¹ Na mtu helimtangila MLUME lutngi lwa busu, lutangi lwage lubi lwa busu bwa lebelebe; nage gwibuhongolola mauta, na ubiya na buswenge hegulu habo; ² hanyuma gwibulwisha uli baana ba Haluni, babo ba bibuli; nage gwiguha ganda limwechi u bubo buusu bwa lebelebe, na u maya mauta mage, na bubo buswenge bose; hanyuma ibuli gwibuchigya uba noo kengelecho gyage hegulu ha butambikilo, lutangi lwa ushenya wa ndila gyaahya, lwa bushio bwa ubenjiwa na MLUME; ³ na buya bwa bushigachu bwa luya lutangi lwa buusu bubi m bwa Halunina baana bage; iyitu ya ihaha abisa mnda lutangi lwine lushenyiwe wa MLUME wa ndila gyaahya. ⁴ Iyaka holitangila lutangi lwa buusu bwine buangilwe mluginga, bubi mikati gishi gyagibiwe mshimi, gya buusu bwa lebelebe wabuhinywe na mauta, ao, bitumbula bishi byabibiwe mshimi byabishinyiwe mauta. ⁵ Iyaka lutangi lobe ugana m lutangi lwa buusu myaangilo, bubi buusu bwa lebelebe bushi bwabubiwe mshimi, bwabuhinywe na mauta. ⁶ Wibugedageda bihindi, na ububiya mauta hegulu habo noo lutangi lwa buusu. ⁷ Iyaka lutangi lobe ugana m lutangi lwa buusu bwa mlweso, bwilongiwa wa buusu bwa lebelebe, hamwechi na mauta. ⁸ Gogwe wimmyicha MLUME lutangi lwa buusu bwine bulongiwe wa bibyo bitu; nabyo byihyiichiwa wa ibuli, nayo noo yibishenya ubutambikilo. ⁹ Hanyuma ibuli gwiguha mmo ubo kengelecho gya lutangi lwa buusu, nage gwibuchigya hegulu ha butambikilo; m lutangi lwa ushenya wa ndial gya aahya, lwa bushio bwa ubenjiwa wa MLUME. ¹⁰ Na iya yine yishigala u lutangi lwa buusu ibi ya Haluni na baana bage; iyitu ihaha abisa u lutangi lwa uchigiwa wa MLUME wa ndila gyaahya. ¹¹ Lutangi lwa buusu bo bose bwine bwitangilwa wa MLUME bushibiwe mshimi abisa; bululimushichigya mshimi, na ata bui bo bose, uba ii lutangi lwa ushenya wa MLUME wa ndilagya aahya. ¹² Bibya byose mwibishenya wa MLUME uba imtomwe; na bishihiichiwe hegulu ha butambikilo uba bushio bwa ubenjiwa. ¹³ Iyaka, yo yose yine yihanywa u lutangi lobe lwa buusu wilubiya miinyu; nanushileye lutangi lobe lwa buusu uhungwilwa na miinyu gwa malagano ma Abetcha obe; witangilamiinyu hamwechi na lutangi lobe loose. ¹⁴ Gogwe ugana wamtangila MLUME lutangi lwa buusu bwa mtomwe, wihunya chicho ngno mnda mihunga gyage chine chichelilwe waahya, ngano chihulilwe hamwechi na mihunga gya gibisi, haho noo holilusha lutangi lwa buusu bwa mtomwe gobe. ¹⁵ Gogwe wibiya mauta hegulu habo, na ubiya na buswebge hegulu habo; noo lutangi lwa buusu. ¹⁶ Gugo ibuli gwigichigya kengelecho gyage, noo, ibaa ya ngano cha chihulwe cha lulo lutangi, na ibaa ya mauta mage, hamwechi na buya buswenge bwage bose, m lutangi lwa ushenya wa MLUME wa ndila gyaahya.