¹ Ee MLUME,uuhuliche usaba wanyi, Uhuliche usaba wanyi,Wa uwilila ube ungae wa kiine chobe. ² Bibyo ushimmonone mgichi gobe, Bululi oli ushi guli na kiine mine gulina mwego. ³ Mululi amangu alihulama ichuli-chuli yanyi ya mwego, Autela hasi mwego bwanyi, Ashamya hasi ihana ya mdoo, Nahi batu bene bawile aala. ⁴ Na mtima gwanyi gwachiminya malangamnda mwanyi, Mtima gwanyi mnda mwanyi gwababuwa. ⁵ Nimaengeleche masugu ma aala, Nibiengeleche bihisho byobe byose, Nilihugiengelecha migilo gya maboo mobe. ⁶ Nugololela maboo manyi; Ichuli-chuli yanyi ya mwego ilihuumonena yuma mnda sii gishi hunya mabula. ⁷ Ee MLUME, ungae abilo, mtima gwanyi gwalebela; Ushimbise yenyi yobe, Nashi hwanane na bene balihusala mmina. ⁸ Undeye nahuliche yano lyobe halwelo, Bululi nauudagila Gogwe. Usungile ndila gyandigila, Bululi nuginywina ichuli-chuli yanyi ya mwego. ⁹ Ee MLUME, uponye na tumangu twanyi; Nusinina Gogwe, umbise. ¹⁰ Ungigye ugila byoli hubenja, Bululi Gogwe noo Abetcha anyi; Mtima gobe gwa Guhaha gungolwele mnda sii gya kiine. ¹¹ Ee MLUME, upe iyaka mwego wa yulu ya china lyobe,Wa kiine gyobe upumye ichuli-chuli yanyi ya mwego mnda asusu; ¹² Wa yano yobe wibachinga koo ba tumangu twanyi; Na ubachimye bose bene balihususula ichuli-chuli yanyi ya mwego, Bululi nene nili mgichi gobe.