¹ Biino, bauulu ba batu babele bashame mnda Yelusalemu; nabo batu bene bashigele babele huta luti, yulu hawingi ha batu umi gumwechi gaashame mnda Yelusalemu mbuga gya gihahan na baya yahabula baashame umabuga. ² Na babo batu babahalile mihaa bose bene balihanene wa mtima gumwechi ushama mnda Yelusalemu. ³ Bino bano noo bahela ba mkoba bene bashamine Yelusalemu; mmabuga ma Yuda bashamine kila mtu uasoi age mmabuga mabo, noo, Isilaeli, bibuli, na Balawi, na Babachi ba batu, na bamwe bacha ba Sulemani. ⁴ Iyaka bange baana ba Yuda bashamine Yelusalemu, na bange ba baana ba Benyamini. Ba baana ba Yuda; Athaya, mwaana gwa Uzia, mwaanagwa Zekalia, mwaana gwa Amalia, mwaana gwa Shefania, mwaana gwa Mahalaleli,, mwaana gwa Pelesi; ⁵ na Maaseya, gwa baana ba Baluki, mwaana gwa Kolhoze, mwaana gwa Hazaya, mwana gwa Adaya, mwaana gwa Yoyalibu, mwaana gwa Zekalia, Mshelani. ⁶ Baana ba Pelesi bose bashamine Yelusalemu babele batu sambi china na maumi mtuba na inana, bilume pambwa. ⁷ Na baana ba Benyamini noo bano; Salu, mwaana gwa Meshulamu, mwaana gwa Yoedi, mwaana gwa Pedaya, mwaana gwa Kolaya, mwaana gwa Maaseya, mwana gwa Ithieli, mwaana gwa Yeshua. ⁸ Na hanyuma hage Gabai, Salai, batu sambi yahabula na maumi mabili na inana. ⁹ Na yoeli, mwaana gwa Zkli, gubele mgimaninyi gwabo; na Yuda, mwaana gwa Hasenua, gubele gwa bubili mgamaninyi gwa bubili mnda mbuga. ¹⁰ Ba bibuli Yedaya, Yoyalibu, Yakini, ¹¹ na Selaya, mwaana gwa Hilkia, mwaana gwa Meshulamu, mwaana gwa Sadoki, mwaana gwa Melayothi, mwaana gwa Ahitubu, mgimaninyi gwa ndu gya Abetcha. ¹² na bashiwabo bene babele hugila mgilo mnda ndu, batu sambi inana na maumi mabili na babili; na Adaya, mwaana gwa Yelohamu, mwaana gwa Pelalia, mwaana gwa Amzi, mwaana gwa Zekalia, mwaana gwa Pashuli, mwaana gwa Malkiya, ¹³ na bashiwabo baosubu ba ibushi ya bamatata, batu sambi chibili na maumi mana na babili; na Maasai, mwaana gwa Azaleli, mwaana gwa Azai, mwaana gwa Meshilomothi, mwaana gwa Imeli, ¹⁴ na bashiwabo balumyana bilume pambwa, batu sambi na maumi mabilina inana; na mgimaninyi gwabo bubele Zabdieli, gumwe gwa baya baosobu. ¹⁵ Na ba Balawi; Shemaya, mwaana gwa Hashubu, mwaana gwa Azlikamu, mwaana gwa Hashabia, mwaana gwa Buni, ¹⁶ na Shabethai, na Yozabadi, mmele gwa Balawi, bene bagimene mgilo gwa hambuga gwa ndu gya Abetcha. ¹⁷ na Matania, mwaana gwa Mika, mwaanagwa Zikli, mwaana gwa Asafu, mmata mine gutulishe buswachi mnda usaba, na Bakbukia, gwa bubili gwage hawingi ha bashiwabo; na Obadia, mwaana gwa Shemaya, mwaana gwa Galali, mwaana gwa Yeduthuni. ¹⁸ Balawi bose bene bashamine mnda mbuga gya bihaha babele batu sambi chibili na maumi inana na bana. ¹⁹ Hamwechi na babo, bagimaninyi ba umchango; Akubu, Talmoni, na bashiwabo bene baushile u michango, babele batu sambi na maumi njwii na babili. ²⁰ Na Baisilaeli bene bashigele hawingi ha babo ba bibuli na Balawi bene babele mmabuga mose ma Yuda, kila mtu mmasoi age. ²¹ Haho babachi ba batu babele hushama Ofeli; na hegulu ha babachi ba batu babele Siha na Gishpa. ²² Nage mgimaninyi gwa Balwi uya Yelusalemu, ii Uzi, mwaana gwa Bani, mwaana gwa Hashabai, mwaana gwa Matania, mwaana gwa Mika, gwa baana ba Asafu, babo bagimbi, gubele hegulu ha mgilo gwa ndu gya Abetcha. ²³ Bululi habele na alago a oolo yulu yabo, na alago a chigilwe ababiilwe bagimbi, nahi byabibele lingye kila lusugu. ²⁴ Na Pathahia, mwaana gwa Meshezabeli, gwa baana ba Zela, baana ba Yuda, gutumwa na oolo gamgimanine yulu ya mwano gwa bihisho byose bya batu. ²⁵ Na yulu ya mwano gwa tumabuga na mabala mage, nange babaana ba Yudababele bashame Kiliath-alba na tumabuga twage, na Yekabzeeli na tumabuga twage, na mnda Diboni na tumabuga twage. ²⁶ Na Yeshua, na Molada, na Beth-peleti ²⁷ Na Hazal-shuali na Beel-shebana tumabuga twage; ²⁸ na mnda Siklagi, na Mekona, na tumabuga twage; ²⁹ na mnda Enlimoni, na Sola, na Yalmuthi; ³⁰ Zanoa, Adulamu na tumabuga twage, Lakishi na mabala mabe, Azeka na tumabuga twage, Haho bashamine uhuma Beel-sheba ndaa na ibetabeta ya Hinomu. ³¹ Baanaba Benyamini nabo babele bashame Geba, na Mikmashi na Aiya, na Beth-eli na tumabuga twage; ³² Anathothi, Nobu, Anania, ³³ Hazoli, Lama, Gitaimu, ³⁴ Hadidi, Seboimu, Nebalali, ³⁵ Ludi, na Omo, ibetabeta ya Bakalashi, . ³⁶ Na ba Balawi, bange bashamine hawingi ha Yuda na bange hawingi ha Benyamini