¹ Ee Abetcha, undeelele, Ulamana na yano yobe. Bya uli bwingi uleelela obe, Ubuchimye buubi bwanyi. ² Ungoge abisa na buubi bwanyi, Upahache abisa na buubi bwanyi. ³ Bululi nigidi nene bigilanywa byanyi Na buubi bwanyi buli umbele wanyi abisa. ⁴ Nugila buubi Gogwe buchima, Na ugila biibumbele wa meeso mobe. Gogwe umanyiye ugana uli na kiine hosudogoma, Na uba hululu ho suonona. ⁵ Loola, nene nibumbulwe wa namuna gya buubi; Mago guswalile gumo wa ndila gishi gya gibenju. ⁶ Loola, usubenja winene wine uli mnda mtima; Na gogwe winganina lwengowa lubisagulu. ⁷ Wapahacha wa yaanga na nene nahahala, Ungoge, na nene nibi mmaha uhima imundi-mundi ⁸ Ungite umona saso na useelela, Mauda molibelile mamone saso. ⁹ Ubise yenyi yobe ushimone buubi bwanyi; Uchimye ugugila wanyo ose. ¹⁰ Ee Abetcha umumbile mtima guhaha, Uguite guhyi mtima gwine guli gushama mnda mwanyi ¹¹ Ushimbagule na yenyi yobe, Na ata mtima goba gwa guhaha ushiguhunye wandi. ¹² Ungiwidiche saso lya uhogononywa obe; Ungegeye wa mtima gwa guhuhu. ¹³ Nibagigya balubi madila mobe, Na babii bigiwila oli. ¹⁴ Ee ABETCHA, Abetcha a uhogononywa wanyi, Uponye na mashi ma batu, Na lulimilwanyi lwigimba kiine gyobe. ¹⁵ Ee Mlume, ugibulule milomo gyanyi, Na anywa anyi idogoma punda chobe. ¹⁶ Bululi ushihubenja lutangi lwa nyama, mndi nabalutangila, Gogwe ushibabenja lutangi lwa uchigya. ¹⁷ Lutangi lwa Abetcha ii mtima gwa gunogebu; Mtima gwa gunigebu na gwa gupondegane, Ee Abetcha ushigubeda. ¹⁸ Ugigilile bisoga Sayuni wa ubenja obe, Ubiyenge bibambacha bya Yelusalemu. ¹⁹ Haho noo holibenja lutangi lwa kiine, Na lutangi lwa uchigya, na lwa buubi. Haho noo habitangila ng'ombe hegulu ha ubutangilo bobe.