¹ Abetcha anyi, Abetcha anyi, yulu yai wandecha? Yulu yai Uliko na uhogononywa wanyi, Na binywa bya usumwa wanyi? ² Ee Abetcha anyi, naliila chuba lyose usangaa Na mengo ma busugu nishi na saso. ³ Na Gogwe Uli Mmaha, Washama hegulu ha utonywa wa Isilaeli. ⁴ Bamasetu buudagila Gogwe, Baudagile, na Gogwe ubahogonone. ⁵ Buulilile Gogwe bahogonoile, Buudagile bashidambile mme. ⁶ Bululi nene nili ichimu nishi mtu, Ubechiwa wa batu na bwenja bwa batu. ⁷ Bose bene balihumona balihuseya abisa, Uhimbulula, balihudigicha miswe gyabo. ⁸ Balihugana, Ugegamine Mlume; na guuhonye, Na gammogononye hano, bululi gwabenjiwa nage. ⁹ Ehe, Gogwe noo upuminye mnda mwa mago, wakudagicha u mabele ma mago. ¹⁰ Obe nitelilwe utula mnda mwa mago, Uhuma mnda mwa mago noo Gogwe Abetcha anyi. ¹¹ Ushibe koo nanyi bululi asusu ali hoka, bulbuli hashi guwatilicha. ¹² Byugengeda biingi byanyunguluwa, Bene bali na uoma wa Bashani balihunjwila; ¹³ Bangadulila tunywa twabo, Nahi tambwe ugaliya na uduga. ¹⁴ Nageseya nahi madi, Mauda manyi mose mahyondowa, Mtima gwanyi guli nahi butongu, Na usanguluwa mnda mtima gwanyi. ¹⁵ Uoma wanyi waguma nahi igaya, Lulimi lwanyi lwachibatilana na binywa byanyi; Wambiya mmihwili ya lubu. ¹⁶ Bululi tuwaa twanyunguluwa; Sumbilo lya babii lyashenena; Bamchulile maboo na magulu. ¹⁷ Mnaosha ubala mauda manyi mose; Boo bali huningamina na utunonena meeso. ¹⁸ Bagabula bichwalaganywa byanyi, Na ichwalaganywa yanyi igabulanywe. ¹⁹ Na Gogwe, Mlume,ushibe koo, Ee Uoma wanyi, uite abilo umbwatilicha. ²⁰ Uponye ichuli-chuli yanyi ya mwego na ahilu, Mmunjwa gwanyi na uoma wa tuwaa. ²¹ Anywa a tambwe upogonone nao; Ehe, na wa meega ma mbogo watonjile. ²² Nilisamba china lyobe wa uoma wanyi, Hawingi ha sumbilo niutona. ²³ Na benye bene bali humnyemya Mlume mumtone, Benywe bose bene muli ibushi ya Yakobo, Mumginune, Mumnyemye, benyew bose muli ibushi ya Isilaeli. ²⁴ Bululi gushinenunine asusu a msusulwa, Na gushichigililwe nao; Na gushim'bisile yenyi yage, Wa bibyo helimlilile gummuliche. ²⁵ Obe wahuma utonywa wanyi Msumbilo lyalyata. Nihunya ulibindila wanyi u mesoo ma bene bali humnyemya. ²⁶ Bahochu biya na ugyuta, Balihummenga Mlume bimtona; Mitima gyenyu gyishama milumbu. ²⁷ Bisula byose bya ibaloo gyiengelechiwa, Na batu bimgiwilila Mlume; Bibushi byose bya mioga bimginamina. ²⁸ Yulu buolo bwina Mlume, Bululi gee noo gusutawala mioga. ²⁹ Bamona bose ba ino ibaloo biyaa na uginamina, Basumginamima bose bene basusala mmihwili; Ehe, gee gushinaosha uhonya ichuli-chuli yage ya mwego. ³⁰ Babuswa bage bimgilila. Bilisamba mwano gwa Mlume, Wa ibushi yine yichwa, ³¹ Nabo bisambila bene bibuswa kiine gyage, Ugana gee noo mine gugilile.