¹ Ee Mlume, Ushisambichi wa sungu chobe, Na ushipugumbile wa sungu chobe. ² Bululi migwii gyobe gyatunga,Na uboo obe wambwata. ³ Hashi mwego mnda m'bili gwanyi, Wa yulu ya buhuchi bobe. Na mmauda manyi mushi talala wa yulu ya buubi bwanyi. ⁴ Na buubi bwanyi bwakunina mswe , Nahi mchigo gwa bushito bwandemena abisa. ⁵ Bilonda byanyi bili humyuka, byabola wa yulu ya buhugi bwanyi. ⁶ Nagobama na uginama abisa, Chuba lyose nihugya nachigililwa. ⁷ Bululi lubunda lwanyi lwagilula ihupu, Na mnda m'bili gwanyi mushi ata mwego. ⁸ Nagonda na ushubuwa abisa, Nilihusumwa nauhubagana wa mtima gwanyi. ⁹ Mlume, Bwandihubenja byose bili u meeso mobe, Usumwa wanyi usabisama olo. ¹⁰ Mtima gwani gulihuhemena wa uhulwa luhuda, Uoma wanyi wapuma; Lwenge lwa meeso manyi nalo lwapuma. ¹¹ Bene balihukunda na magenda manyi bagimana koo na bihulo byanyi; Ehe, alibu nanyi bagimana koo. ¹² Nabo bene balihuenga mwego gwanyibatega magochi; Nabo bene balihuenga undogya balihudogoma biibi; Na ulanga biibi chuba lyose. ¹³ Bino nahi ihuli nishihuhulicha, Na nene ninahi ameme ashihubulula anywa age. ¹⁴ Ehe, nibele nahi mtu gushibahulicha, Nahi mine gushi na inywa mmanywa mwage ya uhulichiwa. ¹⁵ Bululi nauhemba Gogwe, Mlume, Gogwe wigaa, Ee Mlume,Abetcha anyi. ¹⁶ Yulu niganine, Bashichwe useelela; Ugulu wanyi ubeshebutuwa balihuliginuna yulu yanyi. ¹⁷ Bululi nene nili hoka na uleya uita, Na usumwa wnyi uli nanyimasugo mose. ¹⁸ Wa yulu nilibecha buubi bwanyi, Na uchigililwa mnda mtima yulu ya buubi bwanyi. ¹⁹ Mndi tumangu twanyi tuli poo na twina uoma, Nabo bene balihukonywa bunene tusili twingi. ²⁰ Ehe, Balihugiwidicha buubiwa busoga, Basili tumangu twanyi bululi nene nilihulama ugila bisoga. ²¹ Gogwe, Mlume, Ushindechi, Abetcha anyi,ushilibagule nanyi. ²² Uite abilo ubwatilicha, Ee Mlume, uhogononywa wanyi.