¹ Gulu lilihulisamba ugengeta wa Abetcha, Na hegulu hata mtambila gwa migilo gya mabii mage. ² Lusugu lulihudogoma na lusugu, Busugu bulihuha busugu lwengu. ³ Hashi lidi ata binywa, Madi mabo mashihuhulichiwa. ⁴ Madi mabo mahiya mmibaloo yose, Na binywa byabo ndaa na isula ya sii. Wa bibyo gwalibiila chuba hema, ⁵ Nahi mlume gwa buya gabetoboa myumba yage, Yaseelela nahi mtu gwina uoma Ugya abilomndila gyage. ⁶ Chuba lilihuhuma na ugya isila ya gulu, Na uchunguluwa wage ata isula yage, Na ata uhana bomona bwage Hashi itu ili ibisamu. ⁷ M'bindo gwa Mlume ii guwilile, Utolelecha ichuli-chuli yanyi ya mwego. Ubangisiya wa Mlume ii bibyo, Na umaa mmugi lwengu. Malagano ma Mlume lwendo lubenju, Na useelecha mtima, Alago a Mlume iyahaha, Alihubiya meso lwenge. ⁹ Anyemu a Mlume iyahaha, iya milumbu. Uonona wa Mlume ushi na lulimi, Wina kiine abisa. ¹⁰ Ii waubenjiwa uhima nolo, Uhima nolo cha chihaha chiingi, Nao uli saa uhima bui, Uhima igala ya bui. ¹¹ Iyaka mgichi bobe gulihumonywa nao, Wa uwawasha uli alambwe engi. ¹² Mnanyi gunaosha ulimana buubi bwage? Upahache wa bihisho bya lubisagulu. ¹³ Umchibile mgichi gobe gashigile bihisho bya ulimona, Bishinginwine nene. Haho noo handibi m'bwilile, Na nene nibi mmaha, nishi na buubi bwa bwata. ¹⁴ Binywa bya anywa anyi, Na malanga ma mtima gwanyi bibe na anyemu umeso mobe, Ee Mlume, Liwe lyanyi lya lyata, na Mmonya gwanyi.