¹ Guya nine guli gwinoga bihindi bihindi gwasela hambele ha meso mobe ; uguhe mata, uyeshe undila, lubunda lobe uluomenyenye, ulihe uoma abisa. ² Bului Mlume gwagiwidicha Yakobo punda gyage,nahi punda cha Isilaeli; yulu bawatile matage babwashile, na udogya matabi ma mizabibu gyabo. ³ Ngabo cha biluma pambwa byage chaiswa iba chigachichu, batu ba bilume pambwa bachwala bisanjwa bya bigachichu abisa, tubili-bili twa bita tulihugengda wa igela ya u myembe nahi chuba lya ulilongya wage, na masumo miolwa wa ugeme ⁴ Tubili-bili twa bita twahulichiwa kindo chingi mndila, tuli huhituganya-hituganya m mndila gya gyata ; umonya wage ii nahi yaa ya mwenge, na ugya abilo nahi ahenyu-henyu. ⁵ Gulihubaengelecha batu bage bali na anyemu; Balihulihyatala hugyata wabo; balihugya abilo u lukuta; Nayo iru ya ugawila yahuhwa ubiwa ,yulu ya ubaunina. ⁶ Migechi gya ngudi gyabuguwa, na ndu gya oloo gyasumbuluwa. ⁷ Husabu nage gwaununilwa, gwaguhwa, na bacha bage bali hulila nahi uduga wa tukundulu, bali hulihula-hula u byali byabo. ⁸ Bibyo Ninawi utula aala gubele nahi ichiba ya madi; ata bino bali hisina; Gimanwe,! Gimanwe! Ata bibyo hashi ata gumwe gwabo gulihulola u nyuma . ⁹ Guhwe matega ma bumona, Guhwe matega ma nolo; yulu ii akiba ashibahwa, punda gya bitundu bisu ubenjiwa . ¹⁰ Gusili bwa mdumbulu, na bushigana, na udogelwa,; ata mtima unogeya, na machwi uukana-ukana; mmunda chose chili nabusungu, na byenyi bya bose bili buhaha yulu ya booba. ¹¹ Bushamo bwa tambwe buli uhi? na baana ba matambwe basulishiwa uhi?, ihana ienene tambwe gyamlume na tambwegya otana mwana tambwe, na hashi mine gubabiile booba. ¹² Tambwe gisambwile bihindi-bihindi iliwa ya ubawilila baana bage, gubahiile baachi bage nyama, gugiluche miao gyage matega, ma bushamu bwage gugiluche byeli hibile. ¹³ Loola nene nili hegulu hobe, Mlume gwa bilume pambwa , gwagana, nene nichigya tubili-bili tobe twa bita mna mii , na ahilu iyaa bana ba matambwe bobe; nanene nihanya bya buhibi byobe ii gino sii, na lidi lya bahilwa bobe lishihulichiwa iyaka.