¹ Uununwa yulu ya Ninawi. Itabo ya maalo meliloshile Nahumu,Mwelkoshi. ² Mlume ii Abetcha ina buwa, nage gusugiwidicha bihulo; Mlume gusugiwidisha biluli, nage gwina sungu chingi; Mlume gusudiwidicha bihulo yulu ya tumangu twage,ubabiila tumangu twage gungu chingi. ³ Mlume gushibachigililwa abilo, gwina uoma wingi,nage gushim'bala mtu m'bii ugana gushi na bubii; Mlume gwina ndila gyage mnda isukishi na mnaga, na matimba na ihwili ya magulu mage. ⁴ Gee guswambila bahali na uligumya, na iyaka gusugumya ngudi chage, Bashani balebela, na Kalmele; mauwa ma Lebanoni malebele namo. ⁵ Koono chilihudanda mbele gyage,nato toono tulihusumbuluwa; nayo ibaloo ilihuginunwa u mbele ma meso mage, Ehe, ibaloo na bose bene bali hushama mwa ilii ⁶ Ii nanyi gunaosha ugimana u mbele wa buhuchi bwage, nage iinanyi gunaosha ushama u buhuchi bwa sungu chage? Sungu chage komu ugeswa nahi ahyaa, nagyo miao gilihubelwa nage. ⁷ Mlume ii m'benju, ii busunino chuba lya unyogwa; nahe gusubamana baya bene basumsinina. ⁸ Mndi wa imbi luudi ya igiluchu gwiisungya abila ishibe hoo.,na utulamonina tumangu twage na mnda mdoo ⁹ Mulihulanga ii yulu ya Mlume? Gee gwisungya abisa, asusu ashiginyua iyaka lwendolwa bubili. ¹⁰ Na inangwa bali nahi miigwa gwaguchingane, na unwisha nahi biya unwa wabo, baliwa abisa nahi byoloolo bya bigumu. ¹¹ Gwahuma gumwechi olii, Gulihulanga bubi yulu ya Mlume, gulihuhana mmano gushilingye atu. ¹² Mlume gwagana bino, Inagwa bina uoma wa uwilile, inangwa ii beengi , ata bibyo begechwa, nage gwihita na uligila lwage, inangwa niususule, nishiususula iyaka. ¹³ Na bino niinoga bihambo byobe byose, na nene niusulila bisuganwa byobe byose. ¹⁴ Iyaka Mlume gahana alago yulu yobe, gashiunwe mtu gegese mine gwina china lyobe; utula adaba a tudaba tobe nisunbula koo miishi gya ubada, miishi gya usumbulula; niudabila sinda lyobe; bululi uli alema bitengu. ¹⁵ Loola, hegulu ha loonohali magulu mene mali huchwa na mwano gosoga, gulihuta mbila gya talala . Uomenenye masugu mobe maulitucha, Ee Yuda, Uhumye byolilibindile; bululi guya mine gishilingye atu gushihita hawingi hobe iyaka, gwahuhwa usumbulwa koo nobe.