¹ Ee Abetcha, watutela na utusala, Usili na sungu, utugiwiche iyaka. ² Wadanja sii na ugisambula, Uhahonye hene habeleile, bululihadigila. ³ Wamonya batu bobe bihisho bigumu, Watunywisha divai lya utulugicha. ⁴ Wabaha bene balihunyemya bendela, Bululi ligimiwe yulu ya kiine. ⁵ Yulu baunjwa bobe badabulwe, Uhogonone wa uboo obe wa ulume, utugitabue. ⁶ Abetcha adogoma wa buhaha bwage, Na nene niseelela, nigabula Shekemu, Niipima ibetabeta ya Sukothi. ⁷ Gileadi ii gyanyi, na Manase ii gyanyi, Na Efulaimu ii uoma wa mswqe gwanyi. Yuda ii lubango lwanyi lwa buolo, ⁸ Moabu ii ilego yanyi ya ulisuwila. Nimtelela Edomu mkalabanda gwanyi, Na umtela Filisti igelegele ya bita. ⁹ M nanyi gwipila mndu gyina mgumbo? M nanyi gwinombwela uhiya Edomu? ¹⁰ Ee Abetcha, ati m Gogwe ututelile? Bibyo, Ee Abetcha, ushigya na bilume byetu bya bita? ¹¹ Utuchwilile na bwatilicho u tumangu, Bululi uhogonona wa batu ushiligye. ¹² Wa yulu ya mbwatilicho gya Abetcha twihisha bihisho bya byata, Bululi Gee gwituhyilila tumangu twetu.