¹ Yesu genuuchua hebele, genubagala mbuga gyabo, genulamana naba gigiwa bage. ² Hahuile lusugu lulihocha, genuanja ugigya mnda sinagogi na bange bumulicha bonuugagilwa. Bonugana, ''Mtu gugu gwa hunya hee bino binywa? kwa hunya hu luno luengu lumana bino bitu. ³ Guno gushi mpashi mwana gwa Mariamu? Na ndugu chage na Yakobo, Yose, Yuda na Simeoni? bakacha batu bage tunabo hano? Bashi washiche. ⁴ Yesu genuulisamba, ''Mbua osee welikya guna anyemu age na mmoga kwage na mbuga gyake. ⁵ Gusaita bigagee byo byose gushi mmite bigage naipauche basumwa bonuhona. ⁶ Genuugagilwa abisa bashibele na buwasha. ⁷ Genugita bagigiwa bage umina babilee genuanja ubahila babele genuubala uoma yulu yu uchenga miha gibaya. ⁸ Genuubalaga mushi guhe yoyose mnda lwendo lwenyu nangu swala ahaba muswale tu lubango ila mwa chwale mikalabanda ila mushi guhe nkate, wala ahwaba, bumona. ⁹ muchwale mikalabanda mushi guhe bichwalanywa byenu ukombo chanywa. ¹⁰ Iyaka genubaganina ii mpe gingila mndu kyokyose, chamwe hoka haho mpaka bya liichua mmo mbuga. ¹¹ Na hene hamwihiya hose nambo bashi mpogela ata mashi mmulicha, hamwechua, mwa ukumune magulu miihwili yenyu, libe langa wabali''. ¹² Wabibyo bonuuhuma, bonuubagala na lisamba mlandu kwa Abetcha Pungu batu balibache baleye bubii. ¹³ Bonuubahunya batu bengi mnagaa, bonuubashinya mauta basumwa bengi, bonuhona. ¹⁴ Mwami Herode genuchuhewa mwano guno, yulu ya china lia Yesu libele limanyiwe ngubi chose. Banage batu babele hugana, Yohana mchunji kwi chuile ubabu na yulu uoma ugula bitu byu gagicha byo nuugila migilo mnda mwage! ¹⁵ Bange bonuugana, ''gugu ii Eliya!'' Na bange nugana, ''Mbua na hee nage ba mbua ba ala''. ¹⁶ Hahuliche Herode mwano genuugana, gugu i Yohana mchunji gawaswe gwa naialile iswe, uchua ubabu! ¹⁷ Yulu Herode gubele kwa laga gee nuulaga bino Yohana mchunji gawaswe, gabiwe ipulogo. Guitile bino yulu ya Herodia. ¹⁸ Yohana nuuganina Herode, ''bishibisoga gogwe ugonda mmachi kwa mmululobe.'' ¹⁹ Wabibyo Herode genuupila nginyi Yohana genuuhanya ummaga, ila kushipate ihana, ²⁰ yulu ya Herode gumonine booba Yohana mine gwegide mtu mine kwa kine na mtima kwa guhaha, geenuba hubalinda. Nage Herode nuuchigililwa abisa hehuliche Yohana, na gutangile umulicha. ²¹ Uhwa Herodia genuhewa ihana hebele uaenga lusugu lwa saso genuugita mnombochi kwa mmela undu wage lusugu lwa saso lubuswa wa mwami Herode, mwami genuita nsangano kwa saso kyata, genuukita balombochi babata bagiswile usese gya bamii, bilusha bya basolokotona batu bamihano ba Galilaya. ²² Unyundu yage Herode genuchwa uina, genuumitila saso Herode hamwechi na bange, mwami Herode genuganina guya inyundu, sabe yoyose yolibenja, nanene ni huha. ²³ Genuita n'lapo genulisamba,'' yoose yolibenja, ibeba iba yanyi ya bwami bwanyi niuha.'' ²⁴ Guuya inyundu nuukyubucha mnage, ''na sabe ituki? mnage genuugaa, isabe iswe kwa Yohana mchunji. ²⁵ Guya inyundu genuugiwila abilo wa mwami genuusambila, nihubenja umpe iswe kwa Yohana mchunji uwilego.'' ²⁶ Mwami genuulibanga, gushipweche umanyinya yulu guli mmite n'lapo mbele kya bagenyi bage, uunda ubela malagano mage. ²⁷ Na bibyo Herode genutuma gumwechi kwabo kwa bachunji bagee luendo lumwechi genuubalaga muchwe na iswe kwa Yohana mchunji. ²⁸ Guya mchunji genuubagala mmihambo genu haga Yohana iswe guiya mchunji gugile wihambo nuguha iswe kwa Yohana nugutela welego genuha guya sia; nage nuha mnage. ²⁹ Bagigiwa ba Yohana bamanine mwano gugo bachwile uguha untumba yage, baachiile mmabuli. ³⁰ Baya bagigiwa umi na babili, hashiwile, basambile Yesu bikoko byose biabitile na ugigya. ³¹ Bululi batu bengi bachwile, na bahuli ihana yuya, Yesu gubasambile bagigiwa muli hoche. ³² Haho bachwile uchina ubwato bobuchima nuukya ihana ishi batu. ³³ Haho batu babamonine habachwile, baba sungwile, babangwile hambele abilo amagulu uhuma mabuga mose uya wene wababele gugya bahile abilo. ³⁴ Yesu heli hiile bwala mkala numona iyo ihichi ya batu gubamonene kene bululi babele nahi mioo gihinachugi wa iyo gwanjiche ubagigya wakoko bingii. ³⁶ Ganina batu bagye uligulila bya uya umabala nuumabuga na mbuga na balungwa.'' ³⁷ Yesu gubakaile, ''mubahe ya uya,'' gubasambile, tuhubenja uba na bumona bwingi tugule mikate kyuwilila ulisha batu bose. ³⁸ Gubabuchiche, ''muna mikate gingaa? mpekwulola, habashiwile basambile hali mikate kitano na swee chibeli.'' ³⁹ Haho Yesu guba amuliche babashamie hasii bihichi hachia nyobu. ⁴⁰ Yesu gugunwine mkate gitano na chiya swee chibili gulolile hegulu, buswachi nage nuginoga giya mikate nuha bagigiwa bage bagabulile batu. Babagabulile bose na chiya swee chibili. ⁴¹ Kukuhile kiya mikate kitano na chiya swee chibili, gulolile hekulu, kusabile na ugeda guya mikate, na ubaha bagigiwa bage na chiya swee bagabulile batu. ⁴² Batu bose balile, naugyuta. ⁴³ Bagigya baongwele bihindi biene bishigele bonugilucha bitanga umi na bibele. ⁴⁴ Batu balumiana bale elufu etano. ⁴⁵ Mengo moka mamo Yesu gubaluhusu bagigiwa bage bagie ubwato babangwe ugya Bethesaida, hene hebele ubalaga batu ba isumbilo ⁴⁶ Mengo meli mpalage batu, hanyuma hubalaga baya batu, gugile ulono usaba. ⁴⁷ Bihiile igolo, maya mato mabele mahuhiya ibwingi mwaludi na Yesu gubele gebuchima ukala. ⁴⁸ Gumonine bagigiwa bage baliuhabagana, waushilana na ibali wa uoma yulu habele mnaga gubele hugya wa babele huhuma. Alibu na ulitucha, Yesu gubagilile bagigiwa bage ugyata hagulu hamadi gubele alibu ubahita. ⁴⁹ Habamonine guugyata hagulu ha madi, balangile imishi,batele yoga, ⁵⁰ Bululi bose bamonine bonuumona booba. Haho Yesu guganine nabo, ''muteamane! inene, mushibe na booba!'' ⁵¹ Guchinine mbwato bwabo na guya inaga nuhwa! bagagilwe. ⁵² Babele bashi na sungula iyee ya igage ya mikate bale nashina bukulilwa lwenyi lwabo. ⁵³ Habahwile, bahile wilaya wa genezareti, babile nanga. ⁵⁴ Hababele uhuma mbwato bwabo batu basungwile Yesu luendo lumwechi, ⁵⁵ bahishile mmabuga mose wa abilo abilo baswalile basumwa ubipoyo nuulama osee wene wegile. ⁵⁶ Na gila ihana Yesu wegile utumabuga, na mabuga na mmabala, batu babile basumwa babo mmasogo basabile gabaganine baya basumwa babo ao baude pindo gya ndubo giage. Na bose bamudile bahonine.