¹ Haho lubele lusugu lwa inana, Musa gubagishile Haluni na baana bage, hamwechi na bahela ba Baisilaeli. ² Gumsambile Haluni, Gogwe uguhe mwana gwa ng'ombe gwa mlume gabe lutangi lwa buubi, na mwana mmoo gwa mlume gabe lutangi lwa uchigya, chibe chiwilile, wachishenye u mbele wa MLUME. ³ Gogwe wabasambile baana ba Isilaeli, ugana, Guhwe mbuchi gya lunga gyabe lutangi lwa buubi; na mwana ng'ombe,na mwana mmoo, chose chabe cha mwaa gumwechi gwa ubuswa, chiwilile, yulu ya lutangi lwa uchigya; ⁴ na ng'ombe gya mlume, na mmoo gwa mlume, yulu ya lutangi lwa talala, bululi bwa uchishinja u mbele wa MLUME; na lutangi lwa buusu bwa busupaganyiwe hamwechi na mauta; bululi, MLUME lino gwilimonya wamli. ⁵ Nabo bahyiche biya bilagilwe Musa balushishe u mbele wa hema lya busambeno; hanyuma sumbilo lyose lishenine na ugumana u mbele wa MLUME. ⁶ hanyuma Musa guganine, Inywa ilagilwe na MLUME ugana muigile noo ino; na ubo ugengeda wa MLUME wichwa wamli. ⁷ Musa gumsambile Haluni, Shena u butambikilo, utangile lutangi lobe lwa buubi, na lutangi lobe lwa uchigya, wagileusambanya yulu ya ichuli-chuli yobe ya mwego, na wa yulu ya batu; gogwe utangile gigyo nyama yulu ya batu,waite usambanya yulu yabo; nahi bilagile MLUME. ⁸ Haho Haluni gushenene butambikilo, gushinjiche gugo mwana ng'ombe gwa lutangi lwa buubi, bubele yulu ya ichuli-chuli yage ya mwego. ⁹ Hanyuma baana ba Haluni bamshenenye Haluni maya maashi; nage guchundile mnywe gwage mnda maya maashi, na ubiya u masunga ma butambikilo, hanyuma gumagesile maya maashi hasi hasiha butambikilo; ¹⁰ bino mauta, na pigu, na lwinga lwine luhumine u binyi bya luya lutangi lwa buubi, gubichigiche hegulu ha butambikilo, nahi biya bilagilwe Musa n MLUME. ¹¹ Na nyama, na ibambi gubichigiche hambuga ha bushamo. ¹² Nage Haluni gushinjiche lutangi lwa uchigya; na baana bage Haluni bamshenenye maya maashi, nage gumahongolole u butambikilo ngubi chose. ¹³ Nabo bamlushihe lutangi lwa uchigya ihindi w'ihindi, na mswee; nage nuubichigya hegulu ha bitambikilo. ¹⁴ Hanyuma gugogile byamnda, na bigima na ubichigya hegulu ha lulo lutangi lwa uchigya u butambikilo. ¹⁵ Hanyuma Haluni gusheninye nyama bululi bwa batu, gugiguhile mbuchi gya lutangi lwa buubi gyine gibele u babo batu, na ugishinja, na ugitangila bululi bwa buubi nahi giya gya gitangi. ¹⁶ Hanyuma gulusheninye lutangi lwa uchigya, na ulutangila ulamana na m'bindo. ¹⁷ Hanyuma gusheninye lutangi lwa buusu, na utaha ganda mmo, na ubushigya hegulu ha butambikilo, hamwechi na lutangi lwa uchigya lwa halwelo. ¹⁸ Gigyo ng'ombe gya mlume nagyo gugishinjiche, na gugo mmoo gwa mume nago, mnyama cha lutangi lwa talala, chine chibele yulu ya batu; na baana bage Haluni bamshenenye maya maashi, nage gumahongolwele u butambikilo ngubi chose. ¹⁹ nanauta ma ng'ombe,na ma mmoo,na mmila gwagyo gwa mauta, na maya mene masuwila byamnda, na pigu chage, na lwinga lwa iinyi; ²⁰ nabo babiile maya mauta hegulu ha kuu, nage gumachigihe mauta hegulu ha butambikilo. ²¹ na chiya kuu, na igima ya ugulu wa luubi lwa ulume, Haluni gubimaile uu na uu bibe lutangi lwa umaa u mbele wa MLUME; nahi bilagilwe Musa. ²² Hanyuma Haluni guginune maboomage na umahugulwila u babo batu, gubahalele mihaa; hanyuma gusalile halihwile utangila lutangi lwa buubi, na lutangi lwa uchigya, na lutangi lwa talala. ²³ Hanyuma Musa na Haluni bagingile mnda hema lya busambeno, hanyuma batobowile hambuga, na ubahalila batu mihaa; na ubo ugengeda wa MLUME ubachwilile batu bose, ²⁴ Hanyuma aahya achwile uhuma wa MLUME, na uchigya lutangi lwa uchigiwa, namayamauta mene malihegulu ha butambikilo; bato bose habamonine ao aahya batele b bigelegele baginamine byenyi basi.