo? ¹⁴ Abetcha Dambe helibasalile maoolo uya, Na unyesha imundimundi u loono lwa Salmoni. ¹⁵ Ii loono lwa Abetcha loono Bashani, Ii loono lulahu loono Bashani. ¹⁶ Chenywe koono chilahu, yulu yai ululola wa buwa Loono luundile Abetcha gashame hegulu hage?Ehe, MLUME gwishama hegulu hage milumbu. ¹⁷ Tubilibili twa Abetcha ii uki maumi mopi, uki uki; Mlume guli hawingi habo nahi haya Sinai ha haha. ¹⁸ Gogwe wasela hegulu wawata kole, Wahewa bumana hawingi ha batu; Ehe, ata na ba buhulihuli, MLUME Abetcha gashame nabo. ¹⁹ Mlume gaginunywe, Lusugu wa lusugu gulihutuswalila michigo gyetu; Abetcha noo uhogononywa wetu. ²⁰ Abetcha wetu beswe ii Abetcha a uhogonona; Na madila ma uhuma u lubu mali na YEHOVA Mlume. ²¹ Ehe, Abetcha igadula miswe gya tumangu twage, Lubombo lwa njuli lwa mtu gulihugyata mnda usona. ²² Mlume guganine, nitugiwicha unyuma tumangu twanyi uhuma Bashani; Niyugiwicha uhuma mmabenga ma bahali; ²³ Uuchunde ugulu obe mnda manshi ma tumangu tobe, Na ndimi cha tuwa tobe tuhewe nato mashi ma tumangu tobe. ²⁴ Ee Abetcha, banoma bihisho byobe; Bihisho bya Abetcha anyi, Oolo lyanyi, ihana ya ihaha. ²⁵ Bagimbi noo basulombola, hanyuma habo bagombi ba bigombaganywa, Hawingi habo masindi bene basugomba tugomagoma ²⁶ Munyemye Abetcha mnda mwa masumbilo, Mlume mnda bihichi bya Isilaeli. Guli hoo Benyamini mcho mcho, Baulu ba Yuda, ihichi yabo; Baulu ba Zabuloni; Baulu ba Naftali. ²⁸ Ee Abetcha, umonye uoma obe; Ee Abetcha, ube mmomu utugilile byata. ²⁹ Wa yulu ya ihwiloyobe Yelusalemu Maoolo byuha alambwe. ³⁰ Ugiambile nyama gya mlundu; Ihichi ya ng'ombe na baana ba ng'mbe cha batu; Na balisache na uchwa na bihindi bya bomona, Ubasambache batu bene balihubenja bita. ³¹ Baana ba maoolo uchwa uhuma Misili, Kushi gwigololela maboo mage wa Abetcha. ³² Benywe maoolo ma ibaloo, Mumgimbile abetcha, Mumtone Mlume wa ng'imbo. ³³ Gee mine guchinine hegulu ha gulu ha utula milumbu; Gwadogoma wa lidi lyage lidi lya uoma. ³⁴ Mum'balile Abetcha uoma; Buolo bwaga buli hegulu ya Isilaeli; Na uoma wage uli hegulu ha matimba. ³⁵ Abetcha noo alihudanja Uhuma ha haha habe. Noo Abetcha a Isilaeli; Gee gusubaha batu bage uoma na uosha. Na gaginunywe Abetcha.